《CTT出頭天園地》

 | | | 轉寄

Isap 寓言 6

作者 TLH 2007.03.25

6. Sai kap Niáuchhí
　Ū chi̍tpái, chi̍tchiah sai teh khùn, chi̍tchiah niáuchhí'á peh khíkhì i ê sinkhu téng, cháulâi cháukhì. Sai hō͘ niáuchhí'á chháchhéⁿ, khímo͘bái, chiū iōng tōa chhiú kā niáuchhí'á haplo̍hkhì, chhùi koh khui~khui~khui, siuN7beh kā thunlo̍hkhì.

　Niáuchhí'á tōasiaⁿ aikiû kóng, “Tāiông ah, chitpái chhiáⁿ lí goânliōnggóa, lí ê unchêng góa ē éngoán kì tī simkoaⁿ lāi. Bô tiāⁿ ū chi̍tji̍t, góa ē tàng pòtaplí. ” Sai thiaⁿ tio̍h khì àichhiò, “Lí chitchiah niáuchhí'ápó͘, ū símmi̍h châitiāu thang pòtapgóa leh?” M̄ kú, sai iûgoân kā niáuchhí'á pàngkhui, hō͘ i cháu.

Kòe bô jōakú, sai poa̍hlo̍hkhì hāmchéⁿ. Phahla̍h ê lâng beh kā oa̍hlènglèng ê sai hiàn hō͘ kokông. In kā sai pa̍k tī chhiū'ákha, beh khì chhōe chhia lâi chài. Chitchūn, túhó niáuchhí'á tùi hia kiâⁿkòe, khòaⁿ tio̍h sai piai thòngkhó͘ ê bô͘iūⁿ, chiū cháu kòe khì kā sai sinkhu téng ê soh'á kātn̄g, chin iāngkhì kā kóng, “Taⁿ, góa íkeng pòtap lí ê unchêng lah.” Niáuchhí'á chiū ánne kā bānsiùchiông kiù cháu.

　Chiáu ē tī thiⁿténg poe, hî ē tī chúini̍h siû, tō͘ún'á ē chǹgthô͘, niáuchhí'á ē ó͘khang; lâng kóng, “ Lámlámbé mā ū chi̍tpō͘ that.” M̄ thang khòaⁿ niáuchhí'á sèchiah koh bômi̍h, sióchut'á ū sî mā ē piàn enghiông!