《押韻啟應詩篇》

 | | | 轉寄

台語押韻啟應詩篇 86

作者 Tīⁿ Jîgio̍k 2007.09.30

86　　Tāipi̍t ê kîtó .

1a　Iâhôhoa ah , kiû Lí àⁿ hīkhang thiaⁿ góa;
　　耶 和 華 啊，求 你 俯 耳 孔 聽 我；

1b　　　Inūi góa sī khùnkhó͘ sònghiongê , bô i óa .
　　　　因 為 我 是 困 苦 貧 窮 的，無 依 倚。

2a　Kiû Lí póchûn góa ê sìⁿmiā khinsang,
　　求 你 保 存 我 的 性 命 輕 鬆 ，

2b　　　Inūi góa sī khiânsêng ê lâng.
　　　　因 為 我 是 虔 誠 的 人。

2c　Góa ê Siōngtè ah , Lí ê lô͘po̍k óakhò Lí ;
　　我 的 上 帝 啊，你 的 奴 僕 倚 靠 你；

2d　　　Kiû Lí chínkiù i .
　　　　求 你 拯 救 他。

3a　Chú ah, kiû Lí lînbín góa bô lī ,
　　主 啊，求 你 憐 憫 我 無 離，

3b　　　Inūi góa thongji̍t kiûkiò Lí .
　　　　因 為 我 通 日 求 叫 你。

4a　Chú ah , kiû Lí hō͘ Lí ê lô͘po̍k sim hoaⁿhí ;
　　主 啊，求 你 使 你 的 奴 僕 心 歡 喜；

4b　　　Inūi góa ēng góa ê sim gióngbōng Lí .
　　　　因 為 我 用 我 的 心 仰 望 你。

5a　Chú ah , in ūi Lí sī hó , hoaⁿhí siàbián lâng;
　　主 啊， 因 為 你 是 好，歡 喜 赦 免 人；

5b　　　Ū hongsēng ê chûài , siúⁿsù hoānnā kiûkiò Lí ê lâng.
　　　　有 豐 盛 的 慈 愛，賞 賜 凡 若 求 叫 你 的 人。

6a　Iâhôhoa ah , góa ê kî tó kiû Lí àⁿ hīkhang thiaⁿ;
　　耶 和 華 啊，我 的 祈 禱 求 你 俯 耳 孔 聽；

6b　　　Àⁿlo̍h thiaⁿ góa khúnkiû ê siaⁿ.
　　　　俯 落 聽 我 懇 求 的 聲。

7a　Tī góa hoānlān ê ji̍t , beh kiûkiò Lí ;
　　在 我 患 難 的 日，要 求 叫 你；

7b　　　Lí beh ìn góa bô thesî .
　　　　你 要 應 我 無 推 辭。

8a　Chú ah , chiahê sînbêng ê tiongkan, bô chi̍tê ōe pí tit Lí ;
　　主 啊，諸 些 神 明 的 中 間， 無 一 個 會 比 得 你；

8b　　　Lí ê só͘ chòe ia̍h bô thang pí .
　　　　你 的 所 做 亦 無 通 比。

9a　Chú ah , Lí só͘ chō ê bānpang
　　主 啊，你 所 造 的 萬 邦
　　lóng beh lâi phakpài tī Lí ê bīnchêng;
　　攏 要 來 仆 拜 在 你 的 面 前；

9b　　　In ia̍h beh êngkng Lí ê miâ bô thêng.
　　　　伊 亦 要 榮 光 你 的 名 無 停 。

10a　In ūi Lí chòe tōa, koh kiâⁿ kîbiāuê ;
　　　因 為 你 做 大，又 行 奇 妙 的；

10b　　　Chíū Lí sī Siōngtè .　　 　　
　　　只 有 你 是 上 帝。

11a　Iâhôhoa ah , kiû Lí chiong Lí ê tō lō͘ chísī góa chaiiáⁿ;
　　　耶 和 華 啊，求 你 將 你 的 道 路 指 示 我 知 影；

11b　　　Góa beh chiàu Lí ê chinlí lâi kiâⁿ;
　　　　　我 要 照 你 的 真 理 來 行；

　　　　HŌ͘ GÓA CHOAⁿIT Ê SIM KÈNGÙI KÍ Ê MIÂ.
　　　　　使 我 專 一 的 心 敬 畏 你 的 名。

12a　Chú, góa ê Siōngtè ah , góa beh choânsim oló Lí ;
　　　主， 我 的 上 帝 啊，我 要 全 心 讚美 你；

12b　　　Góa beh kàu éngoán êngkng Lí ê miâjī .
　　　　　我 要 到 永 遠 榮 光 你 的 名 字。

13a　Inūi Lí tùi góa hoatchhut tōa ê chûài ,
　　　因 為 你 對 我 發 出 大 的 慈 愛，

13b　　　Lí kiù góa ê sìⁿmiā bián lo̍h imkan ê chhimkài .
　　　　　你 救 我 的 性 命 免 落 陰 間 的 深 界。

14a　Siōngtè ah , kiaungō͘ ê lâng khílâi kongkek góa ;
　　　上 帝 啊，驕 傲 的 人 起 來 攻 擊 我；

14b　　　Koh ū kiôngpō ê tóng siàusiūⁿ góa ê sìⁿmiā bô soah,
　　　　　又 有 強 暴 的 黨 數 想 我 的 性 命 無 息，
　　　　　Tī in ê bīnchêng, in bô kènghōng Lí chūkhoa.
　　　　　在 伊 的 面 前 ， 伊 無 敬 奉 你 自 誇。

15a　Chú ah , Lí sī jînchû untián ê Siōngtè ;
　　　主 啊， 你 是 仁 慈 恩 典 的 上 帝；

15b　　　Bô khoàikhoài hoat sèngtē ,
　　　　　無 快 快 發 性 地，
　　　　　koh ū hongsēng ê chûài kap sêngsi̍t tī Lí ê pótē .
　　　　　復 有 豐 盛 的 慈 愛 及 誠 實 在 你 的 寶 袋。

16a　Kiû Lí oa̍tkèlâi khòaⁿ góa, khólîn góa;
　　　求 你 越 過 來 看 我， 可 憐 我；

16b　　　Chiong Lí ê khùila̍t siúⁿsù Lí ê lô͘po̍k bô soah,
　　　　　將 你 的 氣 力 賞 賜 你 的 奴 僕 無 息，

　　　　KIÙ LÍ Ê LÚPĪ Ê KIÁⁿ HŌ͘ GÓA OA̍H.
　　　　　救 你 的 女 婢 之 子 使 我 活。

17a　Kiû Lí hiánchhut góa untián ê pînkù hō͘ lâng khòaⁿ,
　　　求 你 顯 出 我 恩 典 的 憑 據 使 人 看 ，

17b　　　Hō͘ oànhūn góa ê lâng khòaⁿkìⁿ lâi kiànsiàu cháu sóa,
　　　　　使 怨 恨 我 的 人 看 見 來 見 誚 走 徙，

　　　　IⁿŪI IÂHÔHOA LÍ PANGCHĀⁿ GÓA, AⁿÙI GÓA.
　　　　　因 為 耶 和 華 你 幫 助 我， 安 慰 我。