《CTT出頭天園地》

 | | | 轉寄

Isap 寓言 5

作者 TLH 2007.03.18

5. Siàuliân Chha̍tthau kap I ê Lāubú

　　Ū chi̍tê siàuliânlâng inūi chò chha̍t hông lia̍hkhì, hoatkoaⁿ kā phòaⁿchōe tio̍h chē kaⁿ. Tī beh koaiⁿji̍p kaⁿga̍k chìnchêng, i iaukiû kìⁿ i ê lāubú chi̍tbīn.

　In bú'ákiáⁿ kìⁿbīn ê sî, i tùi lāubú kóng, “Góa siūⁿ beh kā lí kóng sèsiaⁿ ōe.” I ê lāubú chiū kiâⁿ óakhì. In lāubú chi̍t àⁿthâu, i sûi tùi lāubú ê hīⁿ'á kā kālo̍hkhì. Piⁿ'á ê lâng khòaⁿchi̍tē lóng chhoahchi̍ttiô, mē i sī chóaⁿiūⁿ chò chiahni̍h chho͘ló͘ bô jînsèng ê tāichì.

　I ìnkóng, “Che sī i ê pòèng! Góa sèhàn thâuchi̍tpái kā lâng thauthe̍h mi̍hkiāⁿ tńgkhì chhùni̍h ê sî, i m̄ nā bô chekpīgóa, chhúhoa̍tgóa, hoántòtńg chhiòchhiò'á kā góa kóng, bô lâng ē hoathiān lah! Chiūsī inūi i, góa kin'áji̍t chiah ē piàn ánne!”

　Ū chi̍tê Bo̍ksu kóng, “Hūjînlâng ah, lín kiáⁿ kóngê bô m̄ tio̍h! Siōngtè kóng, ‘Kàuióng gín'á tio̍h ēng ha̍pgî ê hoat, ánne kàulāu iā bē oaichhoa̍h.’ ”