《台語荒漠甘泉（漢羅版）》

 | | | 轉寄

吞忍thèng候

作者 陳清俊 譯 林俊育 漢羅翻寫 2009.08.16

listen
八月十六(八月十六日)

「我(goá) bat 吞忍(thunlún) thèng 候(hāu) 耶和華(Iâhôhoa)。」 (詩篇40：1)

Thèng 候(hāu) 比(pí) 行路(kiâⁿlō͘) khah oh，因為(inuī) thèng 候(hāu) 需要(suiàu) 耐心(nāisim)、吞忍(thunlún)。忍耐(jímnāi) 是(sī) 難得(lântit) 有(ū) ê 美德(bítek)。上帝(siōngtè) 圍(uî) 籬笆(lîpa) 來(lâi) 保護(póhō͘) 伊(i) ê 子民(chúbîn)，tùi 保護(póhō͘) ê 角度(kaktō͘) 看(khoàⁿ) 是(sī) 好(hó)。

總是(chóngsī) 若是(nāsī) 籬笆(lîpa) ná 起(khí) ná 高(koâiⁿ)，到(kàu) 籬笆(lîpa) 外(goā) lóng 看(khoàⁿ) bōe tio̍h，咱(lán) 就(chiū) beh 懷疑(hoâigî)，咱(lán) ê 一生(itseng) 是(sī) m̄ 是(sī) lóng 限制(hānchè) tī chitê 環境(khoânkéng)，kiám iáu 有(ū) 機會(kihoē) 離開(līkhui) chitê 小(sió) 範圍(hoānuî) kap 服務(ho̍kbū)。有時(ūsî) 咱(lán) bōethang 了解(liáukái)，為甚麼(uīsímmi̍h) 無(bô) khah 大(toā) ê 範圍(hoānuî) 來(lâi) 服務(ho̍kbū)、事奉(sūhōng)，為甚麼(uīsímmi̍h) bōethang 離開(līkhui) chitê 真(chin) oh 活動(oa̍htāng) 起來(khílâi) ê 所在(só͘chāi)。不過(putkò)，上帝(siōngtè) ê iânchhiân 有(ū) 伊(i) ê 意思(ìsù)，「義人(gīlâng) ê 腳步(khapō͘) 是(sī) 耶和華(Iâhôhoa) 所(só͘) 安置(antì)。」 (詩篇37：23)。

George Mueller tī chitê 經文(kengbûn) 邊(piⁿ) á 有(ū) 註解(chùkái) 寫(siá)，「m̄ nā 是(sī) 行(kiâⁿ) ê 腳步(khapō͘)，也(iā) 包含(pauhâm) 停(thêng) ê 腳步(khapō͘)」。有(ū) 人(lâng) 想(siūⁿ) beh 衝破(chhiongphoà) 上帝(siōngtè) ê 籬笆(lîpa)，這(che) 是(sī) 大(toā) 大(toā) ê 錯誤(chhòngō͘)。主(chú) hō͘ 基督徒(kitoktô͘) siōng 大(toā) ê 準繩(chúnchîn)，就(chiū) 是(sī) 無(bô) 離開(līkhui) 上帝(siōngtè) 所(só͘) kā 伊(i) 安頓(antùn) ê 所在(só͘chāi)，直到(ti̍tkàu)「雲柱(hûnthiāu)」 (出埃及記13：21)開始(khaisí) 向前(hiòngchêng) 起行(khíkiâⁿ)。──tùi「主日學時報」

咱(lán) 若(nā) 一旦(ittàn) 學(o̍h) 會曉(oē hiáu) 一切(itchhè) tāichì lóng thèng 候(hāu) 主(chú) ê 引(ín) chhōa，咱(lán) beh 知(chai)，咱(lán) ê 能力(lêngle̍k) beh tī 平行(pênghêng) 行做(kiâⁿchoè) tiong 達到(ta̍tkàu) 最(choè) 高點(kotiám)。咱(lán) ê 中間(tiongkan) 真(chin) chōe 人(lâng) lóng 欠缺(khiàmkheh) 想(siūⁿ) ài 有(ū) ê 力量(le̍kliōng)，總是(chóngsī) 上帝(siōngtè) 召(tiàu) 咱(lán) 去(khì) 做(choè) 每(muí) 一項(chi̍thāng) ê 工作(kangchok)， lóng beh 賜(sù) hō͘ 咱(lán) 有(ū) 夠額(kàugia̍h) 完全(oânchoân) ê 力量(le̍kliōng)。保持(póchhî) 信心(sìnsim) thèng 候(hāu) 伊(i) ê 引(ín) chhōa 就(chiū) 是(sī) 得(tit) 力量(le̍kliōng) ê 祕訣(pìkoat)。凡若(hoânnā) 無(bô) 照(chiàu) 伊(i) ê 道路(tōlō͘) 行(kiâⁿ) ê，lóng 是(sī) 浪費(lōnghuì) 時間(sîkan) kap 精神(chengsîn)。留心(liûsim) thèng 候(hāu) 伊(i) ê 引(ín) chhōa。──Samuel Dickey Gorden

假使(kású) 一個(chi̍tê) 人(lâng) 受逼(siūpek) 靜靜(chēngchēng) 無(bô) 採取(chháichhú) 任何(jīmhô) ê 行動(hêngtōng)，只(chí) khiā tī 岸頂(hoāⁿténg) 看(khoàⁿ) 性命(sìⁿmiā) ê 大湧(toāéng) chhiângchhiâng 滾(kún)，伊(i) ê 性命(sìⁿmiā) kiám 講(kóng) 是(sī) 失敗(sitpāi) ê mah？絕對(choa̍ttuì) m̄ 是(sī)，因為(inuī) 勝利(sènglī) 是(sī) ài 靠(khò) khiā 在(chāi)，安靜(anchēng) thèng 候(hāu) 去(khì) 得勝(teksèng)。Ánni 做(choè)，可能(khólêng) 比(pí) 你(lí) 以前(íchêng) 無(bô) 閒(êng) chhihchhih，phah 拚(piàⁿ) 生活(sengoa̍h) khah oh 幾(kuí) 千(chheng) 倍(pē)。Khiā 在(chāi)，thèng 候(hāu)，無(bô) 灰心(hoesim)，無(bô) 失望(sitbōng)，順(sūn) thàn 上帝(siōngtè) 旨意(chíì)，將(chiong) 工作(kangchok) ê 機會(kihoē) kap 榮耀(êngiāu) 留(lâu) hō͘ 別人(pa̍tlâng)，tī 眾人(chènglâng) 無(bô) 閒(êng) 快樂(khoàilo̍k) 進行(chìnhêng) ê 時(sî)，你(lí) 本身(púnsin) ōethang 保持(póchhî) 安靜(anchēng)，有(ū) 自信(chūsìn) koh 快樂(khoàilo̍k)，是(sī) 何等(hôténg) ê 好(hó) ah。

Siōng 偉大(uítāi) ê 人生(jînseng) 就(chiū) 是(sī)「到(kàu) lín 已經(íkeng) 做成(choèchiâⁿ) lóng 總(chóng) ê 事(sū)，也(iā) 猶原(iûgoân) khiā 在(chāi)。」 (以弗所6：13) ──J. R. Miller


附註:《荒漠甘泉》漢羅版kap "Hongbô͘ Kamchôaⁿ"全羅版附CD，由人光出版社出版， 歡迎洽購(062356277分機(122~124) ， email:book@pctpress.com