《各各他e5目屎--苦難得安慰》

 | | | 轉寄

生氣ê食客

作者 紀福讚 2006.03.12

清早時，耶穌ùi伯大尼作客tńg到耶路撒冷。行了六哩路，肚子開始teh叫。遠遠看到一欉無花果樹，樹上有葉á，想講一定是濟濟果子，可以食一頓飽。Bô tâôa chhun手去挽時，卻是空空。Iau到tòng bē tiâu，真生氣對無花果樹說：「從今以後，永遠沒有人吃你ê果子。」隔了幾天，清晨koh tùi hia經過，看見無花果連根lóng枯 â。彼得說：「拉比，請看你所咒詛ê無花果樹，已經枯 â。」（可十一1222，參太廿一1822；路十三69）。

初讀這段經文ê人，lóng感覺耶穌若一個生氣ê食客，「吃無物，khimo͘ bái」（台語）而咒詛無花果樹。因為馬可十－13特別註明「因為不是收無花果ê時候」，在不該收成ê時候，想摘食無花果，當然是空手而歸，耶穌未免siuⁿ無理取鬧。曾有人解釋：「耶穌ê無名之火，是因群眾已漸遠離伊，不聽伊ê講道，所以伊ê脾氣愈來愈大，行入聖殿，驅逐hiah ê做買賣ê人，chhia倒桌á、椅á，顯示伊ê憤怒。無花果樹枯 â了後，他iau chin得意，感覺家己能力真好（23節）。事實上，這是m̄ tio̍hê，m̄是無花果樹本身，是耶穌ê iau到tòng bē tiâu。」

但，咱若詳細來讀，無tekkhah會有無kāng ê結論。代先，咱看到，挽不tio̍h果子來生氣ê食客，可能不只耶穌一個人。馬可十一20：「看見hit欉無花果樹根枝lóng枯焦去。」。咱會問：「Ánchóaⁿ門徒看得見無花果樹ê根？」只有一個可能，就是這欉無花果樹，連根hō͘人挽起來，tī大日頭phak幾若天，根部枯 â。可能這欉無花果樹bat ho͘其他飢餓ê食客生氣，最後ho͘人連根挽起，應驗了耶穌ê話語「從今以後，永遠沒有人吃你ê果子。」

若是實際情形，咱ái問，ánchóaⁿ有人hiah憨若耶穌，tī不是收無花果ê時候，去挽無花果？Hō͘ hiah茂密ê葉á所欺騙mah？馬可十一13連續強調它有茂密ê葉子。真明顯，當地ê人都認為「有葉á，一定有果子」，所以「有葉á，沒有果子」表示是一欉bē結果子ê無花果樹。像咱台灣有一寡木瓜樹á是菜瓜，kantaⁿ會開「雄蕊」，bē結果子。因為無花果ê果實是生tī葉á下面，kap葉á同時發出來，m̄是葉á茂盛、開花了才結果。所以，「有葉一定有果」是當地人ê常識。所以耶穌遠遠看到無花果，葉á茂盛，想一定有真濟果子thang食，結果是一欉bē結果子ê無花果樹。故馬可十一13兩次強調：「有葉á」，不過「有葉á」是種「好奇」質問ê描述。

馬可十一13「因為不是收無花果ê時候」，常困擾讀經ê人。其實這句話ê了解，應是「既m̄是收成ê季節，表示樹上還有果子，iáu bē hō͘主人收割了。Koh有茂盛ê枝葉，應該有果子」。並m̄是解釋作：「不是收成ê時候，耶穌想beh挽來食，是時間m̄ tio̍h。」所以，耶穌m̄是無理取鬧ê生氣食客來咒詛無花果樹，他只是講出這欉樹ê事實：「從今以後，永遠沒有人吃你ê果子」，因為會有人受騙，hō͘人連根挽起，是因為他已發現這欉樹根本bē結果子。

對馬可福音書中這段經文ê處理，馬太與路加ê作者有不同ê手法及神學企圖。馬太廿一19記載：「He無花果樹liâmpiⁿ枯 â」。而且馬太將這段無花果事件ê段落，放在耶穌潔淨聖殿之後，（和馬可ê記載，時間上對調），是想以無花果事件來解釋耶穌潔淨聖殿ê原因。因為聖殿、無花果lóng是猶太人ê象徵，暗示猶太人會hō͘上帝棄sak，這種描寫和soah落來ê惡園戶比喻是相對映ê。如廿一41：「伊beh用惡報來滅chiahê惡人；將葡萄園租別ê佃戶，就是照時納果子ê。」及廿一45：「Chiahê祭司頭kap法利賽人聽見伊ê譬喻，知伊所講ê是指in。」馬太要強調ê是「終末立即ê審判」ê觀念。正如廿二7~8，娶親筵席比喻中，「人君受氣，差伊ê軍兵剿滅hiahê凶犯，續燒in ê城。」強調上帝liâmpiⁿ來臨ê憤怒及審判ê行動。Beh棄sak無結果子ê以色列，轉向外邦人。因「所召ê人都拒絕進入上帝ê邀請，無資格享受彌賽亞ê筵席」。

路加作者省略記載這段有爭議性ê經文，以「已經近，看見城就為tio̍h伊啼哭」（十九41）代替以及tùi猶太人ê求情，「伊beh來滅hiahê佃戶，將伊ê園交代別人。In聽見就講，莫得有ánni。」（廿16）。路加也記載一段收無花果樹ê比喻（十三6~9），強調上帝對耶路撒冷ê寬容。無因為找無tio̍h果子就馬上砍除它，是「掘土、施肥」後，期待收成。「主ah！今年且留tio̍h」是路加作者ê神學企圖，強調一種「延遲ê終末審判」及「教會當本tio̍h本分作工」。

這個無花果樹事件表示ê，不是生氣ê食客耶穌，耶穌只是說出事實。無花果樹ê枯 â，m̄是出tī耶穌立刻ê詛咒，而是一種自然ê結局。Kāng款，若約翰福音3:17~19所揭示審判ê道理：「上帝差Kiáⁿ入世間，m̄是beh審判世間；是beh hō͘世間對伊得tio̍h救。信伊ê人無受審判；m̄信ê人已經受審判，因為伊m̄信上帝獨生kiáⁿ ê名。所審判ê，就是光入世間，亦人ài暗khah過頭tī光，因為伊所行是pháiⁿ。」人ê罪，只是因耶穌來而顯明出來，m̄是耶穌定人ê罪。耶穌是beh hō͘人知罪、除罪、脫罪，m̄是帶來咒詛。Koh khah m̄是世人不聽伊，來定人ê罪，表示伊ê生氣；是世人家己ê罪kap結果，親像上帝ê憤怒；hō͘人入罪ê是人家己，m̄是上帝本身。上帝kantaⁿ帶來拯救ê道路，接受ê得生，m̄接受tio̍h沉淪；接受是得恩典，m̄接受是罪有應得。絕對m̄是上帝因憤怒而定世人ê罪。若無花果樹ê枯 â，m̄是耶穌ê憤怒；he是必然ê結局；「從今以後，永沒有人吃你ê果子」，是道出事實，並非定罪、咒詛。

這段經文，hō͘咱反省ê是，「kantaⁿ茂盛枝葉，bē tàng結果」，á「白佔土地，bē tàng hō͘主人歡喜」？若親像真濟教會經濟真好，但卻少有傳福音ê見證；真濟教會有各種屬靈ê能力，卻欠缺愛心，真濟教會講愛，卻忽略社會ê公義。

這段經文，也ho͘咱反省，咱是m̄是也犯了若門徒ê誤解，以為上帝ê憤怒帶來咱ê災厄，bē記得本身ê責任？咱若無謹慎、返轉，是m̄是也會墜入若耶路撒冷ê悲哀？耶穌說：「耶路撒冷ah！耶路撒冷ah！. . . . . . 我多次願意聚集你ê兒女，好親像雞母聚集雞á kiáⁿ tī翅股下，只是你們無願意。」(路十三34)。