《台語荒漠甘泉（漢羅版）》

 | | | 轉寄

全方向ê扶持

作者 陳清俊 譯 林俊育 漢羅翻寫 2010.09.12

listen
九月十二(九月十二日)

「Hitê 靠(khò) tī 伊(i) 所(só͘) 戀愛(lôanài) ê，tùi 曠野(khòngiá) 上來(chiūⁿlâi) ê，這(che) 是(sī) chīchūi?」 (雅歌(ngáko) 8：5)

我(góa) bat tī 一間(chi̍tkeng) 南方(lâmhong) ê 教會(kàuhōe) 學(o̍h) tio̍h 寶貴(pókùi) ê 功課(kongkhò)，有(ū) 一個(chi̍tê) 人(lâng) 祈禱(kîtó)，求(kiû) 主(chú) 賜福(sùhok)，親像(chhinchhiūⁿ) 你(lí) 我(góa) ê 祈禱(kîtó)，也(iā) 為(ūi) 得(tit) tio̍h ê 真(chin) chōe 福氣(hokkhì) 來(lâi) 感謝(kámsiā)，也(iā) 是(sī) 親像(chhinchhiūⁿ) 你(lí) 我(góa) ê 感謝(kámsiā) 一樣(chi̍tiūⁿ)。總是(chóngsī) 伊(i) tī 祈禱(kîtó) beh 結束(kiatsok) 以前(íchêng)，伊(i) 有(ū) 一個(chi̍tê) 無(bô) 平常(pêngsiông) ê 請求(chhéngkiû) 講(kóng)：「iáu 有(ū)，主(chú) ah，扶持(hûchhî) 支持(chichhî) 我(góa)，tī 我(góa) 會(ōe) khi 去(khì) ê 每(múi) chit 方面(hongbīn)，每(múi) 一個(chi̍tê) teh 斜(chhiâ) ê 方向(honghiòng)，扶持(hûchhî) 我(góa)，hō͘ 伊(i) 四正(sìchiàⁿ)。」

你(lí) 有(ū) 軟弱(lóanjio̍k) 需要(suiàu) 靠(khò) 人(lâng) 扶(hû) ê 時(sî) mah? Chitê 謙卑(khiampi) ê 人(lâng)，tùi新(sin) ê 角度(kaktō͘) 來(lâi) 看(khòaⁿ) chitê 事(sū)，有(ū) 新(sin) ê 意思(ìsù)，看(khòaⁿ) 上帝(siōngtè) 是(sī) 一個(chi̍tê) 偉大(úitāi) ê 扶持者(hûchhîchiá)，伊(i) 認為(jīmûi) 上帝(siōngtè) lóng tī 基督徒(kitoktô͘) ê 身邊(sinpiⁿ)，隨時(sûisî) 準備(chúnpī) chhun 伊(i) ê 聖手(sèngchhiú) 全(chôan) 方向(honghiòng) teh 扶持(hûchhî) 軟弱(lóanjio̍k) ê 人(lâng)。

我(góa) 所(só͘) 疼(thiàⁿ) ê kiáⁿ，重(tāng) 重(tāng) phēngóa，
Hō͘ 我(góa) 感受(kámsiū) 你(lí) 沉重(tîmtāng) ê 憂慮(iulū) 孤單(ko͘toaⁿ)，
Kiáⁿ ah，我(góa) 知(chai) 你(lí) ê 重擔(tāngtàⁿ)，我(góa) 計畫(kèōe) 中(tiong)，
Chitê 重量(tāngliōng)，超過(chhiaukè) 你(lí) ê 力量(le̍kliōng)，
當(tng) 我(góa) 將(chiong) 擔(tàⁿ) khǹg tī 你(lí)，
「我(góa) tī 你(lí) 身邊(sinpiⁿ)，當(tng) 你(lí) 靠(khò) óa 我(góa) ê 時(sî)，
Chitê 重量(tāngliōng) 是(sī) 我(góa) ê，m̄ 是(sī) 你(lí)。
我(góa) 用(ēng) 疼(thiàⁿ) ê 手(chhiú) 抱(phō) 我(góa) 眾(chèng) kiáⁿ 兒(jî)。」
安心(ansim) tī chia，m̄ 免驚(biánkiaⁿ)，
將(chiong) 擔(tàⁿ) hē tī 執政者(chipchèngchiá)，
Khah 近(kūn) óa，你(lí) iáu 無(bô) 夠(kàu) 近(kūn)，
我(góa) beh 擔(tàⁿ) 你(lí) ê 憂悶(iubūn)，
Hō͘ 我(góa) 感受(kámsiū) tio̍h 我(góa) kiáⁿ phēng teh 穩穩(únún)，
我(góa) 知(chai) 你(lí) 疼(thiàⁿ) 我(góa)，無(bô) koh 懷疑(hôaigî)、khenghun，
疼(thiàⁿ) 我(góa)，緊緊(kínkín) phēngtī 我(góa) 得(tit) 平順(pêngsūn)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org