《押韻啟應詩篇》

 | | | 轉寄

台語押韻啟應詩篇 85

作者 Tīⁿ Jîgio̍k 2007.09.23

85　　Khóla̍h ê hō͘è ê si; kau hō͘ Ga̍kkoaⁿ.

1a　Iâhôhoa ah , Lí í keng siun tī Lí ê tōekài,
　　耶 和 華 啊， 你 已 經 施恩 在 你 的 地 界，

1b　　　Ngákok siūlia̍h ê lâng, Lí kiù i tòlâi .
　　　　雅 各 受 掠 的 人， 你 救 他 返 來。

2a　Lí siàbián Lí ê pehsìⁿ ê chōeok,
　　你 赦 免 你 的 百 姓 的 罪 惡，

2b　　　Lí jiakhàm in itchhè ê chōekòa, siūkhì iā kiatsok.
　　　　你 遮 蓋 伊 一 切 的 罪 過， 怒 氣 也 結 束。

3a　Lí siuhôe Lí itchhè ê siūkhì,
　　你 收 回 你 一 切 的 怒 氣，

3b　　　Soah Lí bénglia̍t ê lō͘khì.
　　　　息 你 猛 烈 的 怒 氣。

4a　Kiù goán ê Siōngtè ah, kiû Lí hō͘ goán tòtńg,
　　救 阮 的 上 帝 啊，求 你 使 阮 返 轉，

4b　　　Soah Lí ǹg goán ê siūkhì bô koh kā goán sǹg.
　　　　息 你 向 阮 的 怒 氣 無 復 給 阮 算。

5a　Lí beh siūkhì goán kàu éngoán mah?
　　你 要 怒 氣 阮 到 永 遠 嗎？

5b　　　Lí beh chiong Lí ê siūkhì lâu kàu bāntāi mah?
　　　　你 要 將 你 的 怒 氣 留 到 萬 代 嗎？

6a　Lí kiám m̄ koh chiong goán kiù oa̍h mah?
　　你 豈 不 又 將 阮 救 活 嗎？

6b　　　Hō͘ Lí ê pehsìⁿ inūi Lí lâi hoaⁿhí mah?
　　　　使 你 的 百 姓 因 為 你 來 歡 喜 嗎？

7a　Iâhôhoa ah, kiû Lí hō͘ goán khòaⁿkìⁿ Lí ê chûài ;
　　耶 和 華 啊，求 你 使 阮 看 見 你 的 慈 愛；

7b　　　Koh chiong Lí ê kiùun siúⁿsù goán chittāi.
　　　　復 將 你 的 救 恩 賞 賜 阮 此 代。

8a　Góa goān thiaⁿ Choânlêng ê Iâhôhoa só͘ beh kóng ê tāichì,
　　我 願 聽 全 能 的 耶 和 華 所 要 講 的 事 情，

8b　　　In ūi I beh kóng pêngan ê sèngchí.
　　　　因 為 祂 要 講 平 安 的 聖 旨。

8c　I beh tùi I ê pehsìⁿ,
　　祂要 對 祂 的 百 姓，
　　kap oa̍h tī I ê chûài ê chúbîn chhutsiaⁿ,
　　及 活 在 祂 的 慈 愛 的 子 民 出 聲，

8d　　　Hō͘ in m̄ thang koh khì lāmsám kiâⁿ.
　　　　使 伊 不 通 又 去 濫 糝 行。

9a　I ê kiùun si̍tchāi kūn tī kiaⁿùi I ê lâng;
　　祂 的 救 恩 實 在 近 在 驚 畏 祂 的 人；

9b　　　Hō͘ êngkng tiàmtī lán ê kénglāi ta̍kkang.
　　　　使 榮 光 站 在 咱 的 境 內 逐 工。

10a　Chûài kap chinsi̍t saⁿ tú tio̍h;
　　　慈 愛 及 真 實 相 遇 著；

10b　　　Konggī kap pêngan saⁿ chim tio̍h. 　　
　　　公 義 及 平 安 相 親 著。

11a　Chinsi̍t tùi tōeni̍h hoatsiⁿ chhutlâi,
　　　真 實 對 地 裡 發 生 出 來，

11b　　　Konggī tùi thiⁿ khòaⁿlo̍hlâi .
　　　　　公 義 對 天 看 落 來。

12a　Iâhôhoa beh siúⁿsù hómi̍h hō͘ lán,
　　　耶 和 華 要 賞 賜 好 物 給 咱，

12b　　　Lán ê thó͘tōe beh chhut i ê thó͘sán,
　　　　　咱 的 土 地 要 出 它 的土 產，

13a　Konggī beh kiâⁿ tī I ê thâuchêng,
　　　公 義 要 行 在 祂 的 頭 前 ，

13b　　　Hō͘ I ê khajiah chiâⁿchòe lō͘ bêngbêng.
　　　　　使 祂 的 腳 跡 成 做 路 明 明。