《台語荒漠甘泉（漢羅版）》

 | | | 轉寄

無可能ê事

作者 陳清俊 譯 林俊育 漢羅翻寫 2011.11.27

listen
十一月二七（十一月二十七日）

「因為(inūi) 上帝(siōngtè) 所(só͘) 講(kóng) ê 話(ōe)，無(bô) 一(chi̍t) 句(kù) 無(bô) 力(la̍t)。」（路加(lō͘ka) 1：37）

Tī 歐洲(auchiu) siōng 高(kôan) ê 山(soaⁿ)，Alíphísú 山(soaⁿ)（Alpine)ê 山谷(soaⁿkok) 中(tiong)，上帝(siōngtè) ta̍k 年(nî) 就(chiū) teh 創造(chhòngchō) 奇蹟(kîchek)。日時(ji̍tsî) 有(ū) 大(tōa) 太陽(thàiiông) 照(chiò)，暗時(àmsî) 有(ū) 冰雪(pengseh) 凍(tàng)，氣候(khìhāu) 變化(piànhòa) 真(chin) 大(tōa)。總是(chóngsī) tī 冰雪(pengseh) khah 薄(po̍h) ê 所在(só͘chāi)，有(ū) 一種(chi̍tchióng) 花草(hoechháu)，ōe 對(tùi) 冰(peng) ê 中間(tiongkan) puh 出來(chhutlâi) 真(chin) 燦麗(chhànlē) ê 花蕾(hoem̂)。這(che) 小小(siósió) ê 花(hoe)，叫做(kiòchòe)「高山(kosan) 鍾(cheng) 花(hoe)」（soldanelle plant)，伊(i) thài ōe 有(ū) chiahnih 大(tōa) ê 能力(lêngle̍k) ah?

原來(gôanlâi) chit 種(chióng) 花草(hoechháu)，當(tng) 熱天(jo̍ahthiⁿ) ê 時(sî)，伊(i) 將(chiong) 葉(hio̍h) chhun tī 地(tōe) 裡(nih) 真(chin) 闊(khoah)，thang 吸收(khipsiu) 日頭(ji̍tthâu) ê 光(kng) kap 熱(jia̍t)，chiahê 能(ōe) lóng 存(chûn) tī 伊(i) ê 根(kun) ê 內面(lāibīn)。當(tng) 春天(chhunthiⁿ) 到(kàu)，雪(seh) 裡(nih) ê 性命(sìⁿmiā) 開始(khaisí) 醒(chhíⁿ) 起來(khílâi)，小小(siósió) ê 花草(hoechháu) puh 芽(íⁿ)，奇妙(kîbiāu) 來(lâi) 發出(hoatchhut) 細細(sòesòe) ê 熱氣(jia̍tkhì)，漸漸(chiāmchiām) 將(chiong) 頂面(téngbīn) ê 雪(seh) 溶(iûⁿ) 出(chhut) 一個(chi̍tê) 氣囊(khìlông)。

Chitê 植物(si̍tbu̍t) ná 大(tōa) 叢(châng)，tī 頂面(téngbīn) ê 氣囊(khìlông) 就(chiū) ná 大(tōa) 粒(lia̍p)，一(chi̍t) 直到(ti̍tkàu) 花(hoe) m̂ 安全(anchôan) 形成(hêngsêng) 好勢(hósè)。Siōng 尾(bé)，蓋(khàm) tī 頂面(téngbīn) ê 冰雪(pengseh) hō͘ 氣囊(khìlông) 大(tōa) 到(kàu) 破(phòa) 一(chi̍t) 孔(khang)。植物(si̍tbu̍t) ê 花(hoe) m̂ 就(chiū) tùi chitê 孔(khang) chhèng 出來(chhutlâi) 雪(seh) 頂(téng)，開(khui) 出(chhut) 細細(sòesòe) 紫色(chísek) ê 花(hoe)，伊(i) ê 花(hoe) 片(phiàn) 金(kim) siaksiak，ná 親像(chhinchhiūⁿ) 經過(kengkòe) 一段(chi̍ttōaⁿ) 真(chin) 痛苦(thòngkhó͘) ê 行程(hêngtêng) 所(só͘) 致(tì) ê 記號(kìhō)。

Chit 種(chióng) 細細(sòesòe) 脆弱(chhùijio̍k) ê 花(hoe) hō͘ 我(góa) ê 心(sim) 有(ū) 大大(tōatōa) ê 感觸(kámchhiok)，m̄ 是(sī) tī 低(kē) ê 山坪(soaⁿphiâⁿ) 中(tiong)，花草(hoechháu) 所(só͘) 開(khui) chiok súi ê 花(hoe) 所(só͘) hō͘ 我(góa) ê 感觸(kámchhiok) 一樣(chi̍tiūⁿ)。咱(lán) ài 看(khòaⁿ) 無(bô) 可能(khólêng) ê 事(sū) 變做(pìⁿchòe) 可能(khólêng)，koh 成做(chiâⁿchòe) 事實(sūsi̍t)，上帝(siōngtè) 也是(iāsī) ánni。

所以(só͘í)，咱(lán) ài 堅持(kianchhî)、忍耐(jímnāi)，將(chiong) 咱(lán) ê 困境(khùnkéng)、人類(jînlūi) ê 烏點(o͘tiám)、懷疑(hôaigî)、m̄ 信(sìn)、lóng 總(chóng) ê 困難(khùnlân)、反對(hóantùi) 上帝(siōngtè) ê 作為(chokûi)，lóng 推(thui) 送(sàng) tī 上帝(siōngtè) ê 頂面(téngbīn)，也是(iāsī) bōethang 阻擋(chó͘tòng) 上帝(siōngtè) ê 奇妙(kîbiāu) 創造(chhòngchō) 奇蹟(kîchek) ê 能力(lêngle̍k)。願(gōan) 咱(lán) ōe 專心(choansim) 信靠(sìnkhò) 伊(i)，因為(inūi) 伊(i) 是(sī)「ōe 做(chòe) 出(chhut) 不可能(putkhólêng)」ê 上帝(siōngtè)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org