《台語荒漠甘泉（漢羅版）》

 | | | 轉寄

關門，開門

作者 陳清俊 譯 林俊育 漢羅翻寫 2010.01.10

listen 正月初十(一月十日)
「因為(inuī) 聖神(sèngsîn) bat 禁(kìm) in 傳(thoân) 道理(tōlí) tī 亞西亞(Asea)。」(使徒行傳16:6)

這(che) 是(sī) 真(chin) 趣味(chhùbī) ê 事(sū)，早期(chákî)，上帝(siōngtè) ánchóaⁿ 帶領(tàiniá) 早(chá) 時(sî) 傳(thoân) 十字架(si̍pjīkè) 福音(hokim) ê 使者(sùchiá)。方法(honghoat) 是(sī) 禁止(kìmchí) in 去(khì)，in 想(siūⁿ) beh 去(khì)，但是(tānsī) 不應該(putengkai) 去(khì) ê 所在(só͘chāi)。保羅(Pólô) 想(siūⁿ) beh 去(khì) 亞西亞(Asea) 傳(thoân) 福音(hokim)，聖靈(sènglêng) 禁止(kìmchí) in 去(khì)；in koh 想(siūⁿ) beh 去(khì) 小(sió) 亞西亞(Asea) ê Pìchhuinî,伊(i) 也(iā) 禁止(kìmchí) in。雖然(suijiân) 最後(choèāu) 保羅(Pólô) tī 晚年(boánnî)，tī 亞西亞(Asea)，所(só͘) 禁(kìm) ê 城市(siâⁿchhī)，有(ū) 做(choè) siōng 偉大(uítāi) ê 佈道(pò͘tō) 事工(sūkang)，但是(tānsī) 現此時(hiānchhúsî)，聖靈(sènglêng) 卻(khiok) 無(bô) 允准(ínchún) in 去(khì)，將(chiong) 門(mn̂g) 關(koaiⁿ) 起來(khílâi)，因為(inuī) 時(sî) iáubōe 到(kàu)。Tùi 撒旦(Sattàn) 所(só͘) 防守(hôngsiú) 堅強(kiankiông) ê 所在(só͘chāi) 進攻(chìnkong)，必須(pitsu) 先(seng) hō͘ 阿波羅(Apholô) 做(choè) 基層(kichân) ê 工作(kangchok)。Chit 時(sî) 別(pa̍t) ê 所在(só͘chāi) 需要(suiàu) 保羅(Pólô) kap 巴拿巴(Panapa)，in 也(iā) 需要(suiàu) khahchōe ê 操練(chhauliān)，chiah 負(hū) 會(oē) 起(khí) khah 大(toā) ê 責任(chekjīm)。

親愛(chhinài) ê 朋友(pêngiú)，你(lí) 若(nā) m̄ 知(chai) beh 行(kiâⁿ) ê 方向(honghiòng)，就(chiū) 應該(engkai) 交(kau) hō͘ 聖靈(sènglêng) 決定(koattēng)。伊(i) beh 關(koaiⁿ) 所有(só͘ū) ê 門(mn̂g)，chhun 所(só͘) 應該(engkai) 行(kiâⁿ) hitê 門(mn̂g) 開(khui)。你(lí) thang 對(tuì) 伊(i) 講(kóng)：「聖靈(sènglêng) ah,我(goá) 信任(sìnjīm) 你(lí) 將(chiong) 無(bô) 合(ha̍p) tī 上帝(siōngtè) 旨意(chíì) ê 門(mn̂g) 關(koaiⁿ) 起來(khílâi)，hō͘ 我(goá) sūnthàn 你(lí) ê 指揮(chíhui)，會(oē) 聽(thiaⁿ) tio̍h 你(lí) ê 聲(siaⁿ) 講(kóng)：「向(hiòng) 左(chó)，向(hiòng) 右(iū)」。(申命記5:32)

Chit 時(sî)，你(lí) 應該(engkai) 繼續(kèsio̍k) 你(lí) ê 路程(lō͘thêng)，堅守(kiansiú) 上帝(siōngtè) ê 呼召(ho͘tiàu)，若(nā) 無(bô) 上帝(siōngtè) 清楚(chhengchhó) ê 指示(chísī)，m̄ thang 改變(káipiàn)。天(thiⁿ) 路(lō͘) ê 旅客(líkheh) ah,耶穌(Iâso͘) ê 靈(lêng) ánchóaⁿ 對待(tuìthāi) 保羅(Pólô)，也(iā) beh ánni 指示(chísī) 你(lí)。咱(lán) ài 小心(siósim) 聽(thiaⁿ) 細細(soèsoè) ê 指示(chísī) á 是(sī) 警告(kéngkò)。信心(sìnsim) ê 祈禱(kîtó)，若(nā) 無(bô) 阻擋(chó͘tòng)，就(chiū) 放心(hòngsim) 去(khì) 行(kiâⁿ)。無(bô) 得(tit) 奇怪(kîkoài)，有時(ūsî) tútú beh 踏(ta̍h) 出(chhut)，門(mn̂g) soah 關(koaiⁿ) 起來(khílâi)，向(hiòng) 左(chó)，向(hiòng) 右(iū) ê 門(mn̂g) lóng 關(koaiⁿ) 起來(khílâi)，卻(khiok) 是(sī) beh ínchhōa 你(lí) 去(khì) Te̍klôa 大(toā) 路(lō͘) ê 門(mn̂g) 大(toā) 開(khui)。Tī hia 有(ū) 同工(tângkang) 路加(Lō͘ka) teh 等(tán) 你(lí)。異象(īⁿsiōng) 會(oē) 指示(chísī) tó 一(chi̍t) 所在(só͘chāi) 有(ū) 機會(kihoē)，有(ū) 忠心(tiongsim) ê 朋友(pêngiú) teh 等(tán) 你(lí)。F. B. Meyer

人生(jînseng) tú tio̍h 問題(būntê) ê 時(sî)，
前途(chiântô͘) 無知(bûti) 亦(ia̍h) 神秘(sînpì)，
上帝(siōngtè) 顯明(hiánbêng) hō͘ 你(lí) 看見(khoàⁿkìⁿ)，
伊(i) 有(ū) 鎖匙(sósî)。

人(lâng) 看(khoàⁿ) 好(hó) 時期(sîkî)，
上帝(siōngtè) 卻(khiok) 關(koaiⁿ) 伊(i)，
信任(sìnjīm) thènghāu 伊(i)，
伊(i) 有(ū) 鎖匙(sósî)。

虔誠(khiânsêng) 祈禱(kîtó) 無(bô) 合意(kahì)，
Á 是(sī) 無(bô) 回(hoê) teh 延遲(iântî)，
上帝(siōngtè) 漸漸(chiāmchiām) 顯明(hiánbêng) 伊(i) 旨意(chíì)，
伊(i) 有(ū) 鎖匙(sósî)。

耐心(nāisim) ê 上帝(siōngtè) 是(sī) 全能(choânlêng)、全智(choântì)，
耐心(nāisim) thènghāu,伊(i) bōe 延遲(iântî)，
你(lí) beh 行(kiâⁿ) 入(ji̍p) ê 門扇(mn̂gsìⁿ)，
伊(i) 有(ū) 鎖匙(sósî)。

妥當(thòtòng) 安慰(anuì)，甘甜(kamtiⁿ) 又(iū) 福氣(hokkhì)，
伊(i) 有(ū) 每(muí) ê 門(mn̂g) ê 鎖匙(sósî)，
Tī siōng 適當(sektòng) ê 時(sî)，
Beh 交(kau) hō͘ 你(lí)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com