《台語荒漠甘泉（漢羅版）》

 | | | 轉寄

求就得tio̍h

作者 陳清俊 譯 林俊育 漢羅翻寫 2009.10.25

listen 十月二五(十月二十五日)
「Lín 到(kàu) taⁿ 未(boē) bat tī 我(goá) ê 名(miâ) 求(kiû) 甚麼(símmi̍h)；lín tio̍h 求(kiû) 就(chiū) 會(oē) 得(tit) tio̍h，hō͘ lín ê 歡喜(hoaⁿhí) 滿滿(moámoá)。」 (約翰16：24)

美國(Bíkok) 內戰(lāichiàn) ê 時(sî)，有(ū) 一個(chi̍tê) kiáⁿ 去(khì) 參加(chhamka) 聯合軍(liânha̍pkun)。伊(i) ê 老父(lāupē) 是(sī) 銀行家(gînhângka)，雖然(suijiân) 伊(i) 同意(tôngì) kiáⁿ 去(khì) 參軍(chhamkun)，總是(chóngsī) hō͘ kiáⁿ 出征(chhutcheng) 相(sio) thâi 卻(khiok) 會(oē) 真(chin) 傷心(siongsim)。

Kiáⁿ 出征(chhutcheng) 了後(liáuāu)，伊(i) 對(tuì) 軍人(kunjîn) ê 處境(chhúkéng) 真(chin) 關心(koansim) 真(chin) 注意(chùì)。看(khoàⁿ) tio̍h 穿(chhēng) 制服(chèho̍k) ê 士兵(sūpeng)，伊(i) ê 心(sim) 就(chiū) 跳(thiàu) 出去(chhutkhì)，ná 親像(chinchhiūⁿ) 看(khoàⁿ) tio̍h 伊(i) ê kiáⁿ 一樣(chi̍tiūⁿ)。常常(siôngsiông) 放下(pànghē) senglí 無(bô) 做(choè)，用(ēng) 錢(chîⁿ) 用(ēng) 時間(sîkan) 照顧(chiàukò͘) 受傷(siūsiong) ê 兵(peng)。朋友(pêngiú) 勸(khǹg) 伊(i) m̄ thang 無(bô) 顧(kò͘) 家己(kakī) ê 事業(sūgia̍p)，伊(i) 就(chiū) 聽(thiaⁿ) 朋友(pêngiú) ê 苦勸(khó͘khǹg)，完全(oânchoân) 停止(thêngchí) koh 放棄(hòngkhì) 救濟(kiùchè) 傷兵(siongpeng) ê 工作(kangchok)。

總是(chóngsī) 有(ū) 一工(chi̍tkang)，一個(chi̍tê) 少年(siàuliân) 士兵(sūpeng) 穿(chhēng) 舊舊(kūkū) 退色(thèsek) ê 軍服(kunho̍k) 行(kiâⁿ) 入(ji̍p) 銀行(gînhâng)。對(tuì) 伊(i) ê 面(bīn) kap 手(chhiú) 所(só͘) 受(siū) ê siong，知(chai) 伊(i) tútú tùi 陸軍(lio̍kkun) 野戰(iáchiàn) 病院(pīⁿīⁿ) 出來(chhutlâi) ê。銀行家(gînhângka) 看見(khoàⁿkìⁿ) hitê 可憐(khólîn) ê 少年(siàuliân) 兵(peng) tú 伸(chhun) 手(chhiú) tī 袋(tē) á 內(lāi) jîm 甚麼(símmi̍h) 物(mi̍h) ê 時(sî)，銀行家(gînhângka) 家己(kakī) 掠(lia̍h) 做(choè) 明白(bêngpe̍k) 伊(i) ê 意思(ìsù)，就(chiū) 講(kóng)：「少年人(siàuliânlâng)，我(goá) 今(kin) á 日(ji̍t) 特別(te̍kpia̍t) 無(bô) 閒(êng)，bōethang 幫贊(pangchān) 你(lí)，你(lí) ài 去(khì) 陸軍(lio̍kkun) 總部(chóngpō͘)，tī hia 有(ū) 官員(koaⁿoân) 會(oē) 照顧(chiàukò͘) 你(lí)。」

Hitê 可憐(khólîn) ê 傷兵(siongpeng) 猶原(iûgoân) khiā teh，ná 親像(chinchhiūⁿ) 聽(thiaⁿ) 無(bô) 伊(i) ê 意思(ìsù)。伊(i) 繼續(kèsio̍k) tī 褲(khò͘) ê la̍k 袋(tē) á chhē，chhiau 出(chhut) 一張(chi̍ttiuⁿ) lahsap lahsap ê 紙條(choátiâu) á，伊(i) 將(chiong) hit 張(tiuⁿ) 烏烏(o͘o͘) ê 紙條(choátiâu) hē tī 銀行家(gînhângka) ê 面前(bīnchêng)，hō͘ 伊(i) 看(khoàⁿ)，頂面(téngbīn) 寫(siá)：

親愛(chhinài) ê 父親(hūchhin)：
伊(i) 是(sī) 我(goá) ê 朋友(pêngiú)，tī 頂(téng) pái 相戰(siochiàn) ê 時(sî) 受傷(siūsiong)，tùi 病院(pīⁿīⁿ) 出來(chhutlâi) 看(khoàⁿ) 你(lí)。請(chhiáⁿ) 你(lí) 接待(chiapthāi) 伊(i) 親像(chinchhiūⁿ) 接待(chiapthāi) 我(goá) 一樣(chi̍tiūⁿ)。
你(lí) ê kiaⁿ Chhalī

銀行家(gînhângka) chitē 看(khoàⁿ) tio̍h chit 張(tiuⁿ) 紙條(choátiâu) ê 內容(lāiiông)，伊(i) 暫時(chiāmsî) 放下(pànghē) 工作(kangchok)，帶(toà) 伊(i) 到(kàu) 家己(kakī) ê 大厝(toāchhù)，將(chiong) kiáⁿ 兒(jî) ê 房間(pângkeng) hō͘ 伊(i) 用(ēng)，食飯(chia̍hpn̄g) ê 時(sî)，也(iā) 是(sī) 坐(chē) tī kiáⁿ 所(só͘) 坐(chē) ê 椅(í) á 位(uī)。照顧(chiàukò͘) 伊(i) ê lim 食(chia̍h)，親像(chinchhiūⁿ) 照顧(chiàukò͘) 家己(kakī) ê kiáⁿ 一樣(chi̍tiūⁿ)。伊(i) 得(tit) tio̍h 充分(chhionghun) ê 歇睏(hiohkhùn) kap 疼護(thiàⁿhō͘)，緊緊(kínkín) 恢復(hoehok) 健康(kiānkhong)，chiah koh 送(sàng) 伊(i) 回(hoê) 到(kàu) 伊(i) 原來(goânlâi) 服務(ho̍kbū) ê 單位(tanuī) 繼續(kèsio̍k) 為(uī) 國(kok) 效勞(hāulô)。

現在(hiānchāi) 你(lí) beh 看見(khoàⁿkìⁿ) 我(goá) 所(só͘) 行(kiâⁿ) ê 事(sū)。(出埃及記6：1)


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com