《Lahjih寓言》

 | | | 轉寄

049_chhiám, 風kah日頭相輸

作者 蕭平治, 漢羅Ruby版處理：Lîm Chùnio̍k 2020.12.06


hong(風) bîbî(微微) á chhoe(吹) sī(是) chiok sóngkhoài(爽 快) ， hong(風) nā(若) piàⁿmiā(拚 命) chhoe(吹) ，ē kiaⁿ(驚) sí(死) lâng(人) ； ji̍tthâu(日 頭) chhiō kng(光) sàng(送) unloán(溫 暖) ， kôaⁿ.lâng(寒 人) ji̍tkng(日光) chin(真) sio(燒) 烙， joa̍h.lâng(熱 人) iām(炎) thiⁿ(天) chhiah(赤) ji̍tthâu(日 頭) ，hō͘ lâng(人) chhàu(臭) kōaⁿ(汗) itti̍t(一直) lâu(流) 。

ū(有) chi̍t(一) kang(工) ， hong(風) chio(招) ji̍tthâu(日 頭) sio(相) su(輸) ， khòaⁿ(看) siáng ê uile̍k(威力) khah līhāi(厲害) ，in soán(選) chi̍tê(一个) kòelō͘(過路) lâng(人) chò(做) bo̍kpiau(目 標) ， khòaⁿ(看) siâng ū(有) hoattō͘(法 度) hō͘ i(伊) kā saⁿ(衫) 褪 tiāu(掉) 。

hong(風) bîbî(微微) á chhoe(吹) ， kòelō͘(過路) lâng(人) saⁿ(衫) bô(無) liú(鈕) ， kámkak(感 覺) chiâⁿ sóngkhoài(爽 快) 。 hong(風) khaisí(開 始) thàu(透) tōahong(大 風) ， kòelō͘(過路) lâng(人) kóaⁿkín(趕 緊) kā saⁿliú(衫鈕) liú(鈕) hō͘ hó(好) 。M̄ siànsiàⁿ， hong(風) kohkhah chhutla̍t(出 力) chhoe(吹) ， chhinchhiūⁿ(親 像) chò(做) hongthai(風 颱) ， kòelō͘(過路) lâng(人) soah cháu(走) tńg khì(去) tha̍h chi̍t(一) niá(領) gōathò(外 套) ，thoah liān(鏈) thoah ânân，sian chhoe(吹) to(都) chhoe(吹) bē lo̍h.lâi(落來) 。

Koh lâi(來) ， ōaⁿ(換) ji̍tthâu(日 頭) tián(展) kanghu(功 夫) ， ji̍tthâu(日 頭) tiánkhui(展 開) chhiòiông(笑 容) ， untō͘(溫度) chiāmchiām(漸 漸) sio(燒) 烙， kòelō͘(過路) lâng(人) kā gōathò(外 套) thǹg tiāu(掉) 。 ji̍tthâu(日 頭) kng(光) ná lâi(來) ná iām(炎) ， kòelō͘(過路) lâng(人) khaisí(開 始) lâukōaⁿ(流 汗) ， untō͘(溫度) ná koân， kōaⁿ(汗) soah chho̍pchho̍ptin，kuikhì kā saⁿ(衫) thǹg tiāu(掉) ， hiámhiám(險 險) á kā lāikhò͘(內褲) mā thǹg tiāu(掉) ，to̍h thiàu(跳) lo̍h.khì(落去) chúitî(水池) siûchúi(泅 水) 。

㊣ gū ì(寓意) ： pàtō(霸道) kiôngpek(強 迫) bô(無) ittēng(一 定) ē iâⁿ(贏) ， tiánhiān(展 現) si̍tle̍k(實力) 、 jia̍tchêng(熱 情) chiah sī(是) púnténg(本 等) 。

註解：
微微á（bîbî'á）：[稍微、一點點]
燒烙（siolo̍h）：[溫暖]
寒人（kôaⁿ.lâng）：[冬天]
熱人（joa̍h.lâng）：[夏天]
相輸（siosu）：[打賭、比輸贏]
誰（chiâ）：[誰]
hō͘伊kā衫褪掉（予i 共saⁿ thǹgtiāu）：[讓他將衣服脫掉]
衫無鈕（saⁿ bô liú）：[上衣鈕釦沒釦]
M̄ siànsiàⁿ（毋信聖）：[不信邪]
tha̍h一領外套（疊chi̍tniá gōathò）：[加穿一件外套]
thoah鏈thoah ânân（挩liān挩絚絚）：[拉鍊拉緊]
ná來ná炎（那lâi那iām）：[越來越炎熱]
chho̍pchho̍ptin（嘈嘈滴）：[滴滴答答滴個不停]
kui氣（規氣）：[乾脆]
險險á（hiámhiám'á）：[差一點點]
本等（púnténg）：[本領、本事]