《阿鳳姨e5五度e5空間》

 | | | 轉寄

Sng Pôtô...酸葡萄

作者 Ahongî...漢羅翻寫Aheng 2006.05.28

listen
Hô͘lî khòaⁿ chhiū'áténg tūi chi̍t kōaⁿ pôtô,
狐狸看樹á頂tūi一kōaⁿ葡萄，
Khòaⁿ chi̍t chiah o͘a chia̍hkà ná iaulô,
看一隻烏鴉食kà ná iaulô，
Tiō kā o͘a thó boeh chia̍h pôtô.
Tiō kā烏鴉討boeh食葡萄。
O͘a kóng: “Che pôtô sngê la!”
烏鴉講:「這葡萄酸ê la！」
O͘a hôe tio̍h chi̍t lia̍p se̍k pôtô.
烏鴉hôe tio̍h一粒熟葡萄。
Pôtô laklo̍hlâi; hô͘lî ka chia̍hkhì.
葡萄lak落來；狐狸ka食去。
“Hm̆ m̀! Che pôtô koh chin tiⁿ!”
「Hm̆ m̀！這葡萄koh真甜！」
Túhó hô͘lî in kiáⁿ cháulâi, khòaⁿ tio̍h,
Tú好狐狸in kiáⁿ走來，看tio̍h，
Tiō kā hô͘lî thóboeh bán pôtô.
Tiō kā狐狸討boeh挽葡萄。
Hô͘lî kóng: “He pôtô sngê la!”
狐狸講:「He葡萄酸ê la！」