《CTT出頭天園地》

 | | | 轉寄

Isap 寓言 11

作者 TLH 2007.04.29

11 Iáthò͘ kap Sìkha'á

　Iáthò͘ tiāⁿtiāⁿ hō͘ kîtha ê iásiù peksat kàu cháu bôlō͘, m̄ chai beh bih tùi tóūi khì. Kìⁿnā khòaⁿ tio̍h jīmhô chi̍tchiah ê tōngbu̍t chiapkīn, in chiū ē kóaⁿkín liusoan.

　Ū chi̍tji̍t, in khòaⁿ tio̍h chi̍ttīn iábé cháu kàu chin chheⁿkông. Chitkhoán chêngkéng hō͘ iáthò͘ chin tio̍hkiaⁿ. In choânpō͘ cháu tùi hūkīn ê ô͘ khì, siūⁿ beh chòtīn thiàuô͘ chūsat, kamgoān sí iā bôài koh kòe chitkhoán kiaⁿhiâⁿ ê sengoa̍h. Ô͘piⁿ ū chi̍ttīn sìkha'á khòaⁿ tio̍h iáthò͘ cháu óalâi, sòa kiaⁿ kàu lóngchóng thiàu lo̍hkhì chúini̍h.

　Ū chi̍tchiah iáthò͘ khòaⁿ tio̍h, kóng, “Sūsi̍tsiōng, tāichì pēng bô giâmtiōng kàu suiàu thiàuchúi chūsat.”

　Chóng ū lâng chōnghóng pí lán kohkhah bái.