《阿鳳姨e5五度e5空間》

 | | | 轉寄

Bē tàng Lo̍hlâi...Bē tàng落來

作者 Ahōngî....漢羅翻寫:Chuniok 2005.08.28

listen


插圖: Sherry Thompson
錄音: 吳令宜, 蔣由信, 陳豐惠

Ko͘ta̍kniau tī chhiū'áténg bē tàng lo̍hlâi,
Ko͘ta̍k貓tī樹á頂bē tàng落來，
Chin tio̍hkip, miàumiàuháu.
真著急，miàumiàu哮。
Kîlînlo̍k chhun āmkún boeh ho͘(=hō͘) suhlo̍hlâi.
麒麟鹿伸頷頸boeh hō͘ suh落來。
Ko͘ta̍kniau kā kîlînlo̍k kóaⁿcháu.
Ko͘ta̍k貓kā麒麟鹿趕走。
Kâu pehkhitlì(=khílih) boeh ka(=kā) phōlo̍hlâi.
猴peh khílih boeh kā抱落來。
Ko͘ta̍kniau kā kâu kóaⁿcháu.
Ko͘ta̍k貓kā猴趕走。
Eng'á poelo̍hlâi boeh kā kōaⁿlo̍hlâi.
鷹á飛落來boeh kā kōaⁿ落來。
Ko͘ta̍kniau kā eng'á kóaⁿcháu.
Ko͘ta̍k貓kā鷹á趕走。
Titu chŏaⁿ(=chiông ánne) tòa chhiū'ákha keⁿ titubāng,
蜘蛛chôaⁿ tòa樹á腳keⁿ蜘蛛網，
Tán Ko͘ta̍kniau siaklo̍hlâi.
等ko͘ta̍k貓siak落來。