《阿鳳姨e5五度e5空間》

 | | | 轉寄

Kiàseⁿ'á...寄生á

作者 Ahōngî....漢羅翻寫: Aheng 2006.01.08

listen


插圖: Sherry Thompson
錄音: 吳令宜, 蔣由信, 陳豐惠

Chi̍t chiah kiàseⁿ'á tiāⁿtiāⁿ poaⁿ sin chhù.
一隻寄生á定定搬新厝。
Lú poaⁿ, lú tōakeng.
愈搬，愈大keng。
Lú poaⁿ, lú koàihêng.
愈搬，愈怪形。
I khòaⁿ tio̍h chi̍t ê kū kukhak,
伊看tio̍h一個舊龜殼，
Tiō kā kū chhù tànhiatka̍k,
Tio̍h kā舊厝tànhiatka̍k，
Poaⁿji̍pkhì kukhak tòa.
搬入去龜殼tòa。
Tán i boeh chhutgōa,
等伊boeh出外，
Kukhak thoabē kiâⁿ, koh m̄ kam ka pàngsak.
龜殼拖bē行，koh m̄甘kā放sak。
I tiō kiò pa̍t chiah kiàseⁿ'á chòhóe tòa;
伊tio̍h叫別隻寄生á作伙tòa；
Boeh chhutgōa, chòhóe thoa, chòhóe sak.
Boeh出外，作伙thoa，作伙sak。