《耶穌言行錄》

| | | 轉寄

Tē 1chiuⁿ, Iâso͘ Kitok lîmkàu sèkan

作者 Ko Kimseng. 2008.04.13

Tùi Atong Hāoa kóaⁿchhut Lo̍khng kàu Iâso͘ lîmkàu sèkan ê sî，kúinā chheng nî.

Chú Iâso͘ Kitok sī Siōngtè éngoa̍h ê Kiáⁿ，chhutsì chòe lâng.Ísàia lūn I ê tāichì chiū kóng，"Ū chi̍t ê Eⁿ'á ūi lán lâi chhut sî，ū chi̍t ê Kiáⁿ siúⁿsù lán.I beh hūtam kokchèng，I ê miâ chheng chòe Kîbiāu，Bô͘sū，Choânlêng ê Siōngtè，Éngoán tīthe ê Pē，Hôpêng ê Jînkun. "（Ísàia 9：6）

Iâso͘ suijiân chhutsì chòe Eⁿ'á，tī sèkan chòe sònghiong lâng，kîsi̍t sī Siōngtè.

Iâso͘ līkhui thiantông ênghián hokkhì，lîmkàu sèkan sī beh kiù lâng.Lâng íkeng ū tekchōe Siōngtè，tio̍h siū hênghoa̍t，Iâso͘ lai5thoe3 lán tamtng.Siōngtè ê bēnglēng lán tekkhak tio̍h siú，iáukú lán bô khùila̍t，Iâso͘ thòe lán siú.Lâng beh hiànchè hō͘ Siōngtè，ta̍khang tio̍h ēng chiâuchn̂gê；Iâso͘ chiūsī chiâuchn̂g ê chè，bô chi̍ttiám'á phòaphah，só͘í Siōngtè hoaⁿhí I.Siōngtè ín putkoán símmi̍h lâng nā sìn，chiū beh ēng I ê Kiáⁿ ê huih sóechheng i ê chōe，ia̍h beh ēng I ê Kiáⁿ ê gī lâi chòe i ê gī，ánni tìkàu éngoán oa̍h.Sèngkeng kóng，"Siōngtè chiong to̍ksiⁿ ê Kiáⁿ siúⁿsù sèkan，hō͘ kìⁿnā sìn I ê lâng bōe tîmlûn，ōe tit tio̍h éngoa̍h；I thiàⁿ sèkan kàu ánni. "（Iokhan 3：16）

思羅安台語點字網站