《巴克禮普世版聖經（試讀本）》

 | | | 轉寄

巴克禮普世版（試讀本） 啟示錄第十五章

作者 巴克禮普世版小組 2017.04.17

Tòalâi Chòeāu Chaihō ê Thiⁿsài
1 Jiânāu góa koh khòaⁿ tio̍h lēnggōa chi̍tê tōa koh kîkoài ê tiāuthâu tī thiⁿténg, chiūsī ū chhitê thiⁿsài teh chiángkoán chhithāng chaihō. Chiahê sī chòeāu ê chaihō, inūi SiōngChú ê tōa siūkhì íkeng kàuke̍k à. 2 Góa koh khòaⁿ tio̍h kah hóe chham chòhóe ê polêhái, mā ū khòaⁿ tio̍h hiahê teksèng ê lâng, chiūsī hiahê thoatlī béngsiù kah i ê chōsiōng íki̍p ēng sò͘jī tāipiáu in ê miâ ê lâng. In khiā tī polêhái, ta̍klâng ê chhiú lóng the̍h chi̍tki SiōngChú hō͘ in ê khiākhîm. 3 In teh chhiùⁿ SiōngChú ê lô͘po̍k Mô͘se ê koa kah Iûⁿko ê koa, kóng, "Chú, choânlêng ê SiōngChú, Lí ê chokûi úitāi koh kîbiāu. Bānbîn ê Ông, Lí ê tōlō͘ konggī koh chinsi̍t. 4 Chú ah, símmi̍h lâng káⁿ m̄ kèngùi Lí, káⁿ bô êngkng lí ê miâ? Inūi chíū lí sī sèng, lia̍tkok lóng beh lâi Lí ê bīnchêng kèngpài Lí, inūi chènglâng lóng ū khòaⁿ tio̍h Lí konggī ê chokûi. 5 Chiahê tāichì liáuāu, góa koh khòaⁿ tio̍h thiⁿténg sèngtiān ê mn̂g phahkhuikhui, lāibīn ū SiōngChú lîmchāi ê hōebō͘. 6 Chiángkoán chòeāu chhitê chaihō ê chhitê thiⁿsài tùi sèngtiān chhutlâi, chhēng chhengkhì koh kngiàⁿiàⁿ ê iùmôapò͘saⁿ, hengkhám hâ kimtòa. 7 Sìchiah oa̍hmi̍h ê chi̍tchiah chiong chhitê kimóaⁿ hō͘ hit chhitê thiⁿsài, lāibīn témóa éngoán oa̍hteh ê SiōngChú ê tōa siūkhì. 8 Sèngtiān lāibīn chhiongmóa SiōngChú ê êngkng kah koânlêng chhèng chhutlâi ê ian. Itti̍t kàu chhitê thiⁿsài ê chhithāng chaihō kiatsok íchêng, bô lâng ē tàng ji̍pkhì sèngtiān.