《Lahjih寓言》

 | | | 轉寄

045_chhiám, 羊mé'á bih tiàm牛牢內

作者 蕭平治, 漢羅Ruby版處理：Lîm Chùnio̍k 2020.11.08



chi̍t(一) chiah(隻) iûⁿ(羊) mé'á，hō͘ káuhîm(狗 熊) jiok kah cháu(走) bô(無) lō͘(路) ， kóaⁿkín(趕 緊) nǹg ji̍pkhì(入 去) bahgû(肉牛) ê gû(牛) 牢 lāi(內) ， chi̍t(一) chiah(隻) bahgû(肉牛) hósim(好 心) kā i(牠) kéngkò(警 告) ：「Ná ē chiahnih gōng(戇) ， pa̍tūi(別位) m̄ bih，soah bih tùi gûihiám(危 險) ê só͘chāi(所 在) lâi(來) ？」

iûⁿ(羊) mé'á kóng(講) ：「Hō͘ góa(我) chiāmsî(暫 時) bih chi̍t.ē(一下) ， bô(無) iàukín(要 緊) lah！」

lēnggōa(另 外) chi̍t(一) chiah(隻) bahgû(肉牛) thêchhut(提 出) kéngkò(警 告) ：「 sui(雖) bóng goán(阮) boeh kā lí(你) iámhō͘(掩 護) ，m̄ koh tán(等) goán(阮) chúlâng(主 人) nā(若) lâi(來) ， lí(你) to̍h chai(知) tāi。」

iûⁿ(羊) mé'á iûgoân(猶 原) bô(無) káipiàn(改 變) ：「 bô(無) iàukín(要 緊) lah， kàusî(到時) góa(我) chiah līkhui(離 開) 。」 saⁿ(三) kóng(講) sì(四) kóng(講) ， chúlâng(主 人) lâi(來) ā：「Tó ūi(位) cháulâi(走 來) ê iûⁿ(羊) mé'á， kóaⁿkín(趕 緊) kā lia̍h(掠) lâi(來) thâi。」

㊣ gū ì(寓意) ： tôseng(逃 生) tio̍h chimchiok(斟 酌) ，m̄ thang ūi(為) tio̍h chi̍tsî(一時) ê anchoân(安 全) ，soah bē kìtit(記得) lēnggōa(另 外) chi̍t(一) chióng(種) chaihāi(災 害) 。

註解：
羊mé'á：羊á
nǹg入去（nǹg.ji̍pkhì）：[鑽進去]
ná ē chiahnih戇（哪會遮爾gōng）：[怎麼那麼笨]
別位（patūi）：[別處]
知代（chaitāi）：[知道事情⋯嚴重性]
thâi（刣）：[宰殺]
斟酌（chimchiok）：[小心謹慎]