《巴克禮普世版聖經（試讀本）》

 | | | 轉寄

巴克禮普世版（試讀本） 哥林多後書第十章

作者 巴克禮普世版小組 2015.06.28

Pólô Ūi Kakī ê Thoânkàu Piānhō͘
1 Lâng kóng góa kah lín chòhóe ê sî chin khehkhì, kah lín siolī ê sî chiū chin giâmkeh, m̄ koh góa chitê Pólô ēng Kitok ê unjiû kah jînchû kā lín khó͘khǹg. 2 Góa khì lín hia ê sî, m̄ thang pek góa tùi lín bô khehkhì. Tùi hiahê phoephêng goán ēng sio̍ksè ê tōngki teh chò tāichì ê lâng, góa ittēng ē tùi in bô khehkhì. 3 Bô m̄ tio̍h, goán tòa tī chit sèkan teh sengoa̍h, m̄ koh pēng bô chiàu sio̍ksè ê tōngki teh hùntàu. 4 Goán hùntàu ēng ê khìkū m̄ sī sio̍ksè, sī ēng SiōngChú ū khùila̍t ê búkhì, liân kiankò͘ ê siâⁿpó to ē tàng kongphòa. Goán beh thuihoan hiahê biūlūn, 5 kā chó͘tòng lâng jīnbat SiōngChú ê itchhè kiaungō͘ lóng siaubia̍t, koh káipiàn múi chi̍tê lâng ê simsu ìliām, hō͘ i oânchoân sūnho̍k Kitok. 6 Lín oânchoân sūnho̍k liáuāu, goán chiū beh lâi chhùhoa̍t hiahê m̄ sūnho̍k ê lâng. 7 Lín kantaⁿ teh khòaⁿ gánchêng ê sū. Nā ūlâng jīnûi kakī sī sio̍k Kitok, i tio̍h koh siūⁿ khòaⁿmāi, i sio̍k Kitok, goán mā sī sio̍k Kitok. 8 Chú só͘ siúⁿsù goán ê koânpèng sī beh kā lín chōchiū, m̄ sī beh kā lín húihoāi. Góa tùi chitê koânpèng nā ū khah kòethâu khoakháu, góa mā bē kámkak kiànsiàu. 9 Góa bô ài hō͘ lín siūⁿkóng góa ēng phoe teh kā lín khiónghat. 10 Inūi ūlâng kóng, Pólô ê phoe giâmkeh koh kiôngngē, m̄ koh bīntùibīn chòhóe ê sî khiok chin unjiû, kóngōe mā bô chin chhùbī. 11 Kóng chitkhoán ōe ê lâng tio̍h chai, goán bô tī lín hia ê sî phoe sī ánchóaⁿ siá, goán kàu lín hia ê sî mā ē ánne chò. 12 Goán m̄ káⁿ kah hiahê tián hongsîn ê lâng píphēng, m̄ koh in ēng kakī phoephêng kakī, mā ēng kakī píphēng kakī, si̍tchāi bô tìhūi. 13 M̄ koh goán bô beh kòehūn khoakháu, kantaⁿ chiàu SiōngChú hō͘ goán hāntiāⁿ ê hoānûi, chitê hoānûi pauhâm goán tī lín tiongkan ê kangchok. 14 Lín kìjiân tī hoānûilāi, goán téngpái khì lín hia thoân Kitok ê hokim pēng bô chhiaukòe hoānûi. 15 Goán bô ēng pa̍tlâng lôkhó͘ oânsêng ê tāichì tòngchò kakī ê sêngchek lâi khoakháu. Goán tiantò ǹgbāng lín ê sìnsim ná chengtióng, goán tī lín tiongkan kangchok ê hoānûi ē ná khuikhoah. 16 Ánne goán chiah thang chiong hokim thoân khì lín ígōa ê tē khu. bô ēng pa̍tlâng hoānûilāi íkeng oânsêng ê tāichì lâi khoakháu. 17 Sèngkeng ū kìchài: Beh khoakháu ê lâng tio̍h ēng Chú ê chokûi lâi khoakháu.( chù: ILB 9:24) 18 Inūi chinchiàⁿ ta̍ttit oló ê sī Chú só͘ oló ê lâng, m̄ sī chūkhoa ê lâng.