《耶穌言行錄》

 | | | 轉寄

Sū

作者 Ko Kimseng 2008.04.06

Chit phō Sèngchheh Kìlio̍k,tùi Êmn̂g lâi,kàu taⁿ ū 60 gōa nî kú,40 gōa nî bô lâng koh ìn;ài tha̍k,bô tè thang bóe,sǹg sī choa̍tpán,hòe chheh.Chìhó pêngiú,góa ê hūjînlâng ū lâu 5 pún,khńg tī chhehtû,góa bô siūⁿ ōe koh ìn.

Siū chhengiok Siansiⁿ ê biánlē kóng," Tio̍h ìn" tio̍h kā shesiā;tōng tio̍h góa ê chengsîn,laulâng chiū gōngsiūⁿ,chē the thènghāu sí,m̄ ta̍t tio̍h chòe hō͘ i sī khahiâⁿ.Túi chiah ê chheh,lán tosiáu thiampó͘,ōekù siusek lai koh ìn,ǹgbāng thang pó͘ lán hiānsî ê khiàmēng;chheh miâ ōaⁿ sin,Sèngkeng Soánlio̍k（聖經選略）khah ha̍p púnlâi ê ìgī.

Sèngkeng choânphō ū hun Kuiok kap Siniok. Chóngsī túi pa̍t hongbīn lâi khòaⁿ,iā sī nn̄g pō͘hūn;chiūsī le̍ksú kap kàsī.Kàsī,ū pauhâm iàulí kap lûnlí.Iàulí,sī pài Siōngtè lâng só͘ tio̍h sìn ê.Lûnlí,sī pài Siōngtè lâng só͘ tio̍h kiâⁿ ê.Lán ài bêngpe̍k Siōngtè ê kàsū,tio̍h tāiseng ōe bat Sèngkeng lāi ê le̍ksū;chiū lán ji̍p lépàitn̂g thiaⁿ siansiⁿ kóng tōlí,á sī kakī tha̍k Séngkeng,khah ōe liáukái,khah ōe kìsim,khah ōe khaksìn,khah ōe jia̍tthâu,khah ōe bat Siōngtè,khah ōe thiàⁿ Siōngtè.Simsîn phínhēng ōe ji̍tji̍t ōaⁿ sin.Inūi lí túi le̍ksú ōe khòaⁿkìⁿ Siōngtè ê koânlêng,tìhūi,konggī,thiàⁿthàng,kap kîthaⁿ chióngchióng ê kiatkó.Sèngkeng Soánlio̍k chiūsī ūi tio̍h téngbīn só͘ kóng ê líiû,lōeiông chiah pâilia̍t móamóa kántan ê le̍ksú,sī ài chān lan2chiapsiū Siōngtè ê chinlí.

Lán khòaⁿ chheh ê chèpún bô tâng,lōeiông chó͘chit kohiūⁿ,chiū chai m̄ sī chi̍t lâng tù ê,in bô siâng sîchūn.Chíū chi̍t pún siá Táⁿmájī Ko͘niû,kîû lóng bô miâ.Siatsú in nā iáu oa̍h tī sèkan,káⁿ ū 100 gōa hè.Tùi chiah ê tùchok,ū hiánbêng in ê lôkhó͘ kap thiàⁿ Chú,in ū tìhūi kap thiàⁿ lâng.Lán tio̍h siàuliām in,kā in sehsiā.Kohkhah tio̍h kámsiā ê,chiūsī Siōngtè,I pangchān chêng ê lâng chai chhiú,āu ê lâng tit ìmńg,chia̍h kéchí.

Chheh,taⁿ chhutpán,si̍tchāi chhinchhiūⁿ héchhia,kū sòaⁿlō͘ Chài siulí,chhiatâi lè iûchhat,ū sin ê khìsiōng,khaithong chài kheh,hō͘ chiah ê thiankok chèng kiáⁿjî,thang chē khì iûlám 39 chō ê tô͘sukoán,27 khu ê hoehn̂g,ài tha̍k Sèngkeng,tī hiā kìⁿ tio̍h kohoa̍h ê Chú,simmóa ìchiok.

1951 nî 11 goe̍h 30 ji̍t.
Ko Kimseng.

思羅安台語點字網站