Khòaⁿ lí seⁿchò ná pe̍hbīnsuseng, 看你生做ná白面書生， Ná ē hiahni̍h kiaⁿ kiànsiàu, Ná會hiahni̍h驚見笑， Lóng bihtiàm iapthiap ê só͘chāi, Lóng bihtiàm iapthiap ê所在， Bôài gōakháu khòaⁿ kongkéng. 無ài外口看光景。 Khòaⁿ lí chhōakiáⁿ chūiû chūchāi, 看你chhōa kiáⁿ自由自在， Sī ánchóaⁿ ? 是ánchóaⁿ？ Lí tio̍h mê ji̍t háu: khó͘ah ! khó͘ah ! khó͘ah ! khó͘ah ! 你tio̍h暝日哮：苦ah 苦ah 苦ah 苦ah！ Háu kah hō͘lâng simchêng bē sóngkhoài. 哮kah hō͘人心情bē爽快。 註解：Khó͘kebó(苦雞母);白腹秧雞; Whitebreasted Waterhen. 苦雞母生thòaⁿ期間，暝也哮，日也哮，一直哮bē soah，一直哮「khó͘à！khó͘à！」m̄ chiah hō͘庄腳人號做「苦雞母」。Tī台灣是chiâⁿ普遍ê留鳥，匿tiàm水田、lòm地、溪岸邊有廬竹、雜草內，罕得飛，mā飛bē高(koân)。 另外mā有人kā叫做「白面á」，「紅khachhng'á」，是因為伊ê尾椎毛紅紅。 俗語：苦雞母，生苦雞ákiáⁿ。(註:m̄是苦瓜母，生苦瓜ákiáⁿ。)
|
|
|
轉寄