《耶穌言行錄》

| | | 轉寄

Tē 2chiuⁿ,Iûthài lâng

作者 Ko Kimseng. 2008.04.20

Hittia̍p Lômá lâng ài ênghián，sìkòe pàchiàm lâng ê thó͘tōe，tìkàu thiⁿê chhaputto ta̍k kok sio̍k in,Iûthài kok ia̍h sī ánni.Lômá hôngtè chiū hong Hilu̍t chòe ông koánhat in.Hitsî Iûthài lâng iûgoân siú in ê choehkî，ia̍h hiànchè Siōngtè，chóngsī khahchōe sī gōaphê.In tiongkan ū chi̍t kàu，mâi kiò Hoatlīsài，siú Mô͘se ê hoattō͘ lésò͘，inūi ánni chūchheng chòe hó. Ū sî khiā tī koelō͘，tn̂gtn̂g kîtó，tiâukò͘ì hō͘ lâng khòaⁿ；chóngsī in ê sim bô chinsi̍t thiàⁿ Siōngtè，bô chiàu konggī khoánthāi lâng；óakhò kakī，bô óakhò Iâso͘,só͘í bōe tit tio̍h Siōngtè chiapla̍p.

Iâso͘ bat kā ha̍kseng kóng，"Lín ê gī nā bô khahiâⁿ Hoatlīsài lâng ê gī bōe ji̍p thiankok"（Máthài 5：20）.

Koh ū chi̍t kàu miâ kiò Satthó͘kai,kohchài oa̍h ê tāichì，ū thiⁿsài，lâng ū sînhûn chit hō ê tōlí，in m̄ sìn，kóng lâng chiū soah.Kaichài Iûthài lâng iáukú ūê chinsit kèng Siōngtè，sìn sèngchheh só͘ kìchài；ia̍h chai Bísàia lâi ê sî beh kàu，ta̍k ji̍t the thènghāu.Lūn lán chittia̍p pí chá ê Iûthài lâng khah chai,inūi lán ū Siniok ê chheh.Chit ê chheh só͘ kìchài khahchōe sī kóng Iâso͘ kiù lâng ê hoattō͘.

Siatsú lán tha̍k Sèngchheh lóng chai Iâso͘ ê tāichì，ia̍h bô chinsi̍t thiàⁿ I;á sī chhùi kóng sī I ê ha̍kseng ia̍h bô thàn，sī bô khahiâⁿ Hoatlīsài lâng，só͘í lâng tio̍h hō͘ Sèng Sîn têngthâusiⁿ chiah ōe chōe Siōngtè chinsi̍t ê pehsìⁿ.

思羅安台語點字網站