《耶穌言行錄》

| | | 轉寄

Tē 98chiuⁿ,Iâso͘ tī Kalīlī

作者 Ko Kimseng. 2010.02.21

（Máthài 28：1620；Iokhān 21：419 Sùtô͘ Hēngtoān 1：15；I Lîm 15：37）
Āulâi ha̍kseng khì Kalīlī，kàu Iâso͘ só͘ kóng ê soaⁿ.Ū chi̍t êhng，chhit ê ha̍kseng khì Kalīlī hái thóhî，thongmî thó bô.Thiⁿ titbeh kng，Iâso͘ khiā tī hōaⁿnih，ha̍kseng m̄ chai sī Iâso͘.Iâso͘ kóng，"Sòekiáⁿ ah，ū mi̍hphè bô？"Ìn kóng，"Bô. "Iâso͘ kóng，"Pha bāng tī chûn ê chiàⁿchhiúpêng thang tit tio̍h. "chi̍tē pha，che bāng the̍h bōetitkhì，sī inūi hî chōe ê iânkò͘.Iokhān kā Pítek kóng，"Sī Chú lah. "Pítek thiaⁿkìⁿ sī Chú，hâ i ê saⁿ，thiàulo̍h hái.Kîû ê ha̍kseng chē chûn'á thoa hîbāng kàu hōaⁿnih.Chiūⁿhōaⁿ khòaⁿkìⁿ piáⁿ，sio héthòaⁿ ê téngbīn ū hî.Iâso͘ kóng，"Tú'á lia̍h ê hî the̍h kúibé hō͘ góa. "Pítek khì thoabāng chiūⁿ hōaⁿ，tóe tōa bé hî sǹg ū chi̍tpah gō͘cha̍psaⁿ bé，hî suibóng chōe，bāng bōe li̍h.

Iâso͘ kóng，"Lâi chia̍h. "Iâso͘ the̍h piáⁿ hō͘ chènglâng，hî ia̍h sī ánni.

Chia̍h soah，Iâso͘ kā Pítek kóng，"Iokná ê kiáⁿ Sebûn，lí pí chiah ê chènglâng khah thiàⁿ góa mah？"Píteh ìn kóng，"Chú ah，chai góa thiàⁿ Lí. "Iâso͘ kóng，"Chiàukò͘ góa ê iûⁿko. "Koh kóng，"Iokná ê kiáⁿ Sebûn，lí thiàⁿ góa bô？"Pítek ìn kóng，"Tio̍h；Chú chai góa thiàⁿ lí. "Iâso͘ kóng，"Chiàukò͘ góa ê iûⁿ. "Chiū koh kóng，"Iokná ê kiáⁿ Sebûn，lí thiàⁿ góa bô？"Pítek khòaⁿ saⁿpái mn̄g，chiū iubūn kóng，"Chú bô chi̍t hāng m̄ chai，chai góa thiàⁿ lí. "Iâso͘ kóng，"Chiàukò͘ góa ê iûⁿ.Góa si̍tchāi kā lí kóng，"Lí siàuliân ê sî，hâ iotòa chhutchāi lí kiâⁿ，kàu lāu ōe chhunchhiú hō͘ lâng pa̍k，thoa kàu m̄ ài khì ê só͘chāi. ""Kóng ánni sī chí Pítek ōe cháiⁿiūⁿ sí，lâi ênghián Sōngtè.Iâso͘ koh kóng，"Tè góa. "

Iâso͘ chi̍t pái chhuthiān hō͘ gō͘pahgōa lâng khòaⁿkìⁿ.Āulâi hō͘ Ngákok khòaⁿkìⁿ.Lō͘bé pái Iâso͘ chhōa ha̍kseng kàu Kaⁿná soaⁿ，tùi hia chiūⁿthiⁿ.Hit sî Iâso͘ bēnglēng sùtô͘ kóng，"Bo̍htit līkhui Iâlō͘satléng，tio̍h thènghāu Pē só͘ èngún，chiūsī lín tùi góa só͘ thiaⁿkìⁿ，sī Iokhān ēng chúi kiâⁿ sóelé，to̍kto̍k lín bô lōakú，chiū beh niásiū Sîn ê sóe. "

Iâso͘ chi̍t pái kā sùtô͘ kóng，"Thiⁿtōe lóngchóng ê koân kauhù góa；lín khì chio bānkok ê lâng chòe ha̍kseng，ēng Pē，kiáⁿ，Sèng Sîn ê miâ kiâⁿ sóelé；kàsī in siú góa só͘ bēnglēng lín—ê，koh góa siôngsiông kap lín tīteh，kàu sèkan ê lō͘bé. "

思羅安台語點字網站