《阿鳳姨e5五度e5空間》

 | | | 轉寄

Achakúi...Acha鬼

作者 Ahongî...漢羅翻寫Aheng 2006.08.06

Achakúi teh chhiau pùnsòtháng, chhōe pópòe,
Acha鬼teh chhiau pùnsò桶，chhōe寶貝，
Chhiaukà pùnsò òekà chi̍tsìkè.
Chhiaukah pùnsò òekah一sìkè。
Chhengkhìkúi tùi hia kòe,
清氣鬼tùi hia過，
Kóng: “Chhéè! Pùnsò sìkè òe.”
講:「Chhéè！Pùnsò四界òe。」
Achakúi kóng: “Chò khoânpó, ta̍kkē ê khangkhòe.
Acha鬼講:「做環保，ta̍kkē ê khangkhòe。
“Ū góa sìkè chhiau, sìkè chhōe.
「有我四界chhiau，四界chhōe。
“Pùnsò chiah ē kiám chin chē.”
「Pùnsò才會減真chē。」
Chhengkhìkúi kóng: “Chò khoânpó, ná ánne!?”
清氣鬼講:「做環保，ná ánne！？」
I tiō kā pùnsò khioh hō͘ i hósè.
伊tio̍h kā pùnsò拾hō͘伊好勢。
Achakúi koh kā pùnsò òekà chi̍tsìkè.
Acha鬼koh kā pùnsò òekah一sìkè。