《CTT出頭天園地》

 | | | 轉寄

Isap 寓言 33

作者 TLH 2007.09.30

33. Chngkha Niáuchhí kap To͘chhī Niáuchhí

Ū chi̍tchiah to͘chhī niáuchhí khì chhōe i tòa tī chngkha ê chhinchiâⁿ. Chngkha niáuchhí láusi̍t koh tiâuti̍t, i chin ài chitê to͘chhī chhinchiâⁿ, jia̍tchêng kā khoánthāi. I ànnāi to͘chhī niáuchhí chia̍h bíntāu, la̍hbah, chhìsuh kap sio̍kpháng.

Chitê to͘chhī niáuchhí iōng chiam phīⁿ'á kā chiahê chngkha chia̍hmi̍h phīⁿphīⁿ leh, kóng, “Góa si̍tchāi bē tàng liáukái, lí ná ē tàng jímsiū chiahni̍h pháiⁿchia̍h ê chia̍hmi̍h. M̄ kú, che sī ittēngê, tī chitchióng chngkha só͘chāi, lí bē tàng ǹgbāng ū símmi̍h khahhó ê mi̍hkiāⁿ thang chia̍h.”

“KaN5lah! Kap góa chòtīn lâikhì to͘chhī, góa beh hō͘ lí khòaⁿ māi leh, ánchóaⁿ chiahsī chiàⁿkáng ê sengoa̍h. Lí nā tī to͘chhī tòachi̍tlépài ah, lí chiū ē kámkak kóng, kîkoài, íchêng náē tī chngkha tòa ē tiâu?”

Thiⁿ beh àm ê sî, chit 2 chiah niáuchhí chiū lâi kàu to͘chhī. To͘chhī niáuchhí chin ū lésò͘, kóng, “Kengkòe chiahtn̂g ê lō͘tô͘, lí ittēng siūⁿ beh chia̍h chi̍tkóa tiámsim lah.” Kóng soah, chiū chhōa chngkha niáuchhí ji̍pkhì chi̍tkeng chintōa keng ê chàukha. Tī hia, in khòaⁿ tio̍h chinchē chheⁿchhauê, chiū tōachhùi tōachhùi khaisí chia̍h kenn̄gko, chhàiiàn kap kîtha ê hóchia̍h mi̍h'á.

Bô tiuⁿ bô tî, in thiaⁿ tio̍h kîkoài ê kiòsiaⁿ, chngkha niáuchhí chin kíntiuⁿ, mn̄g kóng, “He sī símmi̍h siaⁿ?” To͘chhī niáuchhí kā ìn kóng, “He sī chhùlāi ê káu'á teh kiò nātiāⁿ.” “Símmi̍h!?” Chngkha niáuchhí tōasiaⁿ hoahchhutlâi. “Góa chiah bôài tī chia̍h àmtńg ê sî thiaⁿ tio̍h chitkhoán imga̍k!” Chitê sîchūn, mn̂g hiônghiông khuikhui, 2 chiah káu'á chhiongji̍plâi. In chiū kóaⁿkín soan lo͘h. Chngkha niáuchhí kóng, “Góa beh lâi tńg lah!” To͘chhī niáuchhí kóng, “ Náē chiahkín chiū beh cháu?” “ Góa kamgoān tńgkhì chngkha únsim'á chia̍h tāu'á kap la̍hbah, mā bô siūⁿ beh tiàm to͘chhī thêsim tiàutáⁿ chia̍h kenn̄gko, lim bihluh!”