《台語荒漠甘泉（漢羅版）》

 | | | 轉寄

重擔變翼股

作者 陳清俊 譯 林俊育 漢羅翻寫 2012.07.08

listen
七月初八(七月八日)

「in beh 親 像(chhinchhiūⁿ) 鷹 鳥(engchiáu) thí 翼(si̍t) 飛(pe) 高(kôan)。」 (以賽亞(ísàia) 40:31)

有(ū) 一個(chi̍tê) 寓 言(gūgiân) 是(sī) 有關(iúkoan) 鳥(chiáu)á ánchóaⁿ 得(tit)tio̍h 翼(si̍t) ê 事(sū)，鳥 類(chiáulūi) 本來(púnlâi) 是(sī) 無(bô) 翼(si̍t) ê，後來(āulâi) 上 帝(siōngtè) 造(chō) 兩(nn̄g) 支(ki) 翼股(si̍tkó͘)，tī 無(bô) 翼(si̍t) ê 鳥(chiáu)á 前(chêng) 講(kóng)：tio̍h 將(chiong) chiahê 擔(tàⁿ) 背(pē) tī 身 上(sinchiūⁿ)。

鳥(chiáu) 有(ū) 好(hó) ê 嚨喉(nââu) 發 出(hoatchhut) súisúi ê 聲(siaⁿ)，有(ū) 美麗(bílē) 各 式(koksek) ê 門(mn̂g)thang tī 日光(ji̍tkng) ē sih 一下(chi̍tē) sih 一下(chi̍tē) 真(chin) 光 輝(konghui)，總 是(chóngsī) bōethang 向(hiòng) 空 中(khongtiong) 去(khì)。上 帝(siōngtè) ài in 將(chiong) 腳 前(khachêng) ê 重 擔(tāngtàⁿ) 擔(tàⁿ) 起來(khílâi)，in 躊躇(tiûtû)，了 後(liáuāu) 就(chiū) 照(chiàu) ánni 做(chòe)，用(ēng) 嘴(chhùi) kā 重 擔(tāngtàⁿ) hē tī kachiahphiaⁿ。

事 先(tāiseng)，感 覺(kámkak) 擔(tàⁿ) 有(ū) khah 重(tāng)，擋(tòng) bōe tiâu，就(chiū) 將(chiong) 擔(tàⁿ) khǹg tī khah tēng ê 胸 坎(hengkhám) 頂(téng)，chitê 翼(si̍t) 就(chiū) tiâutī 胸 前(hengchêng) koh 長 大(tióngtāi)。In 真(chin) 緊(kín) 就(chiū) 知(chai) ánchóaⁿ 用(ēng) chit 對(tùi) 翼股(si̍tkó͘)，將(chiong) in 送(sàng) 到(kàu) 空 中(khongtiong) 去(khì)，擔(tàⁿ) 成 做(chiâⁿchòe) in ê 翼(si̍t) lah。

這(che) hō͘ 咱(lán) thang 學習(ha̍ksi̍p) ê 功 課(kongkhò)，咱(lán) 是(sī) 無(bô) 翼(si̍t) ê 鳥(chiáu)，咱(lán) ê 職務(chitbū) kap 工 作(kangchok) 就 是(chiūsī) 上 帝(siōngtè) 用(ēng) 這(che) 將(chiong) 咱(lán) 送(sàng) 入(ji̍p) 空 中(khongtiong)。咱(lán) 看(khòaⁿ)tio̍h 擔(tàⁿ) chiah 重(tāng)，想(siūⁿ) beh 逃閃(tôsiám) 脫 離(thoatlî)，總 是(chóngsī) 咱(lán) 若(nā) 帶(tòa) chitê 擔(tàⁿ)，將(chiong) in hē tī 心內(simlāi)，in 就(chiū) beh 變 成(piànsêng) 翼(si̍t)，有(ū) 翼(si̍t) 了 後(liáuāu)，咱(lán) 能(ōe) 向(hiòng) 上 帝(siōngtè) ê 所 在(só͘chāi) 飛(pe) 去(khì)。

憑(pîn) 疼 心(thiàⁿsim) 將(chiong) 擔(tàⁿ) 快 樂(khoàilo̍k) 來(lâi) 背(pē) 起來(khílâi)，若是(nāsī) m̄ 肯(khéng) 背(pē) ê 人(lâng)，就(chiū) 失去(sitkhì) 一個(chi̍tê) 成 長(sêngtióng) ê 好(hó) 機會(kihōe)。──J. R. Miller

無論(bôlūn) 擔(tàⁿ) jōa 重(tāng)，上 帝(siōngtè) 親 身(chhinsin) 用(ēng) 慈愛(chûài) ê 手(chhiú) hē tī 咱(lán) 肩 胛(kengkah) ê 擔(tàⁿ) lóng 是(sī) 一個(chi̍tê) 祝 福(chiokhok)。──聖詩(sèngsi) 作 者(chokchiá) Frederick William Faber


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.org