《阿鳳姨e5五度e5空間》

 | | | 轉寄

Soahî kah Lông...鯊魚kap狼

作者 Ahongî...漢羅翻寫Aheng 2006.06.04

listen
Soahî tī háipiⁿ tú tio̍h lông,
鯊魚tī海邊tú tio̍h狼，
Oànthàn jînlūi ka oanóng,
怨嘆人類ka冤枉，
Oànthàn jînlūi o͘pe̍h kóng.
怨嘆人類烏白講。
“Jînlūi kā lán kóngkà chin pháiⁿthiaⁿ.
「人類kā咱講kah真歹聽。
“Jînlūi phòhoāi lán ê miâsiaⁿ.”
「人類破壞咱ê名聲。」
Chi̍t tīn gín'á lâi háipiⁿ, boeh sńgchúi,
一陣gín'á來海邊，boeh sńg水，
Khòaⁿ tio̍h soahî kah lông, chin tio̍hkiaⁿ.
看tio̍h鯊魚kap狼，真tio̍h驚。
Soahî kóng: “Biánkiaⁿ, biánkiaⁿ.
鯊魚講:「免驚，免驚。
“Goán paktó͘ iáubōe iau.”
「阮腹肚iáubōe iau。」
Gín'á iáusī cháuliáuliáu.
Gín'á iáu是走了了。