《Lahjih寓言》

 | | | 轉寄

209chiam, 牛蜂

作者 蕭平治, 漢羅Ruby版處理：Lîm Chùnio̍k 2020.03.01





gûphang(牛 蜂) ho͘ⁿho͘ⁿ kiò(叫) ，iāⁿiāⁿ poe(飛) ， bô(無) lâng(人) chhiáⁿ(請) ，kakī poe(飛) lâi(來) gû(牛) sengkhu(身 軀) ， bián(免) khehkhì(客 氣) ，kā ui lo̍h.khì(落去) to̍h sī(是) ； gû(牛) sī(是) hó(好) sèngtē(性 地) ，bē khamtit(堪 得) hoân(煩) ， bóeliu(尾溜) tòngchò(當 做) bángsut'á itti̍t(一直) sut， gûphang(牛 蜂) to̍h sī(是) bē giàn cháu(走) ，kantaⁿ sóa ūi(位) kèsio̍k(繼 續) tèng(釘) ，suh hoeh(血) biánchîⁿ(免 錢) chia̍h(食) kàu(到) pá(飽) 。

gûhiaⁿ(牛 兄) chhutsiaⁿ(出 聲) ：「 kóaⁿkín(趕 緊) poe(飛) khì(去) pa̍tūi(別位) thóchia̍h(討 食) ，chia sī(是) chin(真) gûihiám(危 險) ， tán(等) chi̍t.ē(一下) chhīgû(飼 牛) gín'á nā(若) lâi(來) ，lín sī(是) ē bô(無) miā(命) 。」

gûphang(牛 蜂) m̄ siànsiàⁿ：「 gûhiaⁿ(牛 兄) chiah tōa(大) phiāng，kā lí(你) thiu(抽) chi̍tsut(一 屑) á hoeh(血) ，ná tio̍h chiah kèkàu(計較) 。」

gûhiaⁿ(牛 兄) hó(好) sèngtē(性 地) ：「 sûichāi(隨 在) lí(你) tèng(釘) ， sûichāi(隨 在) lí(你) khip(吸) ， sī(是) bô(無) iàukín(要 緊) ， hoânló(煩 惱) è sī(是) liâmpiⁿ lín ē chi̍t(一) chiah(隻) chi̍t(一) chiah(隻) sí(死) khiàukhiàu(翹 翹) 。」

chóng.sī(總 是) ， gûphang(牛 蜂) ūi(為) tio̍h suh hoeh(血) ， bô(無) kò͘(顧) itchhè(一 切) ， chhīgû(飼 牛) gín'á lâi(來) ， chi̍t(一) ki(支) hô͘sîn(胡 蠅) ho̍p'á itti̍t(一直) pia̍kpia̍k háu(哮) ， cháu(走) bô(無) lī(離) ê lóng liàn lo̍h(落) thô͘(土) kha sí(死) khiàukhiàu(翹 翹) 。

㊣ khésī(啟示) ： lâng(人) ūi(為) châi(財) sí(死) ， chiáu(鳥) ūi(為) chia̍h(食) bông(亡) 。 gûphang(牛 蜂) ūi(為) tio̍h suh hoeh(血) bô(無) miā(命) 。

註解：
牛蜂（gûphang）：[牛虻]
iāⁿiāⁿ飛（iāⁿiāⁿpoe）：[胡亂飛揚]
ui落去（ui lo̍h.khì）：[螫下去]
bángsut'á：[用來驅除蚊蠅的用具，狀似拂塵]
bē giàn（袂癮）：[不願意]
sóa位（sóaūi）：[移位]
m̄ siànsiàⁿ：[就是不相信]
大phiāng（tōa phiāng）：[大塊頭。形容人的身材高大]
ná tio̍h（哪tio̍h）：[何必]
liâmpiⁿ（連鞭）：[馬上、等一下]
胡蠅ho̍p'á（hô͘sîn ho̍p'á）：[蒼蠅拍]
liàn落土kha（輾lo̍h thô͘kha）：[滾下地上]