《台語荒漠甘泉（漢羅版）》

 | | | 轉寄

堅定ǹg上帝

作者 陳清俊 譯 林俊育 漢羅翻寫 2010.07.18

listen
七月十八(七月十八日)

「因為(inūi) 耶和華(iâhôhoa) ê 目睭(ba̍kchiu) tī 全(chôan) 地(tōe) 看(khòaⁿ) 來(lâi) 看(khòaⁿ) 去(khì)；見若(kìⁿnā) 專心(choansim) ǹg 伊(i) ê，伊(i) beh 顯明(hiánbêng) 伊(i) ê 大(tōa) 氣力(khùila̍t) 幫贊(pangchān) 伊(i)。」 (歷代志錄(le̍ktāichìlio̍k) 下(ē) 16:9)

上帝(siōngtè) chhē 求(kiû) hiahê 心(sim) 堅定(kiantēng) ǹg 伊(i) ê 男女(lâmlú)，in 將(chiong) 一切(itchhè) 信任(sìnjīm) 伊(i)，伊(i) 也(iā) 熱切(jia̍tchhiat) ài in 做(chòe) khah 大(tōa) ê tāichì。歷史(le̍ksú) ê 時鐘(sîcheng) 已經(íkeng) tī 十一(cha̍pit) 點鐘(tiámcheng)，最後(chòeāu) ê 時(sî) chūn lah。

全世界(chôansèkài) teh 看(khòaⁿ) 上帝(siōngtè) beh 將(chiong) hiahê 交託(kauthok) 性命(sìⁿmiā) hō͘ 伊(i) ê 人(lâng) 做(chòe) 甚麼(símmi̍h)。M̄ nā 全世界(chôansèkài)，連(liân) 上帝(siōngtè) 本身(púnsin) 也(iā) teh 等(tán) 甚麼(símmi̍h) 人(lâng) siōng 完全(ôanchôan) 將(chiong) 家己(kakī) 獻(hiàn) hō͘ 伊(i)，甘心(kamsim) 放(pàng) sat 一切(itchhè)，hō͘ 基督(kitok) 成做(chiâⁿchòe) 一切(itchhè)，完全(ôanchôan) 照(chiàu) 上帝(siōngtè) ê 旨意(chíì)行(kiâⁿ) 事(sū)，能(ōe) 接受(chiapsiū) 基督(kitok) ê 謙卑(khiampi)、信心(sìnsim)、疼心(thiàⁿsim) kap 力量(le̍kliōng)，bōe 阻礙(chó͘gāi) tio̍h 上帝(siōngtè) ê 計畫(kèōe)，永遠(éngóan) hō͘ 伊(i) 繼續(kèsio̍k) 做(chòe) 伊(i) 奇妙(kîbiāu) ê 工作(kangchok)。──C. H. P.

你(lí) 若(nā) 無(bô) 求(kiû) 家己(kakī) ê 榮光(êngkng)，上帝(siōngtè) 通過(thongkè) 你(lí) 所(só͘) 做(chòe) ê 事(sū) 是(sī) 無限量(bûhānliōng) ê。

Mílá Jiojí (George Mueller) tī 九十(káucha̍p) gōa 歲(hòe) ê 時(sî)，tùi 一陣(chi̍ttīn) 牧師(bo̍ksu) kap 基督徒(kitoktô͘) 工作者(kangchokchiá) 講(kóng)：「我(góa) 是(sī) tī 1825 年(nî) 11 月(ge̍h) 信(sìn) 主(chú)，但是(tānsī) 到(kàu) 1829 年(nî) 7 月(ge̍h) 我(góa) chiah 完全(ôanchôan) 將(chiong) 我(góa) ê 心(sim) 交託(kauthok) 伊(i)。到(kàu) hit 時(sî)，我(góa) chiah 知(chai)，我(góa) ài 名利(bênglī)、權勢(kôansè)，kap 世間(sèkan) 一切(itchhè) 享樂(hiónglo̍k) ê 心(sim) 完全(ôanchôan) 無(bô) 去(khì)，上帝(siōngtè) 成做(chiâⁿchòe) 我(góa) ê 一切(itchhè)。Tī 伊(i) ê 內面(lāibīn) 我(góa) 有(ū) 一切(itchhè) 我(góa) 所(só͘) 需要(suiàu)ê，我(góa) 無(bô) 其他(kîtha) ê 願望(gōanbōng)。靠(khò) tio̍h 伊(i) ê 恩典(untián)，我(góa) 明白(bêngpe̍k) koh 得(tit) tio̍h 伊(i) ê 充足(chhiongchiok)，直到(ti̍tkàu) 現在(hiānchāi)，hō͘ 我(góa) 成做(chiâⁿchòe) 真正(chinchiàⁿ) 幸福(hēnghok) ê 人(lâng)，我(góa) 所(só͘) 關心(koansim) ê 只是(chísī) 上帝(siōngtè) ê 事(sū)。親愛(chhinài) ê 信徒(sìntô͘) 朋友(pêngiú)，我(góa) 問(mn̄g) lín 是(sī) m̄ 是(sī) 將(chiong) 本身(púnsin) 完全(ôanchôan) 交託(kauthok) 上帝(siōngtè)，á 是(sī)，你(lí) ê 性命(sìⁿmiā) 中(tiong)，無(bô) chhap 上帝(siōngtè) 對(tùi) 你(lí) ê 呼召(ho͘tiàu)，是(sī) m̄ 是(sī) iáu 有(ū) 甚麼(símmi̍h) 物(mi̍h) m̄ 肯(khéng) 放(pàng)，á 是(sī) 交(kau) 出來(chhutlâi) ê mah?

Tī 我(góa) iáubōe 交(kau) 出(chhut) 性命(sìⁿmiā) ê 以前(íchêng)，我(góa) 看(khòaⁿ) 真(chin) chōe 其他(kîtha) ê 冊(chheh)，反(hóan) tńg 聖經(sèngkeng) 看(khòaⁿ) khah 少(chió)。但是(tānsī) tùi hit tiap 起(khí)，伊(i) 藉(chià) tio̍h 聖經(sèngkeng) hō͘ 我(góa) 明白(bêngpe̍k) 伊(i) ê 真理(chinlí)，hō͘ 我(góa) 有(ū) 講(kóng) bōe 出(chhut) ê 福份(hokhūn)。我(góa) 現在(hiānchāi) 誠實(sêngsi̍t) tùi 內心(lāisim) 講(kóng) 出來(chhutlâi)，上帝(siōngtè) 是(sī) 無限(bûhān) 奇妙(kîbiāu) ê 神(sîn)！」

「請(chhiáⁿ) 你(lí) 定(tiāⁿ) tio̍h 決心(koatsim)，若(nā) 無(bô) tùi 心靈(simlêng) siōng 深(chhim) ê 所在(só͘chāi) 講(kóng) 出(chhut)，『上帝(siōngtè) 是(sī) 無限(bûhān) 奇妙(kîbiāu) ê 神(sîn)』，就(chiū) m̄ 放(pàng)soah。」

我(góa) 今(kin) á 日(ji̍t) ê 祈禱(kîtó) 是(sī) 求(kiû) 上帝(siōngtè) hō͘ 我(góa) 成做(chiâⁿchòe) 一個(chi̍tê) 特別(te̍kpia̍t) ê 基督徒(kitoktô͘)。──George Whitefield


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org