《阿鳳姨e5五度e5空間》

 | | | 轉寄

Chháusoh..草索

作者 Ahōngî....漢羅翻寫: Aheng 2005.09.25

listen


插圖: Sherry Thompson
錄音: 吳令宜, 蔣由信, 陳豐惠

Chi̍t tiâu chháusoh phoa̍h tī chhiū'áoe.
一條草索phoa̍h tī樹áoe。
Chi̍t chiah thò͘'á tùi hia kòe.
一隻兔á tùi hia過。
Chháusoh kóng: “Góa sī chôa.”
草索講:“我是蛇。”
Thò͘'á kiaⁿchit(=chi̍t)ē piàⁿlécháu.
兔á驚一下piàⁿlé走。
Chit ê gin'á tùi hia kòe.
一個gín'á tùi hia過。
Chháusoh kóng: “Góa sī chôa.”
草索講：「我是蛇。」
Gín'á kiaⁿchi̍tē bèbèháu.
Gín'á驚一下bèbè哮。
Chi̍t bóe chôa tùi hia kòe.
一尾蛇tùi hia過。
Chháusoh kóng: “Góa sī chôa.”
草索講：「我是蛇。」
Chôa kóng: “Òe! Lí, Táchi̍t thâu sī thâu?”
蛇講：「Oeh！你，Tá一頭是頭？」