《台語荒漠甘泉（漢羅版）》

 | | | 轉寄

上帝ê安慰

作者 陳清俊 譯 林俊育 漢羅翻寫 2009.08.09

listen
八月初九(八月九日)
「伊(i) ê 力(la̍t) 在(chāi) tī 你(lí)， … hit 號(hō) 人(lâng) 有(ū) 福氣(hokkhì)。 In 經過(kengkè) 流目屎(lâuba̍ksái) ê 山谷(soaⁿkok)， hō͘ 伊(i) 變做(pìⁿchoè) 水泉(chuíchoâⁿ) ê 所在(só͘chāi)。」 (詩篇84：56)

心情(simchêng) 輕鬆(khinsang) 歡喜(hoaⁿhí) ê 時(sî)， bōe hō͘ 人(lâng) 安慰(anuì)。安慰(anuì) 是(sī) 上帝(siōngtè) siōng 寶貴(pókuì) ê 禮物(lébu̍t)，beh 享受(hiángsiū) á 是(sī) 得(tit) tio̍h 這(che) 安慰(anuì) ê 恩賜(unsù)，必須(pitsu) 經歷(kengle̍k) 人生(jînseng) 感情(kámchêng) 深(chhim) ê 山谷(soaⁿkok)，體驗(thégiām) tio̍h 安慰(anuì)，然後(jiânāu) 必須(pitsu) 準備(chúnpī) kap 上帝(siōngtè) 同工(tângkang)。

暗暝(àmmî)，人生(jînseng) 所(só͘) 需要(suiàu) ê 暝(mî)，當(tng) 伊(i) ê 陰影(imiáⁿ) 罩(tà) tī 咱(lán) 靈魂(lênghûn) 園(hn̂g) ê 頂面(téngbīn)，園(hn̂g) 中(tiong) ê 葉(hio̍h) 捲起來(kńgkhílâi)，花(hoe) 合(ha̍p) 起來(khílâi)，無(bô) koh 反射(hoánsiā) 日光(ji̍tkng)。當(tng) 咱(lán) tú tio̍h siōng 烏暗(o͘àm) ê 時(sî)，會(oē) 記得(kìtit)，咱(lán)決斷(koattoàn) bōe 感覺(kámkak) 缺乏(khiàmkheh)，天頂(thiⁿténg) 潤澤(lūnte̍k) ê 甘露(kamlō͘) 只有(chíū) tī 日頭(ji̍tthâu) 落山(lo̍hsoaⁿ) 了後(liáuāu) chiah 會(oē) 降(kàng) 落來(lo̍hlâi)。

經過(kengkè) 流目屎(lâuba̍ksái) ê 谷底(kokté)，
傷悲(siongpi) 痛疼(thiàⁿthàng) ê 地(tē)，
安慰(anùi) ê 上帝(siōngtè) kap 我(góa) tīteh，
隨時(suîsî) 扶持(hûchhî)，保庇(pópì) 好勢(hósè)。

土地(thó͘tē) 需要(suiàu) 雲(hûn) kap 太陽(thàiiông)，
咱(lán) ê 靈(lêng) 也(iā) 需要(suiàu) 喜樂(hílo̍k) kap 悲傷(pisiong)，
伊(i) khǹg 咱(lán) tī 火爐(hélô͘) 中(tiong)，
鍛鍊(toànliān) 做(choè) 精金(chengkim) 純良(sûnliông)。

伊(i) 引(ín) chhōa 咱(lán) 行(kiâⁿ) tī 憂悶(iubūn) ê 路(lō͘)，
咱(lán) 跟隨(kunsuî) 伊(i) ê 腳步(khapō͘)，
伊(i) hō͘ 咱(lán) 試驗(chhìgiām) kap 痛苦(thòngkhó͘)，
Lóng 是(sī) 恩典(untián) ê 一(chi̍t) 步數(pō͘sò͘)。

咱(lán) 常常(siôngsiông) 閃避(siámpī) 修整(siuchéng) kap 剪(chián)，
Bōe 記得(kìtit) 作穡人(choèsitlâng) ê 上帝(siōngtè) 知(chai) 一切(itchhè)，
Ài 知(chai)，修整(siuchéng) ná 深(chhim)，
生(siⁿ) 出(chhut) ê 花(hoe) pha ná 茂盛(bō͘sēng) 美麗(bílē)。

深(chhim) 知(chai) 必須(pitsu) 苦難(khó͘lān) 方式(hongsek)，
伊(i) 心(sim) 中(tiong) 存(chûn) 目的(bo̍ktek)，
Tī 幽谷(iukok) 中(tiong) 伊(i) 輕聲(khinsiaⁿ) 講(kóng) 起(khí)，
無久(bôkú) 你(lí) beh 知(chai) 我(goá) ê 用意(iōngì)。

咱(lán) 經過(kengkoè) 人生(jînseng) 幽谷(iukok)，
有(ū) 伊(i) 疼(thiàⁿ) ê 清泉(chhengchoâⁿ) 來(lâi) 慰樂(uìlo̍k)，
Hō͘ 咱(lán) 醒悟(chhíⁿgō͘) 痛苦(thòngkhó͘) 勞碌(lôlo̍k)，
實在(si̍tchāi) 是(sī) 伊(i) ê 賜福(sùhok)。

所以(só͘í) 咱(lán) 跟(kun) tè 伊(i) 引(ín) chhōa，
雖然(suijiân) 道路(tōlō͘) 烏暗(o͘àm) koh 孤單(ko͘toaⁿ)，
因為(inuī) 咱(lán) 確實(khaksi̍t) 知(chai) 伊(i) 做伴(choèphoāⁿ)，
Hō͘ 咱(lán) tī 烏暗暝(o͘àmmî) 也(iā) beh 唱歌(chhiùⁿkoa)。


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com