《台語荒漠甘泉（漢羅版）》

 | | | 轉寄

信靠順服

作者 陳清俊 譯 林俊育 漢羅翻寫 2010.01.24

listen 正月二四(一月二十四日)

「總是(chóngsī) chíⁿ'á chhē 無(bô) 歇腳(hiohkha) ê 所在(só͘chāi)，就(chiū) tòtńg 來(lâi) 大(toā) 船(chûn) 挪亞(Náa) hia;....到(kàu) 下昏(ē hng) chíⁿ'á tò 來(lâi) 伊(i) hia,嘴(chhuì) 咬(kā) 一葉(chi̍thio̍h) 新(sin) ê 橄欖葉(kaⁿnáhio̍h)。」(創世記8:9,11)

上帝(siōngtè) 知(chai) 甚麼(símmi̍h) 時(sî) beh 放(pàng)，á 是(sī) 無(bô) beh 放(pàng)，明顯(bênghián) ê 訊號(sìnhō) 來(lâi) 加添(kethiⁿ) 咱(lán) ê 勇氣(ióngkhì)。不管(putkoán) 是(sī) 有(ū) á 是(sī) 無(bô) 訊號(sìnhō)，咱(lán) lóng 信靠(sìnkhò) 伊(i)，是(sī) jōachiâⁿ súi ê 事(sū)。Kohkhah súi ê,是(sī) tī lóng 總(chóng) 無(bô) 明顯(bênghián) ê 訊號(sìnhō)，咱(lán) 亦(ia̍h) 是(sī) 完全(oânchoân) 信靠(sìnkhò) 伊(i)。伊(i) ài hō͘ 咱(lán) bêngpek 伊(i) ê 話(oē)，伊(i) ê 應允(èngún) 是(sī) 真實(chinsi̍t)，是(sī) 可靠(khókhò)，比(pí) 有(ū) 看(khoàⁿ) tio̍h 任何(jīmhô) 訊號(sìnhō) khah 要緊(iàukín)。伊(i) 送(sàng) 出(chhut) 訊號(sìnhō) 是(sī) 真(chin) 好(hó)，總是(chóngsī) 咱(lán) beh 信靠(sìnkhò) 伊(i)，無(bô) 需要(suiàu) 因為(inuī) 有(ū) 收(siu) tio̍h 訊號(sìnhō) kohkhah 好(hó)。只要(chíiàu) 因為(inuī) 伊(i) ê 話(oē)，無(bô) 任何(jīmhô) ê 訊號(sìnhō) 就(chiū) 相信(siongsìn) 上帝(siōngtè) ê 會(oē) 得(tit) tio̍h 伊(i) siōng chōe ê 疼痛(thiàⁿthàng)。──Charles Gallaudet Trumbull

相信(siongsìn) 伊(i)；暴風(po̍khong) 密雲(ba̍thûn) 來臨(lâilîm)，
連(liân) 所有(só͘ū) ê 天(thiⁿ) 也(iā) 無(bô) 回音(hoêim)，
Iáu beh 相信(siongsìn) 伊(i)？
伊(i) 聽(thiaⁿ) 每(muí) 一個(chi̍tê) 祈禱(kîtó) 聲音(siaⁿim)，
雀鳥(chhekchiáu) á 跋落(poa̍hlo̍h)，伊(i) 也(iā) 關心(koansim)。

Oló 伊(i)；當(tng) 悲傷(pisiong)、憂愁(iuchhiû)、苦痛(khó͘thàng) 近(kūn) óa,
連(liân) siōng 心愛(simài) ê 物(mi̍h) 也(iā) 失去(sitkhì)，chiahnih 大(toā)，
Iáu beh oló 伊(i)？
咱(lán) ê 損失(súnsit) 是(sī) beh 得(tit) khah 闊(khoah)，
所有(só͘ū) 是(sī) 咱(lán) ê,若是(nāsī) 伊(i) kap 咱(lán) tòa。

Tio̍h 滿足(moáchiok)；當(tng) 每(muí) 條(tiâu) 路(lō͘) 受(siū) 阻止(chó͘chí)，
無(bô) koh 享受(hiángsiū) 世間(sèkan) 好(hó) 物(mi̍h)，
Iáu beh 滿足(moáchiok)？
相信(siongsìn)、安然(anjiân)，信靠(sìnkhò) 伊(i)，
伊(i) 來(lâi) kap 咱(lán) khiā 起(khí)。

祈禱(kîtó)，iânchhiân ê 回應(hoêèng)，m̄ 是(sī) 拒絕(kūchoa̍t)。Chōechōe ê 祈禱(kîtó) lóng 收(siu) tio̍h koh 記錄(kìlo̍k) 起來(khílâi)，並且(pēngchhiáⁿ) 註明(chùbêng)，「時(sî) iáubōe 到(kàu)」。上帝(siōngtè) 有(ū) 伊(i) ê 時間(sîkan) kap 定好(tēnghó) ê 目的(bo̍ktek)。Chit 位(uī) 決定(koattēng) 咱(lán) 性命(sìⁿmiā) 長短(tn̂gté) ê 上帝(siōngtè)，也(iā) 是(sī) 決定(koattēng) 咱(lán) 甚麼(símmi̍h) 時(sî) 得(tit) tio̍h 救(kiù) ê 上帝(siōngtè)。



附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com