《耶穌言行錄》

| | | 轉寄

Tē 99chiuⁿ,Iâso͘ chiūⁿ thiⁿ

作者 Ko Kimseng. 2010.02.28

（Mákhó 16：19；Lō͘ka 24：50，51； Sùtô͘ Hēngtoān 1：614，2：147）
Iâso͘ titbeh līkhui ha̍kseng chiūⁿ thiⁿ，hit sî kā in kóng，"Sèng Sîn kànglîm ê sî，lín chiū ū châilêng，ia̍h inūi góa tī Iâlō͘satléng lâi chòe kanchèng，ia̍h tī thong Iûthài kok，Satmálīa ê tōehng，kàu putchí ke̍k hn̄g ê só͘chāi，lóng chòe kanchèng. "

Iâso͘ kóng soah，chiūⁿthiⁿ；chènglâng kia̍h thâu khòaⁿkìⁿ，ū hûn jia—tio̍h，chiū khòaⁿ Iâso͘ bô kìⁿ.

Chènglâng siôngsè teh khòaⁿ thiⁿ，ū nn̄g lâng chhēng pe̍hsaⁿ khiā tī I ê sinpiⁿ chiū kóng，"Kalīlī lâng ah，siáⁿsū kia̍h thâu khòaⁿ thiⁿ teh khiā？Chit ê Iâso͘ līkhui lín chiūⁿthiⁿ，chiàu lín só͘ khòaⁿkìⁿ ánni chiūⁿ thiⁿ，āulâi tekkhak beh ánni lo̍hlâi. "

Sùtô͘ tùi Kaⁿná soaⁿ tòkhì Iâlō͘satléng，chiū peh chiūⁿ lâuténg，chi̍t sim choanbū kîtó.Hit sî ha̍kseng chūchi̍p ū ioklio̍k pahjī lâng，tī in ê tongkan ū kúinā ê hūjînlâng，Iâso͘ ê lāubú Málīa，kap Iâso͘ ê hiaⁿtī ia̍h tīteh.

Koh cha̍p ji̍t ū tit tio̍h Iâso͘ só͘ èngún ê sóe，chiūsī Sèng Sîn ê kámtōng.Sùtô͘ kóng tōlí，chōechōe lâng hoaⁿhí chiapla̍p i ê ōe lâi niá sóelé，hit ji̍t kethiⁿ saⁿchheng lâng.Tāike hoaⁿhí oló Siōngtè，Chú chiong titkiù ê lâng ta̍k ji̍t kethiⁿ tī kàuhōe.

Tùi Iâso͘ chiūⁿthiⁿ ê ji̍t kàu taⁿ，kàuhōe ná tōa，m̄ nā tī Iûthài kok，ta̍k pangkok ia̍h ū.

思羅安台語點字網站