《耶穌言行錄》

| | | 轉寄

Tē 63chiuⁿ,Tio̍h thàiⁿ Siōngtè，Koh thiàⁿ lâng

作者 Ko Kimseng. 2009.06.21

（Lō͘ka 10：2537）
Ū chi̍t ê kà lu̍thoat ê siansiⁿ lâi chhì Iâso͘ kóng，"Siansiⁿ，góa engkai tio̍h cháiⁿiūⁿ chòe，chiah ōe tit tio̍h éngoánoa̍h？"Iâso͘ ìn kóng，"Lu̍thoat ê chheh kì cháiⁿiuⁿ？lí tha̍k sī cháiⁿiūⁿ？"I ìn kóng，"Tio̍h chīnsim，chīnsèng，chīnla̍t，chīnì thiàⁿ Chú lí ê Siōngtè；ia̍h tio̍h thiàⁿ lí ê chhùpiⁿ chhinchhiūⁿ kakī. "Iâso͘ kā i kóng，"Lí só͘ ìn ê sī tio̍h；chiàu ánni kiâⁿ，chiū ōe oa̍h. "Hit ê lâng ài chhengho͘ kakī chòe gī，mn̄g Iâso͘ kóng，"Símmi̍h lâng chòe góa ê chhùpiⁿ？"Iâso͘ ēng phìjū lâi ìn，kóng，"Ū lâng tùi Iâlō͘satléng lo̍hkhì Iâlīko，lō͘nih tú tio̍h chha̍t，hō͘ in chhiúⁿ，koh hō͘ in phah kàu beh sí，in lō͘bé hiatka̍k i，chòe in khì.Khiok ū chèsi tùi hit tiâu lō͘ kengkè，khòaⁿkìⁿ chiū ti̍tthàu kèkhì；koh ū Lībī lâng kàu hit só͘chāi，kiâⁿóa lâi khòaⁿ，ia̍h kèngjiân chòe i khì.Ū Satmálīa ê lâng kiâⁿ kàu hit só͘chāi，khòaⁿkìⁿ chiū lînbín i；kūnóa ēng iû，ēng chiú lâi tò hit ê tio̍hsiong ê só͘chāi，paulau hó，chiong kakī só͘ khiâ ê chengsiⁿ hō͘ i khiâ，chhōa i kàu khehtiàm，chiàukò͘ i；bîn'áchài titbeh khísin，chiū the̍h nn̄g chîⁿ gûn hō͘ khehtiàm ê chúlâng，kā i kóng，Tio̍h chiàukò͘ chit ê lâng，só͘hùi nā khah ke，góa tòtńglâi chiū sǹg hêng lí.Taⁿ hō͘ lí phahsǹg，chí saⁿ lâng tahlo̍h chi̍t ê sī chòe tú tio̍h chha̍t hit ê lâng ê chhùpiⁿ？Ìn kóng，Lînbín i ê lâng chiūsī.Iâso͘ kóng，Lí tio̍h khì ánni o̍h lâi kiâⁿ. "

Iûthài lâng kap Satmálīa ê lâng pún bô saⁿ ónglâi.Iâso͘ tiâutî siat chit ê phìjū，sī hō͘ lán chai，thiⁿê ê lâng lóng sī tângphōaⁿ.Siatsú khòaⁿkìⁿ simmi̍h lâng ū kankhó͘，nā ōe līek，chiū tio̍h līek；kiámchhái tio̍h ēng kakī ê kang，á sī tio̍h khaihùi púnsin ê chîⁿ，lóng tio̍h kamgoān.Sèngchheh kóng，"Ū kihōe thang tùi chènglâng kiâⁿ hó，chiū tio̍h kiâⁿ. "

思羅安台語點字網站