《台語荒漠甘泉（漢羅版）》

 | | | 轉寄

夠額ê恩典

作者 陳清俊 譯 林俊育 漢羅翻寫 2012.02.26

listen
二月二六(二月二十六日)

「有(ū) 我(góa) ê 恩(un)，你(lí) 就(chiū) 夠 額(kàugia̍h)；」(哥林多(kolîmto) 後(āu) 書(chu) 12:9)

有(ū) 一日(chi̍tji̍t)，經 過(kengkoè) 一日(chi̍tji̍t) ê 辛 苦(sinkhó͘) 工 作(kangchok)，我(goá) teh 駛(sái) 車(chhia) tńg去(khì) 厝(chhù) ê 時(sî)，十 分(cha̍phun) ê 厭 倦(iàsiān)，心 情(simchêng) 鬱 卒(utchut)，真(chin) bái。忽 然(hutjiân) 頭 腦(thâunáu) 內(lāi) 出 現(chhuthiān)「有(ū) 我(goá) ê 恩(un)，你(lí) 就(chiū) 夠 額(kàugia̍h)。」到(kàu) 厝(chhù)，就(chiū) 掀 開(hiankhui) 聖 經(sèngkeng) chhē 出(chhut) chit 句(kù) 話(oē)，chhē tio̍h，我(goá) 回 應(hoêèng) 講(kóng)：「主(chú) ah!確 實(khaksi̍t)，我(goá) ài 理 所 當 然(lísó͘tongjiân) ánni 想(siūⁿ)。」我(goá) 即 時(cheksî) soah 笑(chhiò) 出 聲(chhutsiaⁿ) 來(lâi)。

到(kàu) chit 時(sî)，我(goá) chiah 了 解(liáukái) 亞伯 拉罕(apekla̍hhán) hitê「覆(phak) teh 笑(chhiò)」ê 意思(ìsù)。(參 考(chhamkhó) 創 世 記(chhòngsèkì) 17:17)Chit 節(chiat) 聖 經(sèngkeng) hō͘ 一切(itchhè) m̄ 信(sìn) ê，變 做(pìⁿchoè) 真(chin) 好(hó) 笑(chhiò)。試(chhì) 想(siūⁿ)，一(chi̍t) 尾(bé) 嘴 乾(chhùita) ê 魚(hî)，擔 心(tamsim) lim siuⁿchōe 水(chúi) soah ōe hō͘ 河(hô) 乾去(takhì)。河(hô) beh 對(tùi) 魚(hî) 講(kóng)：「盡 量(chīnliōng)，放 心(hòngsim) lim，我(goá) ê 水(chúi) 夠 額(kàugia̍h) 你(lí) lim。」我(goá) 也(iā) 彷 彿(hónghut) 見(kìⁿ)tio̍h 一(chi̍t) 隻(chiah) 老 鼠(niáuchhí)，tī 大 地(toātoē) 經 過(kengkoè) 七(chit) 年(nî) ê 豐 收(hongsiu)，iáu 擔 心(tamsim) 無(bô) 夠(kàu) 食(chia̍h)，會(oē) 餓(gō) 死(sí)。Chit 時(sî)，約 瑟(ioksek) 對(tùi) 細(soè) 隻(chiah) 老 鼠(niáuchhí) 講(kóng)：「免(bián) 煩 惱(hoânló)，老 鼠(niáuchhí) ah，我(goá) ê 倉 庫(chhngkhò͘) 糧食(niûsi̍t) 有(ū) 夠 額(kàugia̍h) 你(lí) 食(chia̍h)。」我(goá) 也(iā) koh 想(siūⁿ)tio̍h 一個(chi̍tê) 人(lâng) khiā tī 山 頂(soaⁿténg)，自 言(chūgiân) 自語(chūgú)，對(tùi) 家己(kakī) 講(kóng)：「每(múi) 年(nî) 我(goá) 呼 吸(ho͘khip) hiahchōe ê 氧 氣(ióngkhì)，我(goá) 擔 心(tamsim) 會(oē) kā 空 氣(khongkhì) 中(tiong) ê 氧 氣(ióngkhì) suh 了 了(liáuliáu)。」大 地(toātoē) beh 對(tùi) 伊(i) 講(kóng)：「盡 量(chīnliōng) 呼 吸(ho͘khip) ah，我(goá) ê 空 氣(khongkhì) 有夠(ūkàu) 你(lí) 用(ēng)。」

天父(thiⁿpē) ê kiáⁿ兒(jî) ah，做(choè) 一個(chi̍tê) 偉大(úitāi) 有(ū) 信 心(sìnsim) ê 人(lâng)！小 小(siósió) ê 信(sìn) 會(oē) chhōa 你(lí) ê 靈 魂(lênghûn) 到(kàu) 天 堂(thiantông)，偉大(úitāi) ê 信(sìn) 會(oē) 將(chiong) 天 堂(thiantông) 帶(toà) 到(kàu) 你(lí) 靈 魂(lênghûn) 邊(piⁿ)。──Charles H. Spurgeon

主(chú) ê 恩 典(untián) 有夠(ūkàu) 大(toā) thang 對付(tùihù) 任何(jīmhô) 大(toā) 狀 況(chōnghóng)，親 像(chhinchhiūⁿ):
會(oē) hō͘ 心 靈(simlêng) 驚 惶(kiaⁿhiâⁿ) ê 大(toā) 波 浪(pholōng)，
會(oē) hō͘ 咱(lán) gôngngia̍h ê 大 風(toāhong)，
人(lâng) 所(só͘) bōethang 控 制(khòngchè)，突 然(thutjiân) 起(khí) ê 暴 風(po̍khong)。

主(chú) ê 恩 典(untián) 有夠(ūkàu) thang 應付(ènghù) 任何(jīmhô) 小 小(siósió) 事 件(sūkiāⁿ)，親 像(chhinchhiūⁿ):
困 擾(khùnjiáu) 咱(lán) 尖(chiam)，刺(chhì) 鑿(chha̍k) tio̍h ê 音影(imiáⁿ)，
蚊(báng)á蟲(thâng) ho͘ⁿho͘ⁿ叫(kiò) ê 聲(siaⁿ)，
車 輪(chhialián) koāiⁿkoāiⁿ哮(háu) lóng bōe 定(tiāⁿ)。──Annie Johnson Flint

Tī 天 國(thiankok) ê 銀 行(gînhâng) 有(ū) 大(toā) 匹(phit) ê 存 款(chûnkhoán)，thènghāu 咱(lán) ê 信心(sìnsim) 去(khì) 領(niá)。天父(thiⁿpē) ê 財富(châihù) 會(oē) thang hō͘ 你(lí) 放 心(hòngsim)，無 限 量(bûhānliōng) 去(khì) 領(niá)，去(khì) the̍h。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org