《巴克禮普世版聖經（試讀本）》

 | | | 轉寄

巴克禮普世版（試讀本） 哥林多後書第八章

作者 巴克禮普世版小組 2015.06.14

Kitoktô͘ ê Hōnghiàn
1 Hiaⁿtī chímōe ah, góa ài lín chai SiōngChú sù hō͘ Mákîtùn kok kàuhōe ê unhūi. 2 In tùi hoānlān kengle̍k chinchē khógiām iáukoh móasim hoaⁿhí. In suijiân chin sànchhiah, iáukoh huisiông khongkhài hōnghiàn. 3 Góa ē tàng kā lín chèngbêng, in kamgoān chīnla̍t hōnghiàn, sīmchì chhiaukòe in ê le̍kliōng. 4 In jia̍tsim khúnkiû goán tio̍h hō͘ in ū kihōe chhamú kiùchè Iûthài sìntô͘ ê kangchok. 5 In ánne chò m̄ nā chhiaukòe goán ê kîthāi, sīmchì sūnho̍k SiōngChú ê chíì tāiseng chiong kakī hiàn hō͘ Chú, jiânāu koh hiàn hō͘ goán. 6 Só͘í goán khǹg Thêto kèsio̍k hia̍pchō͘ lín lâi oânsêng i thêchhiòng ê chûsiān kangchok. 7 Lín ê sìnsim, kháuchâi, tìsek, pangchō͘ lâng ê jia̍tsim, íki̍p lín tùi goán ê thiàⁿsim lóng hiahni̍h honghù. Goán ài lín tùi chitê chûsiān kangchok mā tio̍h hiahni̍h khongkhài. 8 Góa ánne kóng m̄ sī teh bēnglēng lín, sī ài lín chai pa̍tlâng jia̍tsim teh pangchō͘ lâng lâi khógiām lín ê thiàⁿsim sīm̄ sī si̍tchāi. 9 Lín chai lán ê Chú Iâso͘ Kitok ê untián. I suijiân púnlâi chin hùjū, m̄ koh ūi tio̍h lín chiâⁿchò sànchhiah, sī beh hō͘ lín tùi I ê sànchhiah lâi chiâⁿchò hùjū. 10 Koanhē chithāng tāichì, góa kiàngī lín tio̍h khì oânsêng kūnî khaisí ê bō͘khoán, lín m̄ nā tāiseng hêngtōng, mā sī tāiseng kamgoān ánne chò. 11 Taⁿ lín tio̍h oânsêng chitê kangchok, ēng khíthâu ê jia̍tsim, chīnla̍t lâi kā i oânsêng. 12 Lín nā ū hōnghiàn ê jia̍tsim, SiōngChú ē hoaⁿhí chiapla̍p lín só͘ ūê, bē iaukiû lín só͘ bôê. 13 Góa m̄ sī ài lín khiāmtn̂g nehtō͘ lâi hō͘ pa̍tlâng khah liōngsiōng, sī ài lín ū kihōe hō͘siōng pangchō͘. 14 Kìjiân lín chitmá hùjū, tio̍h chínchè sànchhiahlâng, ánne lín sànchhiah in hùjū ê sî, mā thang kā lín chínchè, ánnesianghong lóng ū kihōe hō͘siōng pangchō͘. 15 Tú chiàu Sèngkeng só͘ kìchài: khioh chē ê bô chhun, khioh chió ê bô khiàm.( chù CAK 16:18)

Thêto kah I ê Tângkang
16 Kámsiā SiōngChú hō͘ Thêto ê sim chhinchhiūⁿ goán hiahni̍h jia̍tsim pangchō͘ lín. 17 I m̄ nā hoaⁿhí chiapsiū goán ê khúnkiû, koh jia̍tsim chūgoān pangchō͘ lín, koattēng beh khì lín hia. 18 Goán lēnggōa chhephài chi̍tê hiaⁿtī kah i chòhóe khì. Chitê hiaⁿtī tī thoân hokim ê kangchoksiōng ū siū kok kàuhōe ê oló. 19 M̄ nā ánne, i siū chèng kàuhōe soánphài lâi chò goán líhêng ê tângphōaⁿ, chhamú goán chithāng chûsiān kangchok. Chitê kangchok sī beh kui êngkng hō͘ Chú, mā piáusī goán hoaⁿhí kamgoān ánne chò. 20 Goán chin kínsīn lâi chhúlí lâng khongkhài hōnghiàn ê chîⁿhāng, chiah bián ínkhí lâng ê phoephêng. 21 Inūi goán kongbêng chèngtāi teh chò siānsū, m̄ nā tī Chú ê bīnchêng, tī lâng ê bīnchêng mā sī ánne. 22 Só͘í goán koh chhephài chi̍tê hiaⁿtī kah in chòhóe khì. Chi̍tê hiaⁿtī kengkòe goán chinchē khógiām, goán chai i jia̍tsim pangchō͘ lâng. Taⁿ i huisiông sìnjīm lín, chiū kohkhah khatbōng khì pangchō͘ lín. 23 Kóngkàu Thêto, i sī góa ê tângphōaⁿ, chò góa ê tângkang lâi pangchō͘ lín. Kah i chòhóe khì hiahê hiaⁿtī sī kok kàuhōe chhephài ê, sī Kitok ê êngkng. 24 Só͘í lín tio̍h tī kàuhōe kongkhai chèngsi̍t lín tùi in ê thiàⁿsim, mā tio̍h chèngsi̍t goán tùi lín ê khoakháu.