《台語荒漠甘泉（漢羅版）》

 | | | 轉寄

受傷破碎

作者 陳清俊 譯 林俊育 漢羅翻寫 2010.08.14

listen
八月十五(八月十五日)

「咱(lán) tio̍h tùi chōechōe 艱苦(kankhó͘) 來(lâi) 入(ji̍p) 上帝(siōngtè) ê 國(kok)。」 (使徒(sùtô͘) 行傳(hêngtōan) 14：22)

人生(jînseng) siōng 好(hó) ê 事(sū)，常常(siôngsiông) 是(sī) tùi 受傷(siūsiong) 破碎(phò͘chhùi) ê 結果(kiatkó) 來(lâi) ê。麥(be̍h) 需要(suiàu) 研碎(géngchhùi) chiah thang 做(chòe) 麵包(mīpau)，香(hiuⁿ) ài 點(tiám) 火(hé) 燒(sio) chiah 會(ōe) 產生(sánseng) 芳(phang) ê 氣味(khìbī)。土(thô͘) ài 受(siū) 犁(lê) 破(phòa) chiah 會(ōe) thang 種(chèng) 種子(chéngchí)，破碎(phò͘chhùi) 傷心(siongsim) thang 得(tit) 上帝(siōngtè) ê 歡喜(hoaⁿhí)。

Tio̍h，性命(sìⁿmiā) siōng 甜蜜(tiⁿbi̍t) ê 喜樂(hílo̍k)，是(sī) tùi 憂傷(iusiong) ê 結果(kiatkó)。人性(jînsèng) 需要(suiàu) 受苦(siūkhó͘) chiah 會(ōe) 成做(chiâⁿchòe) 世間(sèkan) ê 祝福(chiokhok)。

厝角(chhùkak) 無(bô) 映目(iáⁿba̍k) ê 位(ūi)，
生(siⁿ) 出(chhut) siōng súi siōng 可愛(khóài) 花蕊(hoelúi)，
一(chi̍t) 蕊(lúi) 玫瑰(mûikùi)。

暗時(àmsî) 合(ha̍p)，早起(chákhí) 時(sî) 含(kâm) 露水(lō͘chúi) 開(khui)，
發出(hoatchhut) 稀罕(hihán) ê 芳味(phangbī) koh súi，
真(chin) 稀奇(hikî) ê 玫瑰(mûikùi)。

Hō͘ 雨(hō͘) 滴(tih)，
Kohkhah 芳(phang) ê 氣味(khìbī)，
Tī 腳(kha) 邊(piⁿ)。

小心(siósim) 疼惜(thiàⁿsioh)，
輕輕(khinkhin) 押(ap) 伊(i) ê 葉(hio̍h)，
甜蜜(tiⁿbi̍t) 安歇(anhioh)。

當(tng) 我(góa) kā 伊(i) 摧(jê) 碎(chhùi)，ni̍h 死(sí)，
發出(hoatchhut) 極(ke̍k) 美妙(bímiāu) 芳氣(phangkhì)。

親愛(chhinài) 主(chú)，hō͘ 我(góa) 性命(sìⁿmiā) 親像(chhinchhiūⁿ) ánni，
風(hong) 來(lâi) 出(chhut) 芳味(phangbī)，芬芳(hunhong) 甘甜(kamtiⁿ)。

若是(nāsī) 你(lí) 旨意(chíì)，
Hō͘ 我(góa) 靈(lêng) 充滿(chhiongmóa) 破碎(phò͘chhùi)，傷悲(siongpi)。

當(tng) 最後(chòeāu) tehbeh 死(sí) ê 芳味(phangbī) 發揮(hoathui)，
我(góa) 細(sòe) 聲(siaⁿ) 講(kóng)，「伊(i) 聽(thiaⁿ) 也(iā) 知(chai)，所(só͘) teh 壓(ap) ê 玫瑰(mûikùi)。」

若是(nāsī) 你(lí) 渴望(khatbōng) hō͘ 人(lâng) 安慰(anùi)，á 是(sī) 會(ōe) 有(ū) 同情心(tôngchêngsim)，會(ōe) 憐憫(lînbín) 人(lâng) ê 恩賜(unsù)，á 是(sī) ài hō͘ 受(siū) 試探(chhìthàm) ê 人(lâng) ê 勸勉(khòanbián)，á 是(sī) tī 日常(ji̍tsiông) 生活(sengo̍ah) 中(tiong) bōe 傷害(sionghāi) 人(lâng)，你(lí) tio̍h 付出(hùchhut) 學習(ha̍ksi̍p) ê 大大(tōatōa) 代價(tāikè)，親像(chhinchhiūⁿ) 基督(kitok) 一樣(chi̍tiūⁿ)，必須(pitsu) 受苦(siūkhó͘)。──Frederick William Robertson


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org