《巴克禮普世版聖經（試讀本）》

 | | | 轉寄

巴克禮普世版（試讀本） 啟示錄第十一章

作者 巴克禮普世版小組 2017.03.20

Nn̄gê Kiànchèngjîn
1 Góa ū niásiū chi̍tki chhinchhiūⁿ koái'á ê chhioh, koh ū siaⁿ tùi góa kóng, "Khílâi, khì niû SiōngChú ê sèngtiān kah chètôaⁿ, mā tio̍h sǹg tī hia kèngpài ê jînsò͘. 2 M̄ koh sèngtiān ê gōaīⁿ m̄ bián niû, inūi gōaīⁿ íkeng kau hō͘ Gōapanglâng. In ē thúnta̍h sèngsiâⁿ sìcha̍pjī goe̍hji̍t. 3 Góa ē chhephài Góa nn̄gê chhēng môapò͘saⁿ ê kiànchèngjîn. In beh thoân SiōngChú ê sìnsit chi̍tchheng nn̄gpah la̍kcha̍p ji̍t." 4 Chit nn̄gê kiànchèngjîn chiūsī khiā tī choântē ê Chú bīnchêng hit nn̄gchâng kannáchhiū kah nn̄gê tengtâi. 5 Nā ūlâng beh kā in sionghāi, in ē tùi chhùi thò͘ hóe chhutlâi kā tùite̍k siobia̍t. Nā ūlâng ài beh hāi in, ittēng chhinchhiūⁿ ánne siū sathāi. 6 Chit nn̄gê kiànchèngjîn ū koân thang kā thiⁿ koaiⁿ khílâi, thang hō͘ in teh thoân tōlí ê ji̍tchí bē lo̍hhō͘. In mā ū koân chiángkoán chúi hō͘ i piànchò hoeh, koh chiàu in só͘ ài putkoánsî thang ēng ta̍kchióng ê chaihō kongkek tāitē. 7 In chò kiànchèng liáuāu, tùi bôté chhimkheⁿ khílâi hitchiah béngsiù ē kah in kauchiàn. Béngsiù ē chiàniâⁿ soah kā in kāsí. 8 In ê sinsi ē tó tī tōa siâⁿchhī ê kelō͘. Lâng kā chitê siâⁿchhī píphēng chò Só͘tomá kah Aiki̍p, in ê Chú mā tī hia hō͘ lâng tèng si̍pjīkè. 9 Tùi ta̍kê bîncho̍k, ta̍kê cho̍kkûn, ta̍kchióng gígiân, ta̍kê kokka ê tiongkan ūlâng lâi khòaⁿ in ê sinsi saⁿji̍tpòaⁿ kú, koh m̄ chún lâng kā in bâichòng. 10 Tòa tī tē chiūⁿ ê lâng ē inūi in ê sí lâi hoaⁿhí khoàilo̍k, kauōaⁿ lémi̍h, inūi chit nn̄gê sianti ū hō͘ tòa tī tē chiūⁿ ê lâng siū chinchē khó͘chhó͘. 11 Kòe hit saⁿji̍tpòaⁿ liáuāu, ū oa̍hkhì tùi SiōngChú hia lâi ji̍pkhì in lāibīn, in chiū peh khílâi khiā. Khòaⁿ tio̍h ê lâng lóng tōa tio̍hkiaⁿ. 12 Hit nn̄gê sianti chiū thiaⁿ tio̍h tùi thiⁿ lâi ū tōasiaⁿ tùi in kóng, "Khílâi chia! " In chiū tī tùite̍k ê ba̍kchiu chêng chē hûn chiūⁿthiⁿ. 13 Tú hitsî hoatseng tōa tē tāng, hitchō siâⁿ tó cha̍phūn chiit, inūi tē tāng síkhì ê ū chhitchheng lâng. Kîtha ê lâng tōa tio̍hkiaⁿ, kui êngkng hō͘ thiⁿténg ê SiōngChú. 14 Tē jī ê chaihō íkeng kòekhì, tē saⁿ ê chaihō liâmpiⁿ kàu.

Tē chhit Ki Latpah
15 Tē chhitê thiⁿsài chi̍tē pûn latpah, thiⁿténg ū tōa ê siaⁿ teh kóng, "Sèkan ê kok chiâⁿchò lán ê SiōngChú kah I ê Kitok ê koktō͘. I beh chòông kàu tāitāi bô chīn. 16 Tī SiōngChú bīnchêng chē tī in chōūi ê jīcha̍psìê tiúⁿló, bīn phak lo̍hkhì kèngpài SiōngChú, 17 kóng, "Hiānchāi chûnchāi, chá to̍h chûnchāi choânlêng ê Chú SiōngChú, goán kámsiā Lí, inūi Lí íkeng chiángkoân lâi chò ông. 18 Lia̍tkok tōa siūkhì, Lí mā tōa siūkhì. Sílâng siū símphòaⁿ ê sîkî kàu à. Lí ê lô͘po̍k chiūsī hiahê sianti, kah chèng sìntô͘ íki̍p kèngùi Lí ê miâ ê, bôlūn tōasè, lí pòsiúⁿ in ê sîkî kàu à. Pāihoāi tāitē ê lâng siū Lí húibia̍t ê sîkî kàu à." 19 Tī thiⁿténg SiōngChú ê sèngtiān chiū khui. Sèngtiān lāibīn I ê iokkūi khòaⁿ hiānhiān. Sòa lo̍hlâi ū sihnà, hiángsiaⁿ, lûi tân, tē tāng kah tōapha̍uh.