《CTT出頭天園地》

 | | | 轉寄

Isap 寓言 10

作者 TLH 2007.04.22

10. Soaⁿ teh Tíntāng

　Ū chi̍tji̍t, ū lâng chùì tio̍h soaⁿ teh tíntāng, soaⁿténg teh chhèng ian. Thó͘tē mā teh phi̍hphi̍hchùn, chhiū'á tn̄gchat tólo̍hkhì, tōa chio̍hthâu lóng laklaklo̍hlâi. Tāike lóng kámkak ittēng sī ū símmi̍h khióngpò͘ ê tāichì beh hoatseng lah. Só͘ū ê lâng lóng chūchi̍p tī kāng chi̍tê só͘chāi, khòaⁿ tàuté sī símmi̍h koàimi̍h beh chhuthiān. In tī hia kho̍kkho̍ktán, m̄ kú símmi̍h lóng bô chhuthiān.

　Āulâi, ū chi̍tchūn koh khah ke̍klia̍t ê tē tāng, chi̍tpêng ê soaⁿ li̍hkhui, li̍h chi̍tphāng chin tōaphāng. Choânpō͘ ê lâng lóng ba̍kchiu kimkim khòaⁿ kàu tōachhùi khuikhui. Lō͘bóechhiú, khòaⁿ tio̍h chi̍tchiah chiok sèchiah ê niáuchhí'á, sèkalia̍p'á ê thâu tùi hitê soaⁿphāng chhunchhutlâi, tùi in chitpêng ti̍tti̍t cháukòelâi.

　Ū lâng hoahkóng, “Siūⁿbē kàu chiahni̍h sè chiah ê niáuchhí'á kèngjiân ē chōsêng soaⁿpang tē li̍h!”