巴克禮普世版(試讀本) 希伯來書第六章
1所以咱m̄ thang停 留tī基督ê初 步道理,無koh再tī脫 離死ê行 為來信上 主,洗禮,2以及hōaⁿ手,死人koh活,kah永 遠ê審 判,chiahê教示等 等。3咱tio̍h向 前求進 步。上 主若允 准,阮就beh ánne做。4 Hiahê背 教ê人bat得tio̍h上 主ê光 照,bat tam tio̍h屬 天ê恩賜,mā有分 享tio̍h聖 神,5 koh bat體 驗上 主ê話ê好 處,mā bat感 受tehbeh來ê世界ê權 能。6 Ánne in iáukoh背 教!Chit款人bē tàng hō͘ in悔 改行倒tńg來,因為in koh kā上 主ê Kiáⁿ釘十字架,公 然kā祂侮 辱。7土地不時teh吸 收tùi天落來ê雨 水來生 產菜 蔬,對作 穡 人有路用,這就是上 主ê祝 福。8 M̄ koh土地若生草 刺á kah雜 草就無路用,會隨時hō͘人咒 詛,最 後就是放 火 燒。9所 疼ê兄弟 姊 妹ah!阮雖 然ánne講,m̄ koh阮確 信lín ê情 形比阮所 講ê khah好,ē tàng得救。10上 主m̄是無公 道,一定會記得lín所做ê工 作,就是lín為tio̍h祂ê名,繼 續teh服務信徒所 表 現ê疼 心。11我ài lín ta̍k人,tùi頭 到 尾保持熱 心,hō͘ lín所ǹg望ê一 切lóng完 全實 現。12 M̄ thang pîntōaⁿ,tio̍h學hiahê tùi信kah吞 忍來 承 接上 主應允ê人。
上 主確 實ê應允
13上 主應允亞伯 拉罕ê時,既然無比祂khah大.ê thang kí來chiùchōa,就kí家己本 身來chiùchōa講:14「我一定beh賜福你,beh加添kiáⁿ孫hō͘你。」(註:創22:17) 15亞伯 拉罕gâu吞 忍,所以有得tio̍h上 主所應允.ê。16因為人是kí比家己khah大.ê來chiùchōa,mā用chiùchōa做 擔 保,來 解 決人kah人中 間ê爭 執。17上 主ài hiahê承 接應允ê人確 實知,祂ê計畫bē改 變,chiah用chiùchōa來做保 證。18上 主ê應允kah chiùchōa, chit兩 項tāichì lóng bē改 變,因為祂bē講 白 賊,hō͘咱chiahê逃 避來求保護ê人,得tio̍h真 大ê鼓勵來持 守咱頭 前ê ǹg望。19咱為 chitê ǹg望,親 像性 命ê錠拋tī聖 所ê帳籬內,安 全koh可 靠。20耶穌做咱ê先 鋒,已經為tio̍h咱入去hia,照麥基洗德ê排 班順序成 做永 遠ê大 祭司。