《台語荒漠甘泉（漢羅版）》

 | | | 轉寄

天門開

作者 陳清俊 譯 林俊育 漢羅翻寫 2009.06.28

listen 六月二八(六月二十八日)

「Tī 天裡(thiⁿnih) 有(ū) 開門(khuimn̂g)。」(啟示錄4:1)

咱(lán) 知(chai)，約翰(iohhān) 寫(siá) chiahê 話(oē)，是(sī) 當(tng) 伊(i) 受(siū) 關監(koaiⁿkaⁿ) tī Poa̍tmô͘ 小島(siótó) 裡(nih)。伊(i) tī hia 是(sī) 「為(uī) tio̍h 上帝(siōngtè) ê 道(tō)，kap 耶穌(iâso͘) ê 干證(kanchèng)。」(啟示錄1:9) Chitê 島嶼(tósū) 是(sī) 石頭(chio̍hthâu)，無(bô) 適合(sekha̍p) 人(lâng) khiā 起(khí) ê 監獄島(kaⁿga̍któ)。Tī 極(ke̍k) 困難(khùnlân) ê 環境(khoânkéng)，離開(līkhui) 以(í) 弗(hut) 所(só͘) 眾(chèng) 敬疼(kèngthiàⁿ) ê 兄弟(hiaⁿtī)，bōethang tī 教會(kàuhoē) 相(saⁿ) kap 敬拜(kèngpài)，是(sī) kap 無(bô) 歡喜(hoaⁿhí) ê 囚犯(kiûhoān) 做伙(choèhé) 受(siū) 關監(koaiⁿkaⁿ)。上帝(siōngtè) hō͘ 伊(i) 有(ū) 特別(te̍kpia̍t) ê 恩典(untián)，tī 伊(i) 做(choè) 囚犯(kiûhoān) ê 時(sî)，看見(khoàⁿkìⁿ) 天(thiⁿ) ê 門(mn̂g) 開(khui)。

咱(lán) 也(iā) 記得(kìtit)，雅各(ngákok) 離開(līkhui) 老父(lāupē) ê 家(ke)，tī 沙漠(soabô͘) 中(tiong) 睏(khùn)，「夢見(bāngkìⁿ) 有(ū) 梯(thui) khiā tī 地(toē) 裡(nih)，梯頂(thuiténg) 抵(tú) 天(thiⁿ)；…耶和華(iâhôhoa) khiā tī 梯頂(thuiténg)」(創世記28:1213) 天門(thiⁿmn̂g) m̄ nā 對(tuì) chit 兩人(nn̄glâng) 開(khui)，也(iā) 對(tuì) 真(chin) chōe 其他(kîtha) ê 人(lâng) 開(khui)。Tī 世人(sèjîn) ê 看法(khoàⁿhoat)，in 無(bô) 可能(khólêng) 得(tit) tio̍h chit 種(chióng) ê 啟示(khésī)。總是(chóngsī)，當(tng) 受掠(siūlia̍h)、關監(koaiⁿkaⁿ)，hō͘ 鎖鍊(sóliān) 縛(pak) teh，破病(phoàpīⁿ) 倒(tó) tī 監床(kaⁿchhn̂g) 孤獨(ko͘to̍k)，離開(līkhui) 上帝(siōngtè) ê 大家庭(toākatêng)，thang 看(khoàⁿ) tio̍h「天裡(thiⁿnih) ê 門(mn̂g) 開(khui)」lah。

不過(putkò) beh 看(khoàⁿ) 天門(thiⁿmn̂g) 開(khui) 是(sī) 有(ū) 條件(tiâukiāⁿ)，咱(lán) 必須(pitsu) 知(chai) ánchóaⁿ 是(sī)「受(siū) 聖(sèng) 神(sîn) 感動(kámtōng)，」(啟示錄1:10)咱(lán) 必須(pitsu) 是(sī) 清氣(chhengkhì) 心肝(simkoaⁿ) ê 人(lâng)，(馬太5:8) koh 會(oē) 遵行(chunhêng) 上帝(siōngtè) 旨意(chíì)。咱(lán) 必須(pitsu) 願意(goānì)「看(khoàⁿ) 萬事(bānsū) 做(choè) 損害(súnhāi)，因為(inuī) 我(goá) 掠(lia̍h) bat 我(goá) ê 主基督耶穌(chúkitokiaso͘) 做(choè) 第一(tē it) 好(hó)。」(腓立比3:8)了後(liáuāu) 一旦(ittàn) 對(tuì) 咱(lán) 上帝(siōngtè) 是(sī) 一切(itchhè)，是(sī) 全部(choânpō͘)，「咱(lán) tiàmtī 伊(i) 來(lâi) 活(oa̍h)，來(lâi) 振動(tíntāng)，來(lâi) tīteh；」(使徒行傳17:28) 天門(thiⁿmn̂g) 也會(iāoē) tī 咱(lán) 面前(bīnchêng) phah 開(khui)。──tùi「每日(muíji̍t) 靈修(lêngsiu)」

荒蕪(hongbû) 禿頭(thuhthâu) 山(soaⁿ)，
伊(i) chhōa 咱(lán) 到(kàu) hia tòa,
Tī 山崖(soaⁿgâi) suh 新鮮(sinsian) 空氣(khongkhì) 無(bô) soah,
透早(thàuchá) 有(ū) 高峰(ko͘hong) ê 笑面(chhiòbīn) 做伴(choèphoā)。

黃黃(n̂gn̂g) 廣闊(kóngkhoah) 沙漠(soabô͘)，
一片(chi̍tphìⁿ) 沙(soa)，一片(chi̍tphìⁿ) 荒埔(hongpo͘)，
Tī hia, 伊(i) 放落(pànglo̍h) 天幕(thiⁿbō͘)，
Hō͘ 天上(thiⁿsiōng) 顯露(hiánlō͘)。



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com