《台語荒漠甘泉（漢羅版）》

 | | | 轉寄

伊hō͘人安靜

作者 陳清俊 譯 林俊育 漢羅翻寫 2010.01.31

listen 正月三一(一月三十一日)

「伊(i) hō͘ 人(lâng) 安靜(anchēng)。」(約伯記34:29)

Tī 強烈(kiônglia̍t) ê 暴風(po̍khong) 中(tiong)，伊(i) hō͘ 人(lâng) 安靜(anchēng)。阮(goán) kap 伊(i) 同存(tôngchûn)，beh 渡(tō͘) 過去(kèkhì) 湖(ô͘) ê 對(tuì) pêng 岸(hoāⁿ)。船(chûn) 駛(sái) 到(kàu) 湖(ô͘) 中心(tiongsim)，深(chhim) ê 所在(só͘chāi)，koh 是(sī) 半暝(poàⁿmî)，忽然(hutjiân) 狂風(kônghong) 大(toā) 起(khí)，掃(sàu) tio̍h 船(chûn)，船(chûn) 搖(iô) kah 真(chin) 厲害(līhāi)，強強(kiôngkiông) beh 沉(tîm) 落去(lo̍hkhì)。主(chú) 基督(kitok) tī 船(chûn) 裡(nih) 睏醒(khùnchhíⁿ)，責備(chekpī) 風(hong) kap 湧(éng)，伊(i) 一下(chi̍tē) ia̍t 手(chhiú)，風(hong)、湧(éng) 就(chiū) 定(tiāⁿ)，天地(thiⁿtē) koh 回復(hoêhok) 平靜(pêngchēng)。

Tī 狂風(kônghong) hùhù 哮(háu) ê 聲(siaⁿ)，tī 大湧(toāéng) lònglòng 叫(kiò) ê 聲(siaⁿ)，耶穌(Iâso͘) 講(kóng)：「tio̍h 靜靜(chēngchēng)。」(馬可24:39)。你(lí) kiám 無(bô) 聽(thiaⁿ) tio̍h mah? 伊(i) ê 聲(siaⁿ) 一下(chi̍tē) 講(kóng)，大(toā) 地(toē) 頓然(tùnjiân) 安靜(anchēng)。「伊(i) hō͘ 人(lâng) 安靜(anchēng)。」Tī 咱(lán) 失去(sitkhì) 內心(lāisim) ê 力量(le̍kliōng) kap 安逸(ania̍t) ê 享受(hiángsiū)，心內(simlāi) 亂亂(loānloān) 不安(putan) ê 時(sî)，伊(i) hō͘ 咱(lán) 安靜(anchēng)。有時(ūsî) 因為(inuī) 咱(lán) siuⁿ 注重(chùtiōng) 世間(sèkan) ê 事務(sūbū)，伊(i) chiah the̍h 去(khì) chiahê。咱(lán) ài 世間(sèkan) ê 歡喜(hoaⁿhí)、宴樂(iànlo̍k)、感情(kámchêng)、咱(lán) ê 夢(bāng)、自(chū) 我(goá) 滿足(moáchiok)，因為(inuī) 伊(i) ê 疼痛(thiàⁿthàng)，伊(i) the̍h 去(khì) chiahê,教示(kàsī) 咱(lán) 甚麼(símmi̍h) 是(sī) khah 重要(tiōngiàu) ê 事(sū)，是(sī) 世間(sèkan) 暫時(chiāmsî) ê 享受(hiángsiū)，á 是(sī) tī 基督(kitok) 內面(lāibīn) 永遠(éngoán) ê 榮光(êngkng)。Ài 將(chiong) 基督(kitok) 看(khoàⁿ) 第一(tē it)。伊(i) 細細(soèsoè) ê 聲(siaⁿ) 對(tuì) 咱(lán) 講(kóng)：「我(goá) tī 你(lí) 身邊(sinpiⁿ)，賜(sù) 你(lí) 心靈(simlêng) ê 安靜(anchēng)。」

[ 伊(i) hō͘ 人(lâng) 安靜(anchēng)。]
「伊(i) hō͘ 人(lâng) 安靜(anchēng)」，我(goá) ê 主(Chú)，我(goá) ê 兄哥(hiaⁿko)，
伊(i) ê 腳(kha) 壓(ap) 平(pîⁿ) 痛疼(thiàⁿthàng) ê 路(lō͘)，
伊(i) ê 手(chhiú) the̍h 去(khì) 咱(lán) ê 痛苦(thòngkhó͘)，
講(kóng) 是(sī) 損失(súnsit)，其實(kîsi̍t) 是(sī) 得(tit) 福(hok) 之(chi) 道(tō)。

你(lí) 恩賜(unsù) kap 無(bô) 盡(chīn) ê 疼(thiàⁿ)。
我(goá) beh 求(kiû) 一項(chi̍thāng)，tī 每(muí) pái ê 危境(guîkéng)，
聽(thiaⁿ) tio̍h 你(lí) ê 聲(siaⁿ)，
Tùi 你(lí) 冷靜(léngchēng) ê 大能(tāilêng) tit 安靜(anchēng)。

我(goá) 靈(lêng) tòa tī 信心(sìnsim) 安寧(anlêng) 氣氛(khìhun)，
煩惱(hoânló) 驚惶(kiaⁿhiâⁿ) 就(chiū) 無(bô) 份(hūn)。
Kap 你(lí) 同行(tângkiâⁿ)，憂傷(iusiong) bōe 傷害(sionghāi)，
有(ū) 你(lí) 牽手(khanchhiú)，烏暗(o͘àm) 路(lō͘) 也(iā) 自在(chūchāi)。

早起(chákhí)，黎明(lêbêng) 射(siā) 光線(kngsoàⁿ)，
烏暗(o͘àm)、陰影(imiáⁿ) lóng 消散(siausoàⁿ)，
Thènghāu 清早(chhengchá) 心(sim) 呼歡(ho͘hoan)，
有(ū) 你(lí) 平安(pêngan)，bōe koh 煩(hoân)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com