《大人囡a2詩》

 | | | 轉寄

Thìthâu...剃頭

作者 Li KhinhoaN 2005.10.02

listen



Chi̍tji̍t thìthâu, saⁿji̍t iântâu
一日剃頭，三日緣投
Thâu chhengsóng langiân kàu
頭清爽人緣到
Kìⁿ tio̍h lâng chhiòbibi oansiû thàu
見tio̍h人笑bibi冤仇tháu
Siūⁿ beh ta̍kkang thìthâu
想beh逐工剃頭
Kiaⁿ kóng ūlâng gîsim
驚講有人疑心
Goán tham líhoat sióchiá hó bímāu
阮貪理髮小姐好美貌
Chi̍tji̍t thìthâu, saⁿji̍t giànthâu
一日剃頭，三日giàn頭
Thâumo͘ ittàn bô kàu
頭毛一旦無夠
Khoattiám i to̍h phûthâu
缺點伊to̍h浮頭
Pantiám jiâuhûn khòaⁿthàuthàu
斑點皺痕看透透
Siūⁿ beh mài thìthâu
想beh mài剃頭
Kiaⁿ kóng ūlang gîsim
驚講有人疑心
Goán thâumo͘ phiauphiat sīm̄ sī
阮頭毛飄phiat是m̄是
Siūⁿ beh chò o͘káu
想 beh 做烏狗
2003/4/28 Harvard