《台語荒漠甘泉（漢羅版）》

 | | | 轉寄

暗暝敬拜

作者 陳清俊 譯 林俊育 漢羅翻寫 2011.12.11

listen
十二月十一（十二月十一日）

「看(khoàⁿ)ah，耶和華(iâhôhoa) chiahê 奴僕(lô͘po̍k)，暝間(mîkan) tiàm 耶和華(iâhôhoa) 厝內(chhùlāi) ê，lín lóng tio̍h oló 耶和華(iâhôhoa)。願(goān) 創造(chhòngchō) 天地(thiⁿtē) ê 耶和華(iâhôhoa)，tùi 錫安(sekan) 賜(sù) 福氣(hokkhì) hō͘ 你(lí)。」（詩篇(siphian) 134：1,3）

你(lí) ōe 注意(chùì) tio̍h tī 真(chin) 奇怪(kîkoài) ê 時間(sîkan) 敬拜(kèngpài) 上帝(siōngtè)，tī 暗時(àmsî)。「tī 暝間(mîkan) tī 耶和華(iâhôhoa) ê 厝(chhù)」。Tī 暗暝(àmmî)，tī 咱(lán) siōng 憂傷(iusiong) ê 時(sî) 來(lâi) 敬拜(kèngpài)，確實(khaksi̍t) 是(sī) 一(chi̍t) 層(chân) 真(chin) 困難(khùnlân) ê 事(sū)。不過(putkò) tī chit 內面(lāibīn) 有(ū) 福氣(hokkhì) teh 等(tán) 你(lí)，因為(inūi) he 是(sī) 信心(sìnsim) 完美(oânbí) ê 考驗(khógiām)。Tī 寒冷(hânléng) ê 冬天(tangthiⁿ) ōe 看(khoàⁿ) 出(chhut) 朋友(pêngiú) 疼心(thiàⁿsim) ê 程度(thêngtō͘)，siāng 款(khoán)，咱(lán) tùi 上帝(siōngtè) ê 疼(thiàⁿ) 也是(iāsī) ánni。

Tī 熱天(joa̍hthiⁿ) 有(ū) 太陽(thàiiông)，有(ū) 鳥(chiáu)á 唱歌(chhiùⁿkoa)，有(ū) 水果(chúikó) tī 樹頂(chhiūténg)，來(lâi) 敬拜(kèngpài) 上帝(siōngtè) 是(sī) 容易(iôngīⁿ) ê。若是(nāsī) 當(tng) 鳥(chiáu)á 無去(bôkhì)，無(bô) 歌聲(koasiaⁿ)，樹頂(chhiūténg) ê 果子(kéchí) 也(iā) lóng 落去(lo̍hkhì)，我(goá) ê 心(sim) 是(sī)m̄是(sī) iáu ōe 唱歌(chhiùⁿkoa) oló 上帝(siōngtè) neh?我(goá) kiám iáu beh 願意(goānì) tī 暝時(mîsî) tī 聖殿(sèngtiān) 裡(nih)？我(goá) kiám iáu 疼(thiàⁿ) 伊(i)？我(goá) kiám beh 願意(goānì) kap 伊(i) tī 客西馬尼(kheksemánî) 園(hn̂g)「驚醒(kéngséng) 一點鐘(chi̍ttiámcheng) 久(kú)」？（馬可(mákhó) 14：37）我(goá) kiám 願意(goānì) 幫贊(pangchān) 伊(i)，背(pē) 伊(i) ê 十字架(si̍pjīkè) 行(kiâⁿ) 到(kàu) 各各他(kokkokthaⁿ)？Tī 伊(i) 受(siū) 釘死(tèngsí) ê 時(sî)，我(goá) kiám kap 伊(i) ê 老母(lāubú) 馬利亞(málīa)，伊(i) 所(só͘) 疼(thiàⁿ) ê 學生(ha̍kseng) 約翰(iokhān) khiā 作伙(choèhé) tī 身邊(sinpiⁿ) mah?我(goá) kiám ōe 親像(chhinchhiūⁿ) Alīmáthài ê 約瑟(ioksek)，á是(sī) Nîkotíbó͘ 會(oē) 將(chiong) 伊(i) ê 身屍(sinsi) tùi 十字架(si̍pjīkè) 頂(téng) the̍h落來(lo̍hlâi) neh?

我(goá) 若(nā) 會(oē) thang 親像(chhinchhiūⁿ) ánni 做(choè)，我(goá) ê 敬拜(kèngpài) 是(sī) 完全(oânchoân)，亦(ia̍h) 我(goá) ê 福氣(hokkhì) 是(sī) 榮光(êngkng) ê。Tī 伊(i) siōng 卑微(pibî) ê 時(sî)，我(goá) 疼(thiàⁿ) 伊(i)；tī 伊(i) siōng 低(kē) ê 時(sî)，我(goá) 表示(piáusī) 信心(sìnsim)，tī 伊(i) siōng 無(bô) 人緣(lângiân)，受(siū) 看輕(khoàⁿkhin) ê 時(sî)，我(goá) ê 心(sim) iáu 承認(sêngjīn) 伊(i) ê 高貴(kokùi)。我(goá) 知(chai)，我(goá) 是(sī) ài 伊(i) 本身(púnsin)，m̄是(sī) ài 伊(i) ê 恩賜(unsù)、禮物(lébu̍t)。實在(si̍tchāi)，我(goá) beh tī 暗暝(àmmî)，khiā tī 伊(i) ê 聖殿(sèngtiān) 敬拜(kèngpài) 伊(i)，無(bô) 為甚物(ūisímmi̍h)，只有(chíū) 為(ūi) tio̍h 伊(i) 本身(púnsin) nātiāⁿ。──George Matheson

上帝(siōngtè) 本身(púnsin) 是(sī) 我(goá) ê 目標(bo̍kpiau)，
M̄是(sī) 喜樂(hílo̍k)、平安(pêngan)、福氣(hokkhì) kap 才(châi)tiāu。
是(sī) 照(chiàu) 伊(i) ê 旨意(chíì)，我(goá) 受召(siūtiáu)，
親愛(chhinài) 主(chú)，無(bô) 惜(sioh) 代價(tāikè)，路(lō͘) 無管(bôkoán) 行(kiâⁿ) tó 一條(chi̍ttiâu)！

信心(sìnsim) chhōa 我(goá) ǹg 上帝(siōngtè) 來(lâi) 邁進(màichìn)，
Chhōa入(ji̍p) 疼(thiàⁿ)，靠(khò) 主(chú) 來(lâi) 相信(siongsìn)，
我(goá) ê 靈(lêng) tè 主(chú) tè緊緊(kínkín)，
直到(ti̍tkàu) 伊(i) 答應(tapèng) 我(goá) ê 祈禱(kîtó) kap 深信(chhimsìn)。

不管(putkoán) 路中(lō͘tiong) 烏暗(o͘àm) 孤單(ko͘toaⁿ)，
不管(putkoán) 代價(tāikè) jōa 大(toā)，
伊(i) 知(chai) 我(goá) beh 去(khì) ê ta̍k 路段(lō͘tōaⁿ)，
到(kàu) 伊(i) hia ê 路(lō͘) 是(sī) 確信(khaksìn)，koh 直線(ti̍tsoàⁿ)，

一(chi̍t) 層(chân) 事(sū) 是(sī) 肯定(khéngtēng)，我(goá) bōe 對(tùi) 伊(i) 反對(hoántùi)，
一(chi̍t) 層(chân) 事(sū) 我(goá) teh 做(choè)，主(chú)，我(goá) 所(só͘) óa靠(khò) kap 跟隨(kunsûi)，
我(goá) ná 行(kiâⁿ)，ná oló 我(goá) ê 上帝(siōngtè)，心(sim) ná 開(khui)，
到(kàu) tī 天(thiⁿ) 得(tit) 極大(ke̍ktoā) ê 報賞(pòsiúⁿ)，siōng 寶貴(pókùi)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org