《巴克禮普世版聖經（試讀本）》

 | | | 轉寄

巴克禮普世版（試讀本） 提多書第一章

作者 巴克禮普世版小組 2016.04.17

1 Góa sī Pólô, chò SiōngChú ê lô͘po̍k kah Iâso͘ Kitok ê sùtô͘, siū soántiàu lâi pangchō͘ SiōngChú ê soánbîn ê sìngióng, ínchhōa in bat lán sìngióng só͘ kàsī ê chinlí. 2 Chitê sìngióng hō͘ lán tùi éngoán ê oa̍hmiā ū ǹgbāng, chiūsī bē kóng pe̍hchha̍t ê SiōngChú tī bānsè íchêng to̍h èngín beh hō͘ lán. 3 Sîkî nā kàu, chiū thongkòe sìnsit ê thoânkáng chiong chitê èngín hiánbêng chhutlâi. Góa ū siūthok hōng lán ê KiùChú SiōngChú ê bēnglēng lâi soankáng chitê hokim. 4 Góa siá phoe kià hō͘ lí Thêto, tī lán kiōngtông ê sìngióng tiong, lí sī góa chin ê kiáⁿ. Goān ThiⁿPē SiōngChú kah lán ê KiùChú Kitok Iâso͘ sù lí untián kah pêngan.

Thêto Tī Keklítí ê Kangchok
5 Góa lâu lí tī Keklítí sī ài lí chhùlí hiahê pān iáubōe chhengchhó ê tāichì, koh chiàu góa kā lí hoanhù ê, tī ta̍kê siâⁿchhī siatli̍p tiúⁿló. 6 Chò tiúⁿló tio̍h hêngûi toanchiàⁿ, kantaⁿ chi̍tê bó͘, kiáⁿjî lóng sī sìntô͘, bôlâng khòngkò in hòngtōng á sī bô siú hoattō͘. 7 Kàuhōe ê léngtōchiá ná chhinchhiūⁿ SiōngChú ê koánke, bô kiaungō͘, bô khoài siūkhì, bô inūi chiúchùi lâi jiásū, bô hiongpō, bô tham putgī ê chîⁿchâi. 8 Mā tio̍h hó khoánthāi chhutgōa lâng, gâu chò hósū, siúkí, konggī, sèngkiat, chiatchè. 9 I ittēng tio̍h kiansiú hitê chinsi̍t koh hûha̍p kàugī ê sìnsit, chiah ē tàng ēng toanchiàⁿ ê kàsī lâi khoànbián lâng, mā ē tàng hoánpok hiahê hoántùi ê lâng. 10 Inūi ū chinchē m̄ sūnho̍k ê lâng, chiūsī hiahê kóng siáuōe lâi khiphiàn lâng ê, iûkîsī chútiuⁿ tio̍h siū katlé ê Iûthài Kitoktô͘. 11 Lí tio̍h kā chit chióng lâng ê chhùi that khílâi, in ūi tio̍h tham putgī ê chîⁿchâi, ēng bô engkai kàsī ê ōe lâi phòhoāi chi̍tkóa lâng ê katêng. 12 In Keklítílâng ê chi̍tê sianti bat ánne kóng, "Keklítílâng putsî kóng pe̍hchha̍t, chhinchhiūⁿ hiongok ê iásiù, thamchia̍h koh pîntōaⁿ." 13 I ánne kóng sī sūsi̍t, só͘í lí tio̍h giâmkeh kā in chekpī, thang hō͘ in ū kiānchoân ê sìngióng, 14 bô koh thiaⁿ Iûthàilâng bôiáⁿ bôchiah ê thoânsoat kah hiahê pōege̍k chinlí ê kàibēng. 15 Tùi chhengkhì ê lâng lâi kóng, bānbu̍t lóng sī chhengkhì; tùi hiahê ùòe kah bô sìn ê lâng lâi kóng, bô chi̍t hāng mi̍h sī chhengkhì, liân in ê simsu kah liôngsim mā lóng ùòe. 16 In kakī chhùi kóng bat SiōngChú, m̄ koh in ēng hêngûi lâi hó͘ⁿjīn. In khóò͘ⁿ, pōege̍k, chò bē chhut símmi̍h hó tāichì.