《台語荒漠甘泉（漢羅版）》

 | | | 轉寄

信心ê thèng候

作者 陳清俊 譯 林俊育 漢羅翻寫 2011.11.20

listen
十一月二十（十一月二十日）

「見若(kìⁿnā) thèng 候(hāu) koh 到(kàu) 一(chi̍t) 千(chheng) 三(saⁿ) 百(pah) 三十五(saⁿcha̍pgō͘) 日(ji̍t) ê，hitê 人(lâng) 有(ū) 福氣(hokkhì)。」（但以理(tānílí) 12：12）

Thèng 候(hāu) kahná 是(sī) 真(chin) 快(khòai) ê 事(sū)，做(chòe) 一個(chi̍tê) 基督(kitok) ê 兵丁(pengteng)，卻(khiok) 需要(suiàu) 真(chin) chōe 年(nî) ê 訓練(hùnliān) chiah 學(o̍h) tio̍h 這(che) 功課(kongkhò)。對(tùi) 上帝(siōngtè) ê 兵丁(pengteng) 來(lâi) 講(kóng)：行軍(hêngkun)、操練(chhauliān)，若(nā) kap thèng 候(hāu)、靜靜(chēngchēng) 來(lâi) 比較(píkàu)，是(sī) khah 容易(iôngīⁿ)。

當(tng) tú tio̍h tāichì，心(sim) 亂(lōan) chhauchhau，m̄ 知(chai) 頭前(thâuchêng) ê 方向(honghiòng)，也(iā) m̄ 知(chai) beh án 怎(chóaⁿ) 做(chòe)，連(liân) siōng 有(ū) 信心(sìnsim) ê 人(lâng)，ài 為(ūi) 主(chú) 來(lâi) 行(kiâⁿ) 一生(itseng) ê 人(lâng)，也會(iāōe) tú tio̍h chit 種(chióng) 情形(chênghêng)，beh án 怎(chóaⁿ)？是(sī) 失望(sitbōng) 灰心(hoesim)？是(sī) 回頭(hôethâu) 忍(jím) neh?是(sī) 無(bô) 方向(honghiòng) lāmsám 向前(hiòngchêng) 衝(chhiong) mah?

Lóng m̄ 是(sī)，這(che) 是(sī) ài 你(lí) thèng 候(hāu) ê 時(sî)，祈禱(kîtó) teh thèng 候(hāu)，求(kiû) 上帝(siōngtè)，將(chiong) 你(lí) ê 困境(khùnkéng) 排列(pâilia̍t) tī 伊(i) ê 面前(bīnchêng)，將(chiong) 困難(khùnlân) 講(kóng) hō͘ 伊(i) 聽(thiaⁿ)，koh 提醒(thêchhíⁿ) 伊(i) 答應(tapèng) beh 幫贊(pangchān)。

Tī 信心(sìnsim) ê thèng 候(hāu)，堅決(kiankoat) 不疑(putgî) 相信(siongsìn) 伊(i)。若是(nāsī) 伊(i) ài 你(lí) 等到(tánkàu) 半暝(pòaⁿmî)，你(lí) 也是(iāsī) 相信(siongsìn)。伊(i) beh tī 極(ke̍k) 適當(sektòng) ê 時(sî) 來(lâi) 實現(si̍thiān) 伊(i) 為(ūi) 你(lí) 備辦(pīpān) ê 將來(chionglâi)。

Thèng 候(hāu)，平靜(pêngchēng)、安心(ansim)、耐心(nāisim) ê thèng 候(hāu)，莫得(bo̍htit) 為(ūi) tio̍h 你(lí) 所(só͘) 想(siūⁿ) 出(chhut) ê 原因(gôanin) 來(lâi) 埋怨(bâiòan)，這(che) ná 親像(chhinchhiūⁿ) 以色列(íseklia̍t) 人(lâng) 對(tùi) 摩西(mô͘se) 出(chhut) 怨言(òangiân) 一樣(chi̍tiūⁿ)。接受(chiapsiū) 現今(hiānkim) ê 情形(chênghêng)，全心(chôansim) 交代(kautāi) tī 上帝(siōngtè) ê 手中(chhiútiong)，除去(tûkhì) 家己(kakī) ê 想法(siūⁿhoat)，對(tùi) 主(chú) 講(kóng)：「主(chú) ah，無(bô) 照(chiàu) 我(góa) ê 意思(ìsù)，是(sī) 照(chiàu) 你(lí) ê 旨意(chíì)。」（路加(lō͘ka) 22：42）我(góa) m̄ 知(chai) beh án 怎(chóaⁿ) 做(chòe)，我(góa) 是(sī) tī 極(ke̍k) 困苦(khùnkhó͘) 中(tiong)，需要(suiàu) 你(lí)，我(góa) beh thèng 候(hāu)，等(tán) 你(lí) 將(chiong) 目前(ba̍kchêng) ê 大海(tōahái) 分開(punkhui)，等(tán) 你(lí) 將(chiong) 前面(chêngbīn) ê 對敵(tùite̍k) 趕走(kóaⁿcháu)。假使(kású) 我(góa) ài 等(tán) 真(chin) 久(kú)，我(góa) 也(iā) beh 等(tán)。親愛(chhinài) ê 主(chú)，我(góa) 專心(choansim) thèng 候(hāu) 你(lí)，等(tán) 你(lí) ê 拯救(chínkiù) nātiāⁿ。我(góa) ê 靈(lêng) 全心(chôansim) 自信(chūsìn) teh 等待(tánthāi) 你(lí)，你(lí) 是(sī) 我(góa) ê 拯救(chínkiù)，我(góa) ê 喜樂(hílo̍k)，「因為(inūi) 你(lí) 是(sī) 我(góa) 逃閃(tôsiám) ê 所在(só͘chāi)，做(chòe) 我(góa) 堅固(kiankò͘) ê 高台(kôantâi)，thang 脫離(thoatlî) 對敵(tùite̍k)。」（詩篇(siphian) 61：3）

Thèng 候(hāu)，耐心(nāisim) ê thèng 候(hāu)，
上帝(siōngtè) 無(bô) 失效(sithāu)，
你(lí) ê 計畫(kèōe) hē tī 上帝(siōngtè) ê 手頭(chhiúthâu)，
Thèng 候(hāu) 伊(i) 來(lâi) tháu，
Thèng 候(hāu)，koh thèng 候(hāu)，
耐心(nāisim) ê thèng 候(hāu)。

信靠(sìnkhò)，ǹg 望(bāng) ê 信靠(sìnkhò)，
上帝(siōngtè) teh 做(chòe)；
除去(tûkhì) 你(lí) 心內(simlāi) ê chocho。
伊(i) ê 旨意(chíì) 將(chiong) 你(lí) 生活(sengo̍ah) 改造(káichō)，
信靠(sìnkhò)，koh 信靠(sìnkhò)，
Ǹg 望(bāng) ê 信靠(sìnkhò)。

安歇(anhioh)、平和(pênghô) ê 安歇(anhioh)，
Tī 救主(kiùchú) ê 胸前(hengchêng) 惜(sioh)；
排列(pâilia̍t) 你(lí) 大(tōa) 計畫(kèōe)，事業(sūgia̍p) 基石(kichio̍h)，
伊(i)beh成就(sêngchiū) hō͘ 你(lí) tiô koh 笑(chhiò)，
安歇(anhioh)，koh 安歇(anhioh)，
平和(pênghô) ê 安歇(anhioh)！ ──Mercy A. Gladwin


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org