巴克禮普世版(試讀本) 帖撒羅尼迦前書第五章
準 備迎 接主再 臨
1兄弟 姊 妹ah,關 係主再 臨ê時kah期,我無需要寫tī phoe內。2因為lín家己知,主再 臨ê日會親 像賊á,tī暗時無意中來到。3人當teh講:「一 切平 安ê時」,災 禍會親 像生kiáⁿ ê艱 苦,臨 到tehbeh生 產ê婦人 人,in bē tàng逃 避chitê難 關。4 M̄ koh兄弟 姊 妹ah,lín m̄是tī烏暗 中teh過 日,hitê日bē親 像賊á忽 然 間來到lín tau。5因為lín lóng是光 明ê人,是日時ê人;咱m̄是屬tī暗時,mā m̄是屬烏暗。6所以咱m̄ thang親 像其他ê人teh睏,tio̍h警 醒謹慎。7因為睏ê人lóng是暗時teh睏,酒 醉ê人lóng是暗時teh醉。8 M̄ koh咱屬日時ê tio̍h謹慎,用信 心kah疼 心做 戰 甲穿,用 得救ê ǹg望做 頭 盔戴。9上 主m̄是揀 選咱來受祂ê刑 罰,是beh hō͘咱通 過主耶穌基督來得救。10基督替咱死是beh hō͘咱無論teh活á是死去,lóng ē tàng tī祂再 臨ê時,kah祂做伙活teh。11所以tio̍h照lín chitmá teh做ê ánne互 相鼓勵,互 相幫 助。
最 後ê勸 勉Kah請 安
12兄弟 姊 妹ah,請lín tio̍h敬 重hiahê tī lín中 間teh勞苦工 作,mā是主所 揀 選來kā lín指導kah勸 勉ê人。13為tio̍h in teh做ê工 作,lín tio̍h用siōng大ê疼 心kah敬意來對 待in。Lín大家mā tio̍h和睦做伙。14兄弟 姊 妹ah,阮苦 勸lín tio̍h警 戒pîntōaⁿ ê人,鼓舞失志ê人,扶 持軟 弱ê人,用 寬 容對 待每一個 人。15 Lín tio̍h謹慎,m̄ thang用pháiⁿ報pháiⁿ,tio̍h不時互 相好 款 待,koh好 款 待每一個 人。16 Tio̍h常 常歡 喜。17 Tio̍h不時祈禱。18無論甚 麼境 遇lóng tio̍h感 謝,因為這是上 主ê旨意,ài lín chiahê屬基督耶穌ê人ánne做。19 M̄ thang phahhoa聖 神ê火。20 M̄ thang藐視先知ê話。21 Ta̍k項tāichì tio̍h詳 細檢 驗,好.ê tio̍h繼 續做 落去。22 Tio̍h閃 避ta̍k種ê邪惡。23願賞賜平 安ê上 主親 自kā lín聖 化,koh願祂保守lín ê靈、魂、體,tī咱ê主耶穌基督再 臨ê時,lóng得tio̍h保 全,無thang嫌!24呼 召lín.ê是信實ê上 主,祂一定會照ánne kā lín成 全。25兄弟 姊 妹ah,請為 阮祈禱。26 Tio̍h用神 聖ê相chim,來kā所有ê兄弟 姊 妹請 安。27我奉 主ê名來吩 咐lín,tio̍h讀chit張phoe hō͘所有ê兄弟 姊 妹聽。28願咱ê主耶穌基督ê恩 典kah lín同 在!