《台語荒漠甘泉（漢羅版）》

 | | | 轉寄

人看bōe tio̍h ê位工作

作者 陳清俊 譯 林俊育 漢羅翻寫 2009.06.21

listen 六月二一(六月二十一日)

「人(lâng) 聽見(thiaⁿkìⁿ) 伊(i) tī 厝內(chhùlāi)。」 (馬可(mákhó) 2:1)

珊瑚(sanô͘) tī 水底(chuítoé) 起造(khíchō) 珊瑚(sanô͘) 石(chio̍h)，in lóng 無(bô) 想(siūⁿ) tio̍h 是(sī) 為(uī) tio̍h 一個(chi̍tê) 島嶼(tósū) teh 造(chō) 地基(tē ki)。有(ū) 一日(chi̍tji̍t)，chitê 島嶼(tósū) beh 有(ū) 動物(tōngbu̍t)、植物(si̍tbu̍t)，也是(iāsī) 上帝(siōngtè) kiáⁿ兒(jî) 出世(chhutsì) ê 所在(só͘chāi)，beh 享受(hióngsiū) kap 基督(kitok) 相仝(siokâng) 做(choè) 後嗣(hō͘sû) (羅馬(lômá)8:17) ê 永遠(éngoán) 榮耀(êngiāu)。

親愛(chhinài) ê 朋友(pêngiú)，假使(kású) tī 上帝(siōngtè) ê 大(toā) 軍隊(kuntuī) 中(tiong)，你(lí) ê 位(uī) 是(sī) tī 隱密(únba̍t)、無(bô) 明顯(bênghián) ê 所在(só͘chāi)，m̄ thang 發(hoat) 怨言(oàngiân)，sē sē 念(liām)；m̄ thang 違背(uîpoē) 伊(i) ê 旨意(chíì)，隨便(suîpiān) 離開(līkhui) 伊(i) 所(só͘) kā 你(lí)hē ê 所在(só͘chāi)。Ài 記得(kìtit)，無(bô) 珊瑚(sanô͘)，hit 所在(só͘chāi) 就(chiū) 永遠(éngoán) bōe 形成(hêngsêng) 一個(chi̍tê) 島(tó)，上帝(siōngtè) 會(ē) 召(tiàu) 一(chi̍t)kóa 人(lâng) 來(lâi) 做(choè) 屬靈(sio̍klêng) ê 珊瑚(sanô͘)。伊(i) chhē 求(kiû) hiahê 願意(gōanì) tī 人(lâng) 看(khoàⁿ) bōe tio̍h ê 所在(só͘chāi) 工作(kangchok)。總是(chóngsī) in ê 所做(só͘choè) tī 天頂(thiⁿténg) 是(sī) 看(khoàⁿ) 真(chin) 明(bêng)，也是(iāsī) 受(siū) 聖靈(sènglêng) 所(só͘) 支持(chichhî) ê.

有(ū) 一日(chi̍tji̍t) 耶穌(iaso͘) beh 頒獎(panchióng)，有(ū) ê 人(lâng) 奇怪(kîkoài) 你(lí) 有(ū) 資格(chukeh)得獎(ti̍tchióng)，雖然(suijiân) in lóng bōe bat 聽見(thiaⁿkìⁿ) 你(lí)。但是(tānsī) ài 知(chai)，上帝(siōngtè) 是(sī) bōe m̄ tio̍h ê.

當(tng) 你(lí) khiā tī 衝突(chhiongtu̍t) 內(lāi)，hia 是(sī) 你(lí) ê 所在(só͘chāi)，
你(lí) 想(siūⁿ) 講(kóng) 你(lí) 無路用(bôlō͘iōng)，免(bián) 掩(ng) 你(lí) ê 面(bīn)，勇敢(ióngkám) khiā 在(chāi)，
上帝(siōngtè) hē 你(lí) tī hia 有(ū) 目的(bo̍ktek)，不管(putkoán) 甚麼(símmih) 安排(anpâi)，
伊(i) 所(só͘) 派(phài) hō͘ 你(lí)ê，忠心(tiongsim) 去(khì) 做(choè) 是(sī) 應該(èngkai)。
信靠(sìnkhò) 伊(i)，裝備(chongpī) 你(lí) ê 戰甲(chiànkah)，無論(bôlūn) 工作(kangchok) á 歇睏(hiohkhùn)，
無(bô) 懷疑(hoâigî) tī hia,上帝(siōngtè) 路(lō͘) siōng 好(hó) koh 穩(ún)。
無論(bôlūn) 是(sī) 戰鬥(chiàntàu) á 守望(siúbōng)，堅定(kiantēng) 誠實(sêngsi̍t) 慇勤(unkhûn)，
這(che) 是(sī) 主(chú) hō͘ 你(lí) 所(só͘) tio̍h 做(choè) ê 恩(un)。

當(tng) 咱(lán) 平平(pêngpêng) 安安(anan) 離開(līkhui) 眾(chèng) 信徒(sìntô͘) oehkhoeh ê 所在(só͘chāi)，á 是(sī) 默想(be̍ksióng) tī 山頂(soaⁿténg) ê 體驗(thégiām)，á 是(sī) 離開(līkhui) kap「齊全(chiâuchn̂g) ê 義人(gīlâng)」 (希伯來(hipeklâi) 12:23) 好(hó) koh 幫贊(pangchān) ê 友誼(iúgî) 交通(kauthong) ê 機會(kihoē)，去(khì) 到(kàu) 咱(lán) hit ê 小小(siósió) ê Ímángó͘ ê 地方(tē hng)，á 是(sī) 去(khì) 到(kàu) hō͘ 人(lâng) 煩惱(hoânló) ê 歌羅西(kolôse) 教會(kàuhoē)，甚至(sīmchì) 到(kàu) tī 遠遠(hn̄ghn̄g) ê 馬其頓(mákîtùn) ê 所在(só͘chāi)。咱(lán) thang 安心(ansim) 得(tit) 保證(póchèng)，無論(bôlūn) 上帝(siōngtè) hē 咱(lán) tī toh 一個(chi̍tê) 所在(só͘chāi)，伊(i) 已經(íkeng) 定(tiāⁿ) hō͘ 咱(lán) 境界(kengkài)，任命(jīmbēng) 咱(lán) 做(choè) hit 所在(só͘chāi) 傳道(thoântō) 工程(kangtêng)，咱(lán) beh tī hia 得(tit) 勝利(sènglī)。── Northcote Deck


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com