《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第二十一章

作者 巴克禮普世版小組 2013.09.01

Kóaⁿhū ê Hōnghiàn (Mk 12:4144)
1 Iâso͘ gia̍h thâu khòaⁿ tio̍h hógia̍hlâng chiong in ê hiànkim hiat lo̍hkhì hiànkimsiuⁿ. 2 Koh khòaⁿ tio̍h chi̍tê sànchhiahê kóaⁿhū chiong nn̄gê tângchîⁿ'á hiat lo̍hkhì. 3 Iâso͘ kóng, " Góa si̍tchāi kā lín kóng, chitê sànchhiahê kóaⁿhū só͘ hiàn ê pí kîtha chènglâng só͘ hiàn ê khahchē. 4 Inūi kîtha chènglâng sī tùi in só͘ chhun ê hiat lo̍hkhì hiàn, m̄ koh chitê hūjînlâng suijiân chin sàn, iáukoh chiong sengoa̍hhùi choânpō͘ hiàn lo̍hkhì."

Iâso͘ Īgiân sèngtiān Siū Húihoāi (Mt 24:12; Mk 13:12)
5 Ūlâng teh kóngkhí, sèngtiān sī ēng hó chio̍h kah só͘ hiàn ê mi̍h lâi chonghông. Hit sî Iâso͘ kóng, 6 " Lín teh khòaⁿ chiahê itchhè, ji̍tchí beh kàu, tī chia bô kah chi̍ttè chio̍h ē siotha̍h, lóng ē tó kah pêⁿpêⁿpêⁿ."

Chailān kah Pekhāi (Mt 24:314; Mk 13:313)
7 Bûntô͘ mn̄g Iâso͘ kóng, " Lāusu ah, chiahê tāichì tangsî ē hoatseng? Koh chiahê tāichì beh hoatseng chìnchêng, ū siáⁿmi̍h tiāuthâu?" 8 Iâso͘ kóng, " Tio̍h kínsīn, m̄ thang khì hō͘ lâng bêhe̍k, inūi ē ū chinchē lâng līiōng Góa ê miâ lâi kóng, ' Góa chiūsī Kitok'; koh kóng, ' Sîki tehbeh kàu à'. Lín m̄ thang tòe in khì. 9 Lín ē thiaⁿ tio̍h kauchiàn kah jiáuloān ê tāichì, hit sî lín m̄ bián tio̍hkiaⁿ, inūi chiahê tāichì ittēng ē tāiseng hoatseng, m̄ koh boa̍tji̍t bē sûisî kàu." 10 Iâso͘ kèsio̍k kā in kóng, " Bîncho̍k ē khílâi kongkek bîncho̍k, kokka mā ē khílâi kongkek kokka. 11 Ū tōa tē tāng, mā chinchē só͘chāi ū kihng kah une̍k; koh ū tùi thiⁿténg lâi thang kiaⁿ ê kéngsiōng kah tōa ê sînjiah. 12 Chiahê tāichì hoatseng chìnchêng, lâng ē hē chhiú kā lín lia̍h, kā lín pekhāi, koh kā lín kau hō͘ hōetn̂g kah kaⁿga̍k. Lín mā ē ūi tio̍h Góa ê iânkò͘ hō͘ lâng lia̍h khì kunông kah chóngtok ê bīnchêng. 13 Che sī lín chò kiànchèng ê kihōe. 14 Só͘í lín tio̍h simchì lia̍h hō͘ tiāⁿ. M̄ bián seng chhauhoân beh ánchóaⁿ piānkái. 15 Inūi Góa ē siúⁿsù lín kháuchâi kah tìhūi, hō͘ lín ê tùite̍k lóng bē tàng tùikhòng kah piānpok. 16 Liân lín pē bú, hiaⁿtī, chhinchiâⁿ, pêngiú mā ē kā lín chhutbē, lín tiongkan ūlâng ē hō͘ in hāisí. 17 Lín inūi Góa ê iânkò͘ ē hō͘ chènglâng oànhūn. 18 M̄ koh lín liân chi̍t ki thâumn̂g mā bē sitlo̍h. 19 Lín tio̍h jímnāi kàuté, chiah ē tit tio̍h oa̍hmiā."

Īgiân Iâlō͘satléng ê Bia̍tbông (Mt 24:1521; Mk 13:1419)
20 " Lín nā khòaⁿ tio̍h Iâlō͘satléng hō͘ kunpeng pauûi ê sî, chiū chai chitê siâⁿ tehbeh bia̍tbông ā. 21 Hit sî tī Iûthàiséng ê lâng tio̍h tôcháu khì soaⁿni̍h, tī siâⁿlāi ê lâng tio̍h chhutlâi, tī chngkha ê lâng m̄ thang ji̍pkhì chitê siâⁿlāi. 22 Inūi che sī 'Hênghoa̍t ê Ji̍tchí', sī beh ènggiām Sèngkeng só͘ kìchài ê itchhè. 23 Tī hiahê ji̍tchí, ū sinīn kah hō͘ eⁿ'á chia̍hleng ê hūjînlâng chin puthēng, inūi ū tōa chailān tehbeh lîmkàu chitê tē hng. SiōngChú ê tōa siūkhì mā tehbeh lîmkàu chiahê jînbîn. 24 In ē hō͘ tokiàm thâisí, mā ē hō͘ lâng lia̍h khì sèkài kokkok. Iâlō͘satléng beh hō͘ Gōapanglâng thúnta̍h, ti̍t kàu gōapang chiàmniá ê kîhān móa."

Jînchú ê Kànglîm (Mt 24:2931; Mk 13:2427) 25 " Tī thiⁿténg, ji̍t, goe̍h kah chheⁿ lóng ē hiánchhut tiāuthâu, tī tē chiūⁿ bānbîn inūi háiéng hōahōaháu, lâi kiaⁿhiâⁿ putan. 26 Lâng inūi chit sèkài tehbeh hoatseng ê tāichì kiaⁿ kah hūnkhì, inūi thiⁿténg ê kngthé lóng ē iôtāng. 27 Hit sî, lâng ē khòaⁿ tio̍h Jînchú chhiongmóa koânlêng kah tōa êngkng, chē hûn kànglîm. 28 Chiahê tāichì tehbeh hoatseng ê sî, lín tio̍h gia̍hthâu théngheng, inūi lín ê titkiù tehbeh kàu ā."

Bûhoakóchhiū ê Kàsī (Mt 24:3235; Mk 13:2831)
29 Iâso͘ koh ēng phìjū kā in kóng, " Lín khòaⁿ bûhoakóchhiū kah só͘ū ê chhiū. 30 Lín chi̍tē khòaⁿ tio̍h chiahê chhiū teh puhíⁿ, chiū chai hē thiⁿ tehbeh kàu à. 31 Chhinchhiūⁿ ánne, lín khòaⁿ tio̍h chiahê tiāuthâu hoatseng ê sî, chiū chai SiōngChú Koktō͘ tehbeh kàu à. 32 Góa si̍tchāi kā lín kóng, chit sètāi iáubōe kòekhì, chiahê tāichì lóng ē hoatseng. 33 Thiⁿ kah tē ē siausit, m̄ koh Góa ê ōe choa̍ttùi bē siausit."

Tio̍h Kínsīn
34 " Lín kakī tio̍h kínsīn! M̄ thang hō͘ lín ê sim ūi tio̍h thamchia̍h, chiúchùi kah chit sèkan ê chhauhoân lâi hunbê, inūi sèkài ê boa̍tji̍t ē hutjiânkan lâilîm. 35 Chhinchhiūⁿ oa̍htauh'á pia̍k chi̍tē, chiū lâikàu choân sèkài lâng só͘ tòa ê ta̍k só͘chāi. 36 Só͘í lín tio̍h ta̍k sî kéngséng kîtó, kîkiû SiōngChú hō͘ lín ū khùila̍t siámphiah itchhè tehbeh hoatseng ê tāichì, lâi tī Jînchú ê bīnchêng khiā chāichāi." 37 Chit kúi ji̍t, Iâso͘ ji̍tsî tī sèngtiān kàsī lâng, àmsî chiū chhutkhì hitê Kannásoaⁿ kòemê. 38 Chènglâng lóng thàuchá chiū khì sèngtiān thiaⁿ Iâso͘ kóng tōlí.