《聖經故事三字詩》

 | | | 轉寄

17. Cha̍pkài .... 十誡

作者 Tân Chhengchùn 2009.05.17

Senái soaⁿ, cha̍pkài pôaⁿ,
西乃山，十誡盤，
Chio̍hpī phòa, têngchài ōaⁿ;
石碑破，重再換，
Khèiok toaⁿ, hēnghok chôaⁿ.
契約單，幸福泉，
Itseng phōaⁿ, Sîn kàm khòaⁿ,
一生伴，神鑒看；

Siōngtè chin, îit Sîn;
上帝真，唯一神，
Ké sîn jīn, kúi hù sin;
假神認，鬼附身；

Tiaukhek mi̍h, bo̍h pài i,
雕刻物，莫拜它，
Thiⁿ tē ni̍h, siū chō mi̍h,
天地裡，受造物，
Ba̍k kàì, bo̍h bêkhì;
目合意，莫迷去；

Sèng miâjī, chheng, sòejī;
聖名字，稱、細膩，
Chiùchōa kí, bô kèngì,
咒詛指，無敬意，
“Sī” chiū “Sī”, khak iâⁿ chhì;
「是」就「是」，較嬴試；

Anhiohji̍t, siú sêngsi̍t,
安息日，守誠實，
Chhit hioh it, simsîn ti̍t;
七息一，心神直；

Kèng pē bú, bô͘hoān chú,
敬父母，模範子，
Thiⁿ siúⁿsù, hèsiū kú,
天賞賜，歲壽久，

Bo̍h sat jîn, sìⁿmiā tin,
莫殺人，性命珍，
Thiàⁿ bōng sìn, sī chúnchîn,
愛望信，是準繩；

Bo̍h kanîm, sèngio̍k jím,
莫姦淫，性慾忍，
Hūlú chim, khí io̍k sim,
婦女唚，起慾心，
Hun gōa kìm, huhū (tì)ìm;
婚外禁，夫婦蔭；

Bo̍h thauthe̍h, chòe chhengpe̍h,
莫偷竊，做清白，
Ū jînkeh, ū khìcheh,
有人格，有氣節；
Sòehàn pû, tōahán gû,
細漢瓢，大漢牛，
Kaⁿlô ku, kiànsiàu sū;
監牢居，見誚事；

Ké kanchèng, bo̍h tit ēng,
假干證，莫得用，
Chin ké chheng, goânchek kèng;
真假清，原則敬；

Bo̍h thamsim, io̍kliām chhim,
莫貪心，慾念深，
Îm, tó͘, lim, kài sī kim;
淫賭飲，戒是金；
Lí góa chêng, hūnpia̍t bêng,
你我情，分別明，
Kong su sèng, sisi chheng.
公私性，絲絲清。